Білім беру жүйесіндегі өзгерістер эссесі

Сейдуалина Айткул Уахитовна

Орыс тілі мен әдебиеті пәні мұғалімі

Қарағанды облысы

Жаңаарқа ауданы

«Ынтымақ ЖООБМ»КММ

Білім беру жүйесіндегі өзгерістер.

«Елді түзетуді бала оқыту ісін түзетуден бастау керек»

Ахмет Байтұрсынов

Егеменді еліміздің бүгінгі таңдағы ең басты мақсаты – жан-жақты дамыған, алдыңғы қатарлы елдермен теңесу. Ал оған жетудің басты жолдарының бірі –әлемдік білім кеңістігінен орын алу. Мұның өзі ұлттық білім беру жүйесінің даму бағыттарын айқындап, оны тың арнаға, жаңа сапаға жеткізу қажеттілігін міндеттейді.

Бұл курстың ерекшелігі -өзге курстарға мүлдем ұқсамайтындығы. Елбасымыз білім беру бағытында алдымызға үлкен міндеттер жүктеп отырғаны баршаңызға мәлім. Осы мақсат-міндеттерімізге жету үшін Кэмбридждің Білім беру орталығы мен бірлесе отырып жасаған басшылардың біліктілігін арттыру курсының бағдарламасында көрсетілген заманауи жаңаша басқарудың рөлі өте маңызды.

Бағдарламаның басты мақсаты-терең білімді, рухани бай, өзі дамыған және басқаларды дамыта алатын көшбасшы қалыптастыру.

Бүгінгі таңда жоғары технологиялық қоғамға кіру сұранысына орай,жалпы білім беру үшін маңызды мәселе болып отырғаны: «ХХІ ғасырда кімді және қалай басқару керек?» және «Мұғалімдер ХХІ ғасырға қалай кәсіби дамиды ?»деген сұрақтар мазалайды.

Бағдарлама аясында жаңа идеямен қаруланып,оқытудың жаңа әдіс-тәсілдерін меңгеріп, білім мен дағдыларды терең меңгере отырып, мектебімізге жаңашылдық алып бардым.

«Маған айтсаң,мен ұмытамын.Маған көрсетсе,мен жадымда сақтаймын.Маған өзіме істеуге мүмкіндік бер,үйренемін»,-деп ұлы данышпан Конфуций айтқан даналық сөздер деңгейлік курс бағдарламасының кілтіне айналғаны баршамызға мәлім

Дәстүрлі оқыту мен заманауи оқытудың аражігін анықтауда айырмашылығы мен ерекшелігінің бар екенін байқадым. «Бетпе бет» кезеңінде бізге берілген теориялық материалдарды практика кезеңінде жүзеге асырып, зерттеп, саралап, талдап және қандай бағытта жұмыс жасау керек екенін анықтап алдым. Қазіргі заман мұғалімдері өздігінен білім іздейтін, шығармашыл , өзгеруге бейімделе бастағанына көзім анық жетті. Практикада болған небәрі төрт апта уақыт ішінде, осы бағдарлама бойынша жүргізген жұмысымның нәтижесін көрдім,мектеп ұжымы құлшыныспен қабылдағанын байқадым. Әрине, бұл мен үшін өте қуанарлық жағдай. Мұғалімнің өзгеруі мен кәсіби дамуы басты жаңалық болуы керек,- деген ойға келдім. Өз басыма келетін болсам, шынында серпіліп қалдым, теориялық білімімді толықтырдым, тәжірибе алмастым, жаңалықтармен…