Білімді жастар ел болашағы сыныптан тыс жұмыс

Интеллектуалдық ойын:

Интеллектуалдық ойынның мақсаты:

а) Жас ұрпаққа Елбасының сан қырлы талант иесі, құдіретті тұлға екенін таныту.

ә) Елімізге еңсе тіктетіп, мемілекетімізді мығымдап берген, халқымызды әлемге танытып, алаш баласының абыройын ақсақтатып Елбасының кісілік келбетін меңгеру.

б) Елін сүйген, елі сүйген Елбасынан үлгі алуға тәрбиелеу.

1-жүргізуші:

Армысыздар, қадірменді қонақтар,құрметті ұстаздар мен оқушылар!

2-жүргізуші

1-желтоқсан Тұңғыш Президент күніне арналған «Білімді жастар-ел болашағы» атты интеллектуалдық ойынға хош келдіңіздер.

1-жүргізуші: «Бүгінгідей жаһандану жағдайында мемлекет пен адам озық бәсекеге сай болуы үшін, ең бірініші білім мен ғылым өркендеуі қажет. Біздің жастарымыз ғылыммен білімге ұмтылып, елдің болашағын ойлайтын болса, келешегіміз кемел, тәуелсіздігіміз баянды болады»,- дей келе Елбасымыз Н.Ә.Назарбаев жастарға мол сенім артады. Келешек жас ұрпақ, құрметті оқушылар сіздерге артылып отырған үміттің жүгі ауыр. Өйткені төл тарихымыз бен рухани санамызды қайта жаңғыртып, Қазақстанды әлем көкжиегіне даңқты ел етіп таныту сіздердің қолдарыңызда. Осы жолда ел тарихымен қатар елдің тірегі болған Елбасымыздың дара жолын білу бізге парыз.

2-жүргізуші:

«Бұл заман білекке сенетін емес, білімге сенетін заман» деген елбасы сөзін растау үшін дәл бүгін сіздердің білімдеріңіз таразы талқысына түспек.

1-жүргізуші:

Бүгінгі ұйымдастырылып отырған ойынға 5-11 сыныптар аралығында әр сыныптан 1 оқушы таңдап алынды. Қазір қатысушы ойыншылар қоржыннан асық таңдау арқылы екі командаға бөлінеді. Топтар құрылғаннан кейін топ атын, басшысын, ұраны мен белгісін жасауға 15 минут уақыт беріледі.

Олай болса бүгінгі ойынның ережесімен таныс болайық.

Сіздерге 5тақырыпша, 6 ұяшық ұсынылады. Әр ұяшықтың өз ұпай сандары көрсетілген. Таңдаған ұяшықтың жауабы дұрыс болса сәйкесінше ұпай беріледі, қате жауап болған жағдайда ұпай саны шегеріледі. Соңғы ұяшық таңдалған соң жалпы ұпай саны есептеліп, жеңімпаз команда анықталады.

2-жүргізуші:

Құрметті қатысушылар сендердің білімдерің – ол сендердің еңбектеріңнің нәтижесі. Сендер өздігінен білім алуға неғұрлым көбірек еңбектенсеңдер, соғұрлым көбірек білетін боласыңдар.

«Заманауи әлемде елдің қуаты ең алдымен азаматтарының білімімен өлшенетіні» әрдайым естеріңізде болсын. Келесі кездескенше күн жарық, ел тыныш болсын.

«Білімді жастар-ел болашағы» Интеллектуалдық ойын