Биология әлемі сайыс сабағы, 6-сыныпқа арналған

«№25 жалпы орта мектебі» коммуналдық мемлекеттік мекемесі

Сыныбы: 6 «Ә,Б»

Биология пәнінің мұғалімі: Ж.Е.Сопбекова

2018-2019 оқу жылы

6 «Ә,Б» сыныптар арасында сыныптан тыс іс-шара «Биология әлемі» сайысыМақсаты:оқушыларды биология ғылымының қызықты мәліметтерімен таныстыру және білімді, білікті болуға, шапшаңдыққа, алғырлыққа, тез ойлауға, достарымен топтасып жұмыс жасауға баулу.

Сабақтың түрі: интелектуалды сайыс сабақ.

Сабақтың әдісі: сұрақ-жауап, ой қозғау.

Сабақтың көрнекілігі: Интерактивті тақта/ слайд-презентация/, стикер,плакат.

Сабақтың жоспары:

Ұйымдастыру кезеңі

II. Сайыс кезеңдері:

І кезең – «Таныстыру»

ІІ кезең – «Ғажайып ондық»

ІІІ кезең –«Полиглот - тіл өнері»

ІҮ кезең – «Ғажайып биология»

Ү кезең – «Биологиялық пошта»

YI кезең – « Шешендік »

III. Қорытындылау.

Сайыстың барысы: I. Ұйымдастыру кезеңіБар ізгілік тек білімнен алынар,Білімменен аспанға жол салынар Жүсіп Баласағұн

Құрметті ұстаздар мен оқушылар! Химия - биология пәндер бірлестігінің «Білімдіге есік ашық» атты апталығында өткелі отырған «Биология әлемі» атты 6 «Ә,Б» сыныптар арасында биология пәнінен өткізілетін танымдық сайысымызға қош келіпсіздер!

Сайыскерлеріміздің біліміне, шеберлігіне әділ бағасын беретін әділ-қазылар алқасымен таныстырып өтетін болсам:

Біздің бүгінгі сайысымыз ІІ-топ, VІ-кезеңнен тұрады.

І-топ «Табиғат» ІІ-топ «Өсімдік»

Тапқыр,білгір,дарынды

Жарыс бар бүгін арынды

Биология пәнін сүйсең сен

Ортаға сал барыңды-

деп, сайысқа қатысушы топтарға сәттілік тілей отырып, сайысымыздың алғашқы турын бастасақ.

І – кезең

Ортамызға келіп тұр

Әр сыныптың жұлдыздары

Танысатын сәт келді

Жұлдыздардың сөзімен

«Таныстыру» кезеңінде әрбір топ өз атауларын,эмблемасын,ұранын айтады. 10 ұпай беріледі. Ендеше іске сәт.

ІІ – кезең

Бір кезде білімнен от алған

Көрінер ізденген топ алдан

Келесі кезең де басталар

Ғажайып ондық атанған

«Ғажайып ондық» кезеңінде 10 сұрақ беріледі. Әр сұраққа 1 ұпайдан есептеледі.

І – топ «Табиғат» тобына сұрақтар

Алғаш жасушаны көрген ғалым (Роберт Гук)

Шығу тегі, құрылысы, атқаратын қызметі ұқсас жасушалар тобы (ұлпа)

Жасушаның көбеюіне қатысатын бөлігі (Ядро)

Ұрықтан дамитын тамыр (негізгі тамыр)

Микроскоптың жарық түсіретін бөлігі (Айна)

Жасуша ішіндегі сұйықтықты реттеп отыратын бөлігі (Вакуоль)

Өсімдіктің ұзарып өсуін қамтамасыз ететін ұлпа (Түзуші)

Қазақстанда «Қызыл кітап» тұңғыш рет қашан шықты? (1978ж)

Ұша алмайтын құс (Пингвин)

Өсімдіктер әлемін зерттейтін ғылым (ботаника)

ІІ – топ «Өсімдік» тобына сұрақтар

Жануарларды зерттейтін ғылым (Зоология)

Ең үлкен құс (Страус)

Тек өсімдік жасушасына тән органоид (пластид)

Адамға ең жақын жүретін және бірге тұратын жануарлар (Ит, мысық)

Гүлдің көбеюге қатысатын бөлімдері (Аталық,аналық)

Бидайдың жемісі қалай аталады (Дәнек)

Қазақстанда қанша қорық бар? (9)

Жапырақтар түгел тікенге айналған өсімдік (кактус)

Күн гүлі деп аталатын өсімдік (күнбағыс)

Өсімдіктің вегетативті мүшелері (тамыр сабақ жапырақ)