Білімділер және білгірлер сыныптан тыс сайысы

Сайыстың тақырыбы: “Білімділер мен білгірлер”

Сайыстың мақсаты: Мұғалімдер мен оқушы арасындағы байланысты нығайту,шапшаңдыққа баулу. Оқушылардың химия, биология пәніне қызығушылығын, ынтасын арттыру, ой-өрісін және танымдық қабілеттерін, шығармашылыққа баулу, өз ойын еркін жеткізе білу және өткенді шапшаң еске түсіру дағдыларын қалыптастыру, әділдікке жетелеу.

Жүргізуші: Құрметті ұстаздар, оқушылар! Бүгінгі «Білімділер мен білгірлер» атты білгірлер мен тапқырлар кешіне қош келдіңіздер! Сайысымызды бастауға рұқсат етіңіздер.

1-жүргізуші:

Ақыл — тон, аңдығанға тозбайтұғын,

Білім – кен, қанша болса азбайтұғын.

Қатарың оза шацып бара жатса,

Арқаңның ауруы не қозбайтұғын, — деп Тұрмағамбет Ізтілеуов айтқандай,

– деп биология және химия пәндерінен алған білім,білік, дағдыларымызды ортаға салайық.

2- жүргізуші:

Қазылар орнықтырар әділдікті

Кімдердің жауаптары кәміл шықты

Білім мен тапқырлықтың сайысында

Жеңіске жетер дейміз нағыз мықты дей отырып, әділқазы алқаларын таныстырып өтейік: директордың ғылыми-әдістемелік істері жөніндегі орынбасары Ботакөз апай,химия пәні мұғалімі Клара апай, биология пәні мұғалімі Гаухар апай, география пәні мұғалімі Талша апай.

1-жүргізуші:

Сәлем бер, елге сәлем бер,

Таныстыр көпке атыңды

Сәлем бер, көпке сәлем бер

Шығаршы кәне атыңды – дей келе

Алдарыңызда 8 сыныптардан құрылған топтарды ортаға шақырамыз.

1-жүргізуші:

8 «А» оқушыларынан құрылған «Білгірлер» тобы.

8 «Б» оқушыларынан құрылған «Вольфрам» тобы.

2-жүргізуші:

«В» оқушыларынан құрылған «Атом» тобы.

8 «Г» оқушыларынан құрылған «Алғырлар» тобы.

8 «Д» оқушыларынан құрылған «Қырандар» тобы.

Сайысымыз мынандай кезеңдерден тұрады.

– кезең: Таныстыру ( Әр топ өздерін таныстырады).

– кезең: «Кім білгір?» (Биология мен химиядан сұрақтар қойылады).

– кезең: «Ол кім, бұл не?»

– кезең: «Мықты болсаң шешіп көр»

– кезең: Суретпен жұмыс.

6- кезең: Капитандар сайысы

Тапқыр,білгір,дарынды

Жарыс бар бүгін арынды

Жаратылыстану пәндерін сүйсең сен

Ортаға сал барыңды - деп, сайысқа қатысушы топтарға сәттілік тілей отырып, сайысымыздың алғашқы турын бастасақ.

1 - кезең: Таныстыру.

Топтарымен, ұрандарымен таныстырады.

8 «А» сыныбын қол соғып ортаға шақырайық. Ретімен ортаға шақырылады.

2- кезең: Рахмет, келесі кезең «Кім білгір?» Әр топқа биология пәнінен 5 сұрақ қойылады. Дұрыс жауаптарға 1 ұпай беріледі.

№1 топ сұрақтары:

Жүректің қабаттарын атаңыздар?(эпикард, миокард, эндокард)

Асқазанда нәруыз ыдыратуға қатысатын фермент?(пепсин)

Өкпедегі газалмасу қайда жүреді?(альвеола)

Қан жасушаларын атаңыздар?(эритроциттер, лейкоциттер, тромбоциттер)

Үлкен қан айналу шеңбері жүректің қай бөлігінен басталады? (сол жақ қарынша)

№2 топ сұрақтары:

Жүректен шығатын қантамыры(артериялар)

Ауыз қуысында көмірсуларды ыдыраттатын фермент?(амилаза)

Организмде Д витамині жетіспесе қандай ауру пайда болады?

4. Сыртқы және ішкі тітіркендіргіштерге орталық жүйке жүйесі арқылы жауап беру қалай аталады? (рефлекс)

5.Тері қабаттары?(эпидермис, дерма, май клетчаткасы)

№3 топ сұрақтары:

«Ақшам соқыр» ауруы қандай витамин жетіспегенде болады?(А витамині)

Қабырғаларында қақпақшалары бар қан тамырлары?(веналар)

Энергетикалық алмасу басқаша қалай аталады?(катабализм)

Ең үлкен асқорыту безі?(бауыр)

Дыбыс пайда болатын мүше?(көмей, дыбыс саңылауы)

№4 топ сұрақтары:

Өкпенің тіршілік сыйымдылығы қанша?(3500мл)

Ұзындығы 25 см бұлшықетті түтікті мүше?(өңеш)

Ұйқы безінен бөлетін гармон?(Инсулин)

Тәбет ашатын сөл қай уақытта бөлінеді?(тамақ ішуден бұрын бөлінеді)

РР витамині жетіспесе қандай ауру пайда болады?(Пеллагра)

№5 топ сұрақтары:

Нәруыздар ыдырағанда қандай заттар түзіледі?(аминқышқылдары)

Қаназдық ауруы қандай витамин жетіспегенде пайда болады?(В12)

Бүйректің негізгі құрылымдық бірлігі?(нефрон)

Сілекейді жабысқақ ететін фермент?(муцин)

Қанның ұюына қатысатын қан жасушалары?(тромбоциттер)

8 «А» сынып оқушыларына сұрақ:

Таңбалар мен индекстердің көмегімен жазылған шартты белгі?(Химиялық формула)

Қалыпты жағдайда кез-келген газдың бір молі қанша көлем алады? (22,4л/моль)

Химиялық таңбаның алдына қойылатын сан? (Коэффициент)

«Атом »сөзі грекше қандай мағына береді? (Бөлінбейтін)

Химиялық элемент атомының басқа химиялық элемент атомдарының белгілібір санын қосып алу қабілеті? (Валенттілік)

8 «Б» сынып оқушыларына сұрақ:

Оттекті өнеркәсіпте қалай алады? (ауаны суйылту арқылы)

Заттың химиялық жолмен бөлінбейтін ең ұсақ бөлшегі? (Атом)

Жылу сіңіре жүретін реакция? (Эндотермиялық)

Сутегін ашқан ағылшын химигі? (Г.Кавендиш)