Білім берудегі озық мақсат және заманға сай жаңғыру баяндамасы

Білім берудегі озық мақсат – заманға сәйкес жаңғыру

Ешпанова Лиза Шынәліқызы

Қалтай Мұхамеджанов атындағы №1 мектеп-гимназия , Қызылорда

«Білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс»

ҚР Президентінің 2018 жылғы Жолдауынан

Білім беру саласындағы бүгінгі өзгерістер жаңартылған мазмұндағы бағдарламалар мен оқулықтардан, стандарттар және кадрлардан бастау алады. «Адами капитал – жаңғыру негізі» деп Елбасы барлық жастағы азаматтарды қамтитын білім беру ісінде өзіміздің озық жүйемізді құруды жеделдету қажет екенін айтты. Өзгерістерді өзімізден бастауымыз керек екендігін бүгінгі таңда қарқындап дамып келе жатқан заманауи технологиялардан байқауға болады. Біз үшін, яғни білім саласының мамандары үшін ең маңыздысы адам капиталына инвестиция салу, адам капиталын дамыту болып табылады. Адами капитал – білім саласын дамыту негізі. «Білім экономикасын» қалыптастыру мен дамытудың басты факторы креативтік және инновациялық адами капитал болып табылады. Адами капиталды таңдау еңбек өнімділігін, өмір сүру деңгейін, білім беру сапасын, денсаулық сақтауды, демалу саласы мен мәдениетті арттыруға негізделген ұлттық саясаттың жаңа принциптерін құру қажеттілігін айқындайды.

Президентіміз Н.Ә.Назарбаевтың «Қазақстанның үшінші жаңғыруы: жаһандық бәсекеге қабілеттілік» және «Төртінші өнеркәсіптік революция жағдайындағы дамудың жаңа мүмкіндіктері» атты Жолдаулары мен «Болашаққа бағдар: рухани жаңғыру» атты мақаласында көрсетілген мақсаттарға жету, «Цифрлы Қазақстан» бағдарламасының тиісті деңгейде орындалуы үшін де, дамыған отыз елдің қатарына қосылу үшін де әлемдегі ең дамыған мемлекеттердің жаңа форматты дамуды қамтамасыз етуге бағытталған ұлттық стратегиялық жоспарларына зейін қойып, көңіл бөлуіміз заман талабы болып отыр.

Дамыған Еуропа елдерінің бірі Германия 2010 жылы жариялаған «Industrie-4.0» атты даму стратегиясы бүкіл әлемнің индустрияландыру саласындағы жаңа стандарттарға айналып отыр. 2011 жылы АҚШ өнеркәсіп саласында жаңа форматтағы әріптестік орнату үшін «Advanced Manufacturing Partnership 2.0» бағдарламасы, Қытай үкіметінің өнеркәсіп саласын дамытуға бағытталған «Made in Shina 2025» индустрия-лық стратегиясы жыл басындағы Елбасымыздың Жолдауы мен Қазақстан үкіметінің 2025 жылға дейінгі өнеркәсіп саласын дамытуға арналған жаңа жоспарының қабылдануына осындай әлемдік үрдістер арқау болып отырғанын білеміз.

Адамзат дамуының кезеңдерін қарастырып көрсек, бірінші кезеңде адамдар өз қажетін, тамағын табиғаттан аңшылық, терімшілік әдіспен тапты. Екінші кезеңде мал асырап, егін егіп күн көрсе, үшінші кезеңде металды, ағашты өңдейтін қарапайым өнеркәсіп саласын дамытты. Ал қазіргі төртінші кезеңде ақпарат тарату жүйесі дамып, интернет пен цифрлы технологиялар қарқынды дамып тұрмыстың барлық саласының негізгі бөлігіне айналды.

Болашақтың жоспарын үздіксіз жасап отырған аса дамыған Жапония елі дамудың жаңа жолдарын қамтамасыз ету үшін «Society 5.0» ( 5.0 қоғамы) стратегиясын жүзеге асыру мақсатында «Connected Industries» атты бағдарламасын қабылдады. 5.0 қоғамында адамдар күнделікті күйбең тірлікті арнайы жасалған роботтарға жүктеп, жеке басына тиімді уақытты денсаулығы мен біліміне пайдалануға мүмкіндік жасайды. Сондықтан, «роботтар әлеміне» айналатын «5.0 қоғамы» адамзат дамуының кезекті кезеңі деп қабылдауға болады.

Қазіргі цифрлы технологиялар дамып, әр мемелекеттің және қоғамдың жүйенің негізіне айналып отырған кезеңде балық салада жиналып отырған ақпаратты (Big Data) өндірісті жеңілдетуге ғана емес, адамның өмірі мен тұрмысын оңтайландыруға қолданудың тиімді жолын табу келешектің кемелденген қоғамын құрудағы ең…