6-сыныпқа арналған математикалық отбасылық сайыс

«Анам және мен, математика көзімен»

атты математикалық, отбасылық сайысы

Сайысты ұйымдастырушы: математика пәні мұғалімі: Бердімұратова Айгүл Ахматқызы Қызылорда облысы, Шиелі ауданы , Бидайкөл ауылы , №148 қазақ орта мектебі

Мақсаты:- Аналарды балаларымен бірге сайысқа қатыстыра отырып, олардың отбасылық тәрбие мен математикалық мәдениеттерін кеңейте отырып, аналардың мектеппен, мұғаліммен, басқа да ата-аналармен қарым-қатынасын қалыптастыру , отбасы мүшелерін алдарына қойған мақсаттарына жетуге ынталандыру.

Топ құрамы: анасы және баласы

Топ жанкүйерлері: сынып оқушылары, ата-аналар, сынып жетекшілері

Әділ қазылар алқасы: мектеп әкімшілігі және мұғалімдер Сайыс барысы:Жүргізуші: Саламатсыздар ма, құрметті ұстаздар, жарысқа қатысушы оқушылар мен аналар және көреремендер! ИФМ пәндері бірлестігі ұйымдастырып отырған

«анам және мен, математика көзімен» атты математикалық, отбасылық сайысқа

хош келіпсіздер!

Оқығанын миға тоқитын,

Естігенін есте ұстайтын.

Нақты ғылымға қызығушы,

6 «б» сыныбының оқушысы

Абызбаев Нұрсұлтанды анасымен ортаға шақырайық.

Нұрсұлтанның анасының ұстанымы: білімді мыңды жығады, білекті бірді жығады.

Өнер қуған математик баламын,

Есептерді лезде шешіп қоямын

Анам мені мақтанышпен айтады

«Вундер кинд» басы менің баламның

6 «в» сыныбының оқушысы

Тұрғанбек Райымбекті анасымен ортаға шақырайық.

Райымбектің анасының ұстанымы: Қандай сынақ болса дағы беріспе, әрқашан да үміткерміз жеңіске.

Бабамыз әл-Фараби өзің қолда,

Жеңіс тек біздер болар осы жолда

Достар-ау, сендер де бір қолпаштаңдар,

Нұрай атты қыздарыңыз шықты ортаға

6 «б» сыныбының оқушысы

Қарабаева Нұрайды анасымен ортаға шақырайық.

Нұрайдың анасының ұстанымы:жеті жұрттың тілін біл, жеті түрлі білім іл.

Үлгілі тәртіп, жақсы оқу,

Алға қойған мақсатым

Әрқашанда мектепте,

Шығып жүрген жақсы атым.

6 «б» сыныбының оқушысы

Смағұлова Арайлымды анасымен ортаға шақырайық.

Арайлымның анасының ұстанымы:

Қызымменен жарыс десе жанамыз,

Бас жүлдені бұл сайыста аламыз.

Жанкүйерлер барлығымыз қолдап, қошеметтеп отырайық!!!

Ойынға қатысушы топтардың реттілігін «The hat» бағдарламасы арқылы анықтаймыз.

Шын жүйрік шабысынан танылады,

Нақты білім, терең ой, сыналады.

Баға берер әділқазы ортамызда,

Сіздерге құрметпен қол соғылады.-демекші, әділ қазылармен таныстырып өтейік:

1.МЕКТЕП ДИРЕКТОРЫ

2.МЕКТЕП ПСИХОЛОГТАРЫ

3.ТӘРБИЕ ІСІ ЖӨНІНДЕГІ ОРЫНБАСАРЫҚұрметті сайысқа қатысушы аналар мен оқушылар!

Бүгінгі сайысымыз қызықты өтіп және тек қана оқушыларға ғана емес, аналарға да әсері мен пайдасы тиеді деген сенімдемін. Расындада математика – барлық ғылымдардың патшасы демекші, күнделікті өмірде математикасыз күніміз жоқ. Әрбі бала отбасында математика туралы алғашқы мәліметтерді алады. Неге?

Өйткені, баласын дүкенге азық-түлік әкелуге анасы жұмсайды. Әкесі баласын ұсталық жұмыстарды істеуге баласын үйретеді. Анасы қызымен бірге киім пішеді , кесте тігуге баулиды, ас дайындауға үйретеді, дәмді…