Отан қорғаушылар күніне арналған мерекелік ойын сценарийі

Отан қорғаушылар күні «Жеңіс күні-дүниежүзілік мереке!»

ойын-сауығының сценарийі.

Жүргізуші: - Құрметті қонақтар, балалар бүгін біз бақшамызда Отан қорғаушылар күніне арналған «Жеңіс күні-дүниежүзілік мереке!» мерекелік ойын сауығын бастаймыз.

Жүргізуші:Отанымның нұр таңы

Ата-баба ұрпағы,

Бүлдіршіндер бақтағы,

Кіп кішкентай шақтағы.

Елін-жерін қорғайтын,

Келешектің балбөбектей,

Шақырамыз ортаға,

Балдырғанын саптағы.

(Залда марш әуені үнтаспадан естіліп тұрады, ортаңғы топтың балалары келіп орындарына тұрады.)

1.Бізде солдат боламыз,

Қолға қару аламыз,

Ал әзірге кішкентай

Бақшадағы баламыз.

2.Отан біздің анамыз,

Отан біздін панамыз.

Ақтай білсек ер атын

Елден алғыс аламыз.

3.Ертен үлкен боламыз,

Он сегізге толамыз.

Шекараны күзетіп,

Айналаны шоламыз.

4.Шекарада күзетте

Қас қақпайды ағалар,

Балбыраймыз төсекте

Біз алаңсыз балалар.

5.Бүлдіршіндер асыр сап

Ойнар бала бақшада,

Гүлденсін деп жас ұрпақ

Күзетіп тұр сақшы аға!

Ойын: «Туды тік!» екі бала туды қолдарына алып, жерге жатып жорғалап, туды тутұғырға тігу керек.Кім бірінші болса, сол жеңімпаз атанады.

Ән: «Жеңіс туы желбіреп»

Жүргізуші:Жеңіс келді шуақ шашып далама,

Қуанышын сыйлап әсем қалама.

Құтты болсын айтып жатыр баршаға,

Алау гүлін тарту етіп қаншама!

-Бүгінгі Жеңіс күні мейрамдарыңыз құтты болсын! Дендеріңізге саулық, көңілдеріңізге шаттық тілейміз. Жер бетінде тыныштық, достық, бейбітшілік болсын!

Би: «Мәңгілік отқа тағзым!» ұлдардың орындауындағы биді қабыл алыңыздар!

Жүргізуші:Біздер үшін төгіпті қан бабалар,

Ел аузында қалды талай даналар,

Отты жылдың батырлары-ардақты

Ұрпағының мақтанышы саналар.

-Ал енді, осы батырларымыз жайлы ортаңғы топтың балаларының тақпақтарын тындайық.

1. Қазақтың қамы үшін

Жүрегі ауырған,

Елінің намысын

Қорғаған Бауыржан.

2. Қорықпайтың дауылдан,

Жеңілмейтін жауынан,

Біздің батыр ағамыз-

Момышұлы Бауыржан.

3. Батыр Талғат ағамыз

Құртып талай жау мысын.

Кеудесінде қос жұлдыз-

Екі рет батыр бір өзі.

4. Мәншүк апай батыр қыз,

Ардақтаймыз атын біз.

Ұқсап Мәншүк апайға

Өсіп келе жатырмыз.

5. Қосамыз біз өлеңге,

Айтамыз біз ән қылып,

Әлия, Мәншүк ерлігі

Ұмытылмас мәңгілік!

Жүргізуші:-Міне, балалар, осы ер жүрек батырларымызды естен шығармай, осы батырлар сияқты Отан сүйгіш ержүрек, Отан қорғайтын батыр болайық!

« Ел қорғауға әзірміз»