Жастар және ғылым: бүгінгі мен болашағы пікірталасы

ЖШС «Каспий өңірі «Болашақ» колледжі

(білім беру ұйымының атауы)

Адайханова Гүлзия Мусақызы

«Биология» пәні оқытушысы

Тақырыбы:«Жастар және ғылым: бүгіні мен болашағы»

(жас мамандарға аналған пікірталас)

Мақсаты:

-Белгілі бір фактілерді зерттеуге, болжауға, жүйелеп сөйлеуге, өз көзқарасын ашық әрі жүйелі етіп дәлелдеуге және өз бағытын дұрыс ұстануға жетелеу;

- Өз көзқарасын айтуға машықтандыру;

- Мемлекет пен қоғам дамуына белсенді қызмет ететін, жаңаша тұрғыда ойлай алатын жас мамандарды біріктіру, олардың диалог алаңын құру.

Жүргізуші: Сәлеметсіздер ме, оқытушылыр! Бүгінгі біздің өткізгелі отырған «Жастар және ғылым: бүгіні мен болашағы » атты пікірталас сайысымызға қош келдіңіздер!

Жүргізуші: «Отаншыл халық жастары болмаған елдiң болашағы қараңғы» демекші, елiмiздiң болашағы жастардың еңбекқорлығына, талап-тiлегiне, арман-мұратына байланысты. Олар ата-бабаларымыздан мұра болып келе жатқан құндылықтарымызды, тарихи дәстүрлерiмiздi жаңғыртып, оны алға бастырып қана қоймай, экономикасын, ғылымын да дамытуға, жiгерлене ел үшiн еңбектенуге мiндеттi. Ендеше жастар еңбек жолына түскенде ғана қоғамын өрге бастыра алады.

Жүргізуші: ХХІ ғасырға аяқ басқалы бері жаһандану жаңа технологиялар дәуіріне өтті. Адамзат өмір сүру тәртібін барынша жеңілдетуге талпынған сайын жаңа технологиялар дүниеге келіп жатыр. Адам бір ғана түймешікті басу арқылы бүкіл әлемді басқарғысы келеді. Смартфон мен компьютердің соңғы шығарылған үлгісін меңгеріп болам дегенше жаңа технологиядағы үлгісі шығып үлгереді.

Ғылымның дамуы бойынша Қазақстан әлем рейтингісінде 61 орында. Демек, дамыған елдер деңгейінен 24 есе төмен. Өкінішті, бұл өте төмен көрсеткіш. Дүние жүзінде әрбір 1000 адамның біреуі ғалым. Ал Қазақстанда әрбір 2500 адамның біреуі ғалым. Ресми деректерге сүйенсек, Қазақстан 8000 ғылыммен айналысатын адам бар. Олардың бәрін ғалым деуге болмайды. Себебі енді қызығушылық танытып, іс бастағандар бар.

Жүргізуші: Пікірлесіп көрейікші біз ашық,

Даурықпайық,берекесіз шуласып,

Жүгінейік ақиқатқа әрқашан,

Дос көңілмен ақтарыла сырласып.

Пікірталас шарттары:

Таныстыру

«Ой талқы»

«Ой серпін».

Қорытынды.

«Кім жылдам?».

Пікір білдіруші сарапшылармызды таныстырып өтейік:

Сергіту сәті: «Жүрек жылуы»

Ең алдымен жүргізуші бастайды. Жүрекшені алып, «Мен сізге жүрекшені беремін, себебі сіз .. қайырымдысыз, ақкөңілсіз және т.б»Әр қатысушы жүрекшені алып, жалғастырады.

Жүргізуші: Қане пікірлесіп қарайық,

Қилы-қилы ойды ортаға салайық.

Сан-салалы асыл ойлар тоғысып,

Толғандырған жайды шешіп алайық - дей келе сайысымыздың алғышқы кезеңін бастайық!

1 кезең: Таныстыру. Екі топ өздерін таныстырады.

І топ: Жалын

ІІ топ: Болашақ

2 кезең: «Ой талқы»

Бұл кезеңде екі топ берілген тақырып бойынша пікірталасқа түседі.

1 тақырып: Жастар және ғылым: бүгіні (Жастар бүгінде)

2 тақырып: Жастар және ғылым: болашағы (Ғылым болашақта)

3 кезең: «Ой серпін»

Берілген сұрақтарға жауап беру.

Жүргізуші:Бір әмірші Әл-Фарабиден менің мемлекетімнің ертеңі туралы не айтасың деп сұрапты. Сонда Әл-Фараби «Сен маған алдымен жастарыңды көрсет, сонда мемлекетіңнің болашағын бағамдау қиынға соқпайды деген екен. Расында болашақтың қожасы - жастар. Жастардың ілгері ұмтылысын қолдау үшін ең алдымен сапалы білім…