Білім берудегі ақпараттық технологиялар туралы мақала

Білім берудегі АКТ

Смағұл Елдос Сапабекұлы – Қостанай облысы Қостанай ауданы

«Айсары орта мектебі» ММ математика пәні мұғалімі

Білім беруді ақпараттандыру күрделі де көп көп қырлы үдеріс болып табылады. Оның іске асуы білім мекемелерін компьютерлендіруге ғана емес, білім беруді ақпараттандыруды қамтамасыз ету әдістемесіне, ғылым мен тәжірибенің өзара байланысына да тәуелді.

«Ақпараттық-коммуникативтік технологиялар дегеніміз не?, АКТ нендей мүмкіндік бермек?, Білім беруді ақпараттандыру қалай жүзеге асуда?» секілді сұрақтар әрқайсысымызды, ұстаздарды елеңдетпей қоймас.

Сонымен ақпараттық – ақпарат, жаңалық, коммуникативтік – байланыс, қатынас деген ұғымды білдірсе, технология – іскерлік, шеберлік ұғымдарын береді. Қысқа түрде айтсақ «Ақпараттық-коммуникативтік технологиялар – жеке тұлғаға ғылыми ұғымдарды түсіндіру және олардың қабылдауын, түсінуін жеңілдетуге мүмкіндік беретін маңызды жүйе» десе де болады. Соған сәйкес бүгінгі мұғалімнің алдында оқушыға білім, білік дағдыларын игертіп қана қоймай, қабылдауын, ойлауын, ерік-жігерлерін, яғни, өз бетімен жұмыс жасай білетін, бәсекеге қабілетті жеке тұлғаны дамыту міндеттері тұр.

Бұл тақырыптың бүгінгі көздегі ауқымдылығы: білім беру саласында инновациялық үрдісті жүзеге асыруы, қазіргі заман талабына сай ақпараттандыру қоғамының жаңа талаптарын орындауы, оқыту үрдісінде ақпараттық технологиялардың қолданылу аясының кеңеюі, оқуға деген қызығушылық қарқынының азаюынан туындап отыр.

АКТ келешек ұрпақтың жан-жақты білім алуына, іскер әрі талантты, шығармашылығы мол, еркін дамуына жол ашуына тигізер пайдасы аса мол. Мектептегі оқыту пәндерінің ішіндегі күрделісі әрі қиындығы көп деп саналатын пәндердің бірі – математика. Ол оқушылардың интеллектуалдық, логикалық ойлауын және шығармашылық қабілелеттерін дамытуға толығымен ықпал жасайды. Коммуникативтік технологиялардың әртүрлі тәсілдерін қолдануда математика және информатика пәнін оқытудың тығыз байланысты бірнеше ерекшеліктерін атап өтейік:

АКТ үш бағытта қарастырылады: оқыту объектісі, оқыту құралы және болашақ кәсіптік-педагогикалық әрекетінің құралы;

Оқыту үрдісінде қолдану оқу әрекетіндегі әрбір оқушының түрлі мақсаттарын, мотивтерін, қызығушылығын іске асыруға көмектеседі;

Оқу әрекетіндегі оқушылардың өзіндік іске асыруын, ұйымдастыру қабілетін, белсенділік, шығармашылық үшін жаңа мүмкіндіктер беретін өнімді ақпараттық оқыту өрісін құруға көмектеседі;

Информатиканың жобалау әдісін оқытудағы педагогикалық технологиялардың бірі ретінде қолдануға көмектеседі.