Білім күніне арналған ойын-сауық сценарийі

«Білім күні» мерекелік ойын-сауығының сценарийі.

(Көңілді музыка әуенімен балдырғандар залға кіреді.)

Жүргізуші: Бүкіл елде басталып бүгін жыры,

Бақ қоңырау шақырар ұғымдыны.

Білім, ғылым бастауы, мерекелі,

Құтты болсын бүгінгі Білім күні.

Биіктерге бастайтын асқаралы,

Әр жүректің сүйікті асқақ әні.

Мерекеде бәріміз бір дауыспен,

Шырқайық еліміздің Әнұраны.

Қазақстан Республикасының Әнұраны шырқалады.

(Сөзін жазғандар: Ж.Нәжімеденов пен Н.Ә.Назарбаев.

Әнін жазған: Ш.Қалдаяқов.)

Жүргізуші: Шайдай ашық бейбіт күннің аспаны,

Ауламыздың келісіп тұр бар сәні.

Қыркүйек салтанантты мерекемен,

Құттықтайды меңгеруші баршаны.

Меңгерушінің құттықтау сөзі.

Жүргізуші: Балалар, сендерді қайта көргеніме өте қуаныштымын. Сендер жаздай күнге күйіп, бойларың мен ойларың өсіп, сәл де болса есейіп қалыпсыңдар. Қараңдаршы біздің балабақшаға жаңадан келген балалар да бар екен. Сендер жақсы дос боласыңдар деп ойлаймын. Қане, бір бірімізге қол бұлғап, «Сәлем» деп амандасайық. Бүгін қандай мейрам екенін білесіңдер ме?

Балалар: Білім күні!

Жүргізуші: Иә, білім күні! Бұл күні балалар мектепке ағылады.Бұл күні бізде балбақшамызда білім күнін мерекесін тойлаудамыз.

Тақпақтар:

1.Күнделікті ерінбей,

Бақшаға мен келемін.

Көп нәрсенін сырын ұғып,

Аты жөнін білемін.

2.Бәрін өзім талаптанып,

Үйренемін бақшадан.

Балапанмын білімімен,

Биік ұшар басқадан.

3.Балдырғанды мәпелер,

Бақшада бар апайлар.

Қолымыздан жетектеп,

Бізді сонда әкелер.

4. Ертек айтып, әңгіме,

Құрастыра білейік.

Шынықтырып денені,

Шымыр болып жүрейік.

5. Білім бастауы бақшада,

Кел, достым, кел бақшаға.

Білім бастауы бақшада,

Кел, достым, кел бақшаға.

Жүргізуші:Кел, балалар, ән де салайық,

Білім күнін қуанышпен қарсы алайық.

Ортаға әнші қыздарымызды шақырамыз!

Ән: «Бала, бала, балақан» әні

(«Жалқаубек» Роза Рымбаеваның орындауындағы ән әуенімен, есіктен тарпылдап керіліп-созылған, ұйқылы ояу Жалқаубек кіреді.Қолындағы қомпиған сөмкесін қойып:)

Жалқаубек: Уһ, жеттім-ау, әйтөуір. -Сәлеметсіздер ме?

Балалар сәлем қайтарады: Сәлеметсіз бе!

Жүргізуші: Оу, Жалқаубай, жасын онға келгенде балабақшаға келгеніне жол болсын?

Жалқаубек (қисандап, балаларға күлкілі кейіппен):Қайдағы балабақша?Мен мектепке келдім емес пе? Өйткені анам айтты ғой, мектепте білім күні өтіп жатыр деп. Балалардың әндетіп жатқандарына қарағанда мектеп осы болар, тым болмаса тойларыңа қатысайын деп сөмкемді тоқашқа толтырып келіп тұрмын.

Жүргізуші: Ай, Жалқаубай-ай, Жалқаубай саған не дейін...Бізде білім күні өтіп жатқаны рас. Өйткені білімге деген құштарлық балабақша жасынан басталады. Жалқаулықпен балабақша есігін ашпалың, сен оны қайдан білесің?