Білім сапасын арттырудағы тиімді технологиялар 1 сынып

Баяндама: «Білім сапасын арттыруда тиімді технологияны қолдану» Қазақстан Республикасы жоғарғы бiлiм беру мемлекеттiк стандартының тұжырымдамасында айқын көрсетiлгендей, қоғамымыздың жаңа әлеуметтiк тапсырыстары, өз кезегiнде оқу бағдарламаларын өзгертудi, оқытудың жаңа технологияларын енгiзудi көздейтіні баршамызға белгілі.

Қазіргі таңда білім беру саласында жаңа пегогикалық технологияларды пайдалану мұғалімге оқу үрдісінің құрылымын түбегейлі өзгертуге, оқытудағы пәнаралық байланысты күшейтуге, оқушылардың дүниетанымдарын кеңейтуге және қабілеттерін көре біліп, оны дамытуға толық жағдай жасауға мүмкіндік береді. Сондай- ақ оқушылардың өз бетімен жұмыс жасауларын арттыру мен шығармашылық қабілеттерін дамытуда жаңа педагогикалық технологияларды пайдалану және оның тиімді әдістемесін жасау өзекті проблемаға айналып отыр. Мұғалімдердің көпшілігі, оның ішінде өзім бар көптеген әдіс-тәсілдерді сабақта қолданып жүріп, сол әдіс- тәсілдердің белгілі бір технологиялардың әдіс-тәсілдері екенін білмей жатамыз. Сондай жаңа технологиялардың бірі – педагогикалық шеберхана технологиясы.

Педагогикалық шеберхананың мәні неде? Ресей мектептерінде 1990 жылдан бастап, "Шеберхана" термині енгізіле бастады. Шеберхана - оқушының сыныптағы іс-әрекетін жаңаша ұйымдастыру тәсілі. Шеберхана балаға тек мектеп деңгейіндегі ғылымды білдіріп қоймайды, сонымен бірге, білімнің қалыптасу жолын, тәсілін түсіндіреді. Педагогикалық шеберхана - бұл әрбір қатысушының жаңа білімге және жаңа тәжірибеге өздігімен және ұжымдық ұйымдастыру жолымен көтерілу жағдайын қалыптастыратын оқыту түрі.

Шеберхананың заңы - өз бетіңше жаса, өзіңнің қабілетіңе, жеке іс тәжірибеңе қарай отырып, өзіңді өзің көрсет. Осы атап кеткендердің бұрынғы қалыптасқан дәріс,

семинарлардан өзгешелігі, "Мен сияқты істе және менен де артық істе" деген мағынада өзінің жеке қағидасы бар.

Педагогикалық шеберхана технологиясы төмендегідей қағидаларға құрылған. (Степанова Г.В.) - "Шеберлер" оқушылармен ашық-жарқын көңіл күй жағдайын қалыптастырып, қарым-қатынаста ынтымақтастық, қайырымдылық орнықтырады; -мәселені (тақырыпты) оқытуда оқушыны қызықтыра білу, оның сезімдеріне әсер етеді; -"шеберлер" білім беруде оқушымен және басқалармен де тең дәрежеде жұмыс жүргізеді; - сұрақтарға жауап беруде сабырлық сақтап, асығыстық жасамайды; -қажетті ақпараттарды аздап бере отырып, баланың талап-тілектерін қанағаттандыруды ойластырады;

Айтылған қағидаларды басшылыққа ала отырып оқу- тәрбие үрдісін дәстүрден тыс қалыпта ұйымдастырып, шығармашылық жағдай, психологиялық жағымды көңіл-күй туындата отырып, мұғалім мен оқушының арасында ынтымақтастық орнату көзделеді. Педагогикалық шеберхана технологиясы бойынша сабақ өткізу 7 кезеңнен тұрады.

Шығармашылық -индукция сезімін ояту, ойын жинақтау, пәнге деген қызығушылығын тереңдету , әр оқушыға логикалық тапсырма беру.

Деконструкция -материалмен жұмыс (мәтін, модель, бояу, дыбыспен)

Реконструкция - өздерінің ішкі дүниесі бойынша, заттардың құрылысы туралы шағын әңгіме жазу, суреттеу, шағын кескіндер құрастыру.

Әлеуметтендіру - жұп немесе топта жұмыс әрекетін қалыптастыру,оқушының өз ойын басқалармен бөлісуі, алған білімін бағалау.

Жарнамалау- әр оқушы өз жұмысын сурет, мәтін, кескін, жоба арқылы жарнамалап ортаға салады, әр оқушының өз жұмысын тақтаға ілуге, дауыстап оқуға толық мүмкіндігі бар.

Үзіліс- оқушылар бір сәт ойын жинақтайды. Бұрынғы алған білімін жаңа сабақтан алған білімі мен салыстырады.