Білім күніндегі ой толғанысқа арналған сынып жетекші мақаласы

Білім күніндегі ой толғаныс

Білімнің бастауы, қайнар көзі – мектеп болса, келешек ұрпақтың алғашқы баспалдағы – мектеп табалдырығын аттаған күн екендігі баршамызға аян.Осы тұста Мұхтар Шаханов ағамыздың мына бір сөзі ойға оралады. «Бала жүрегі кішкентай күй сандық.

Сол сандықтың кілтін тапсаң ғана ашылады.

Мұғалімнің қолында үнемі сол кілт жүруі керек»дегендей біз әрқашан бала жүрегінің кілтін тауып, жарқын болашаққа жетелей білсек ұстаздық міндетіміздің аса жауапкершілікпен орындалғаны деп білгейсіз.Үш ай жаз бойы оқу әрекеті ойын әрекетіне ауысқан балалар алғашқы оқу күнінен бастап-ақ өздерінің міндеттерін жоғары деңгейде орындап шықты. «Қазақстаным жүрегім-Түркістаным тірегім» тақырыбында 6 «Б» сыныбымен өткен білім сабағы барысында оқушылардың туған елге, туған жерге деген ыстық ықыласы, құрметі ерекше байқалды. Облыс орталығына айналған Түркістан қаласы туралы бейнебаяндар көрсетіліп, облыс орталығының айрықша жерлері оқушылар назарына ұсынылды. Сабақ барысында оқушылар Түркістан қаласы туралы жыр шумақтарын жатқа айтып, тарихымен ой бөлісті.

Мен білім күніндегі алғашқы сабақтан байқағаным балалардың бойына сіңіре білген әрбір білім нәрі оларға өмір бойы азық болу керектігі. Мен оқушыларымның оқуға, білімге деген құштарлығын көріп ерекше сезімде болдым. «Бұл менің сыныбым» деп әрқашан мақтан тұтатын оқушыларымның бар екендігіне іштей қуандым.

Хопабаева Роза Манарбекқызы

Түркістан облысы, Шардара ауданы, Ақалтын жалпы орта мектебінің биология пәні мұғалімі