Білім күніне арналған балабақша ойындары мен сценарийі

Білім күні-мереке!

Мақсаты: а) 1-ші қыркүйек білім күнімен таныстыру;

ә)Білімге, оқуға деген қызығушылықтарын ояту;

б)Адамгершілікке, достыққа тәрбиелеу.

Көрнекілігі: Слайд арқылы мектептегі алғашқы қоңырау сылдырымен таныстырып, білім туралы мағұлмат беріледі.

Жүргізуші: Қастерлемес даңқын кім,

Қадірлемес салтын кім?

Әнұраны елімнің,

Үні, Тілі халқымның!

Әнұран.

Жүргізуші: Кішкентай бүлдіршіндеріміздің білім күніне арнаған тақпақтарына кезек береміз. (Сафуан, Әулет, Нұрасыл, Ақниет)

Сафуан: Биіктерге бастайтын асқаралы,

Әр жүректің сүйікті асқақ әні.

Мерекеде бәріміз бір дауыспен,

Шырқадық еліміздің ән ұранын.

Әулет: Бүкіл елде басталып бүгін жыры,

Бақ қоңырау шақырар ұғымдыны.

Білім-ғылым бастауы мерекелі,

Құтты болсын бүгінгі Білім күні.

Нұрасыл: Егемен елдің төсінде

Шуағын шашқан арай күн.

Азамат боп өсеміз.

Қызыға әлем қарайтын.

Ақниет: Риза етіп баршаны,

Әсем әнге саламыз.

Таудан биік талабы,

Біз-сүйкімді баламыз.

Жүргізуші: Жаңа киім үстімде,

Мақтанғым да келеді.

Білім тойы үстінде,

Шаттанғым да келеді.

Би: Домбыра.

Ойын: Кім жылдам?

Шарты: мектеп құралдарын тауып сөмкеге салу.

Жүргізуші: Бала, бала, баламыз,

Бақшамызға барамыз.

Күні бойы қызыққа,

Батамызда қаламыз.

Ән: Балабақшам - «Ғарышкер».

Жүргізуші: Бақшаға сен келесің,

Баураған бар ұлт баласын.

Тәртіппен алсаң білімін,

Өмірден жол табасың-дей отырып, келесі кезекте бүлдіршіндеріміздің

тақпақтарына береміз. (Бағлан, Абай, Кәусар, Мадияр, Данияр)

Бағлан: Сүйемін туған тілді ана тілім,

Бесікте жатқанымда- ақ берген білім.

Шыр етіп жерге түскен минутым сол,

Құлағыма сіңірген таныс үнім.

Абай: Бар асылын халықтың,

Құйған сана ойына.

Туған тілім өркенде,

Бола бер күшті көркемде.

Кәусар: Шу-шу етіп жан-жақтан,

Шаршатқан да болармыз.

Жанға тыныш жаз айы,

Өтіп міне күз келді.

Мадияр: Кітап-білім кеніші,

Білім-елдің өрісі.

Татар дәмді тәтті етер,

Ащы еңбектің жемісі.

Данияр: Ұстаздар- ұлттың тірегі,

Ұстаздар-білім жүрегі.

Ұрпаққа жетер ұстазбен,

Халықтың ұлы тілегі.

Жүргізуші: Ән салайық, келіңдер,

Жайнап гүлдей жүріңдер.

Білім күнін тойлайық,

Би билейік, ойнайық.

Би: Батырлар биі.

Жүргізуші: Біздің бүлдіршіндеріміз кітап, мектеп, білім туралы мақал-мәтелдер де біледі. Ендеше кезекті екі топтан құралған мақал айту жарысына береміз.

Білім тобы:

Айару: Оқу-инемен құдық қазғандай.

Махамбет: Кітап-білім бұлағы,

Білім-өмір шырағы.