Білімнің жағып шырағын әдеби-шығармашылық кеші

Ыбырай Алтынсариннің туылғанына 170 жыл толуына арналған

«Білімнің жағып шырағын...» атты әдеби-шығармашылық кеш

(Қоңырау соғылады) (Әуен ойнап тұрады) Қағылды тұңғыш сабақ қоңырауы, Сыныптан он төрт бала орын алды. Мөлдіреп отыр өңшең қара көздер, Кіре алмай сыртта қымбат ойын калды. Салсын деп дәптер,кітап берген тігіп, Киізден әшекейлеп,жіппен сырып, Бос жатыр әзірінше боқшалары Бәрінен байқалады күткен үміт. Ал міне келді кіріп ұстазы да, Толтырып қалам, дәптер құшағына. Келді ол күлімсіреп, әр баланың Аяулы әкесіне ұқсады да... Ілінген қара тақта оң жағында, Қолына төрт қырлаған бор алды да, Бір сәтте тұнып іштен қалды тұрып, Көздерге жаудыраған қарады да. - Бастаймыз бүгін сабақ! Дәптерді алдарыңа қой ыңғайлап, Тақтаға мен жазамын тұңғыш әріп, Асықпай отырыңдар соны абайлап! Деді де тақтасына жақын барып, Ол қолын созды, әдемі жазылды әріп. Тал иіп, садақ тартқан кей баланың Көзіне мына сурет басылды анық... «Кел,балалар,оқылық!» өлеңімен жалғастырады. (Қоңырау соғылады) Сабақты аяқтаған ұстаз отырып, досы Ильминскийге хат жазады. «Аса марқабатты Николай Иванович! Мен әлі күнге дейін Орынбор бекінісіндемін. Өткен екі-үш жыл жайында айтпай, осы жылғы жайымды- ақ айтайын. Осы жылы қаңтардың сегізі күні менің көптен күткен ісім орнына келіп, мектеп ашылды, оған 14 қазақ баласы кірді; бәрі

І жүргізуші

Қайырлы күн, құрметті ұстаздар мен оқушылар! Ұлы ағартушы- педагог, ғалым, фольклоршы, ақын, жазушы Ыбырай Алтынсарин есімі әрқашан кез келген қазақ баласының жадында десек, артық айтқандық емес. Ғалымның өлеңдері шәкірттердің жадында жатталып қалған. Биыл ұлы ағартушының туғанына 170 жыл толып отыр.Соған орай Ыбырай Алтынсарин атамыздың атымен аталатын Қызылорда қаласындағы №10 қазақ орта мектебінде ұйымдастырылып отырған « Білімнің жағып

шырағын...» атты әдеби-шығармашылық кешті бастауға рұқсат етіңіздер! Сіздер жаңа қазақтың майталман ақыны Ғафу Қайырбековтың «Дала қоңырауы» атты поэмасынан көріністі тамашаладыңыздар. ІІ жүргізуші

Биылғы жылы біз қазақ халқының ұлттық мектебінің қалыптасуында, мәдени өркендеуінде өшпестей із қалдырып, тарих төрінен көрнекті орын алған ардақты тұлғаларымыздың бірі - Ыбырай Алтынсариннің 177 жасқа толуын атап өтудеміз. Бұл - бүкіл қазақстандық ұстаздар қауымының, олардан тәлім-тәрбие алып жатқан барша оқушылардың ортақ мерейтойы.

І жүргізуші Заманымыздың заңғар жазушысы Мұхтар Әуезов ұлы ағартушы туралы былай деп жазды: «Ыбырай өмірі, еңбек еткен ортасы, әлеуметтік- қоғамдық қайраты, әрекеті жөнінде Шоқанға да, Абайға да ұқсамайды. Өз өмірінде Ыбырай ол екеуінің де ісін түйістіріп, қоса білді. Сөйтіп, Шоқан мен Абай істеген тарихтық ұзақ өрісі бар, зор келешегі бар істердің үлгісін өз қолымен орнатты». ІІжүргізуші Ағартушының өнегелі өмірі мен таланты бір кезде қандай жарқын қасиеттерімен көрініп, қазақ мәдениетінің тарихында айқын іздерін қалдырса, қазір де сол құнды идеялары халқымен бірге жасап келеді. Ыбырай атамыз бүгінгі күні де жас жеткіншектерді «Кел, балалар, оқылық»» деп білімге шақырып тұрғандай. Уақыт өткен сайын оның педагогикалық мұраларының мән-маңызы мен қадір-қасиеті арта түсуде. І жүргізуші

Ыбырай Алтынсарин Қазақстанда педагогикалық білім берудің негізін қалауда және қалыптастыруда ерекше роль атқарды. Сондықтан да біз Ыбырайды Қазақстанда педагогикалық білім берудің негізін салушы «Ұстаздардың ұстазы» ретінде бағалауға тиіспіз. ІІ жүргізуші «Ұлы тұлға -ұстазым» әні І жүргізуші

Мектеп оқулығы үшін жазылғандықтан, Ыбырайдың әдеби туындылары балалар дүниесіне өте жақын. Сондықтан да ол қазақ балалар әдебиетінің атасы деп танылған.

ІІ жүргізуші Еңбекті сүю және қадірлеу – Ыбырай әңгімелерінің негізгі тақырыбы. Оны жазушы шағын әңгімелерде үгіт, өсиет түрінде берсе, кей шығармаларында халықтың қоғамдық санасын тәрбиелейтін реалистік суреттер арқылы бейнелейді.

4 сынып оқушыларының сомдауында Ыбырай Алтынсариннің «Мұңсыз адам» әңгімесінен көрініс тамашалаңыздар. ІІ жүргізуші

Ыбырайдың атасы Балғожа би өз аймағының атақты кісілерінің бірі болған. Ел ішіндегі көп билікті қолында ұстаған би, Орынбор әкімшілігінің алдында да беделді, белгілі кісі болған. Замана бет алысын өзінше болжаған Балғожа табысқа жетудің ендігі жолы – оқу деп біледі. Сөйтіп, немересі кішкентай Ыбырайды Орынборда ашылады деп күтілген орыс-қазақ мектебіне күні бұрын