Биология сабағында STEM мүмкіндіктерін пайдалану туралы мақала

№52 мектеп-лицейінің

биология пәнінің мұғалімі

Ж.С Бедебаева

STEM мүмкіндіктерін биология сабағында пайдалану.

Қазіргі кезде әлемде технологиялық өзгерістер болып жатыр. Жаңа ақпараттық қарқынды ағыны,технологиялық инновациялар мен әдістемелер біздің өміріміздің барлық салаларын алып жатыр. Осыған байланысты, қоғам сұранысы да, жеке тұлғаның қызығушылықтары да өзгеруде. Бұл өзгерістер еліміздің білім жүйесінің мазмұнын да жаңартуға ықпал етуде.Қазіргі заманауи сабақтарды компьютерлік технологиялар, интерактивті тақта, ноутбук,мобильді құрылғылар мен қосымшалар арқылы өткізсе, оқушылардың жаңа материалды тез түсінуге мүмкіндік береді. Себебі,білім алушылар бұл құрылғылармен асқан қызығушылықпенжұмыс жасауға ұмтылады. Оқушылар арнайы компьютерлік бағдарламалау тілдерінде бағдарлама құрып, компьютерде оның нәтижесін көре алады. Бұл оқушының логикалық ойлау қабілетімен қоса, психологиялық жағынан өзіне деген сенімділігін арттырады.Себебі,оқушы Windows ортасында дайын калькулятордың функцияларынан кем түспейтін қосымша жасап шығу арқылы ішкі уәжін көтереді.Дәл осылайша,мобильді құрылғыларға және робото техникаларына да арналған пайдалы бағдарламалар жасақтап,нәтижесін бақылап көре алады.

Робот техникасы,құрастыру,бағдарламалау,3D-жобалау және тағы басқа-бұның бәрі енді дүние жүзінің қазіргі оқушыларын қызықтырады.Бұл қызығушылықтарды жүзеге асыру үшін анағұрлым күрделі дағдылар мен құзыреттер керек.Білу мен түсіну ғана емес,сонымен қатар зерттеу,ойлап шығару және талдау маңызды.Робот техникасында белгілі бір зертханалық жұмыс немесе жоба жасақтау үшін физика,математика және информатика пәндері бойынша білімді талап етеді.

Ғылым,математика,технологиялар және инженерия сияқты басты академиялық салаларда бір мезгілде даму керек,оларды әлемдік білім жүйесіндегі STEM (science,technology,engineering and mathematics)деген сөзбен біріктіріп атауға болады.

Шетелдік зерттеушілер В.Н.Чемеков,Д.А.Крылов жұмыстарында робот техникасын меңгеру STEM-білім берудің халықаралық парадигмасына жатқызылады.

Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасында STEM-білім берудің өзектілігі және мүмкіндіктері туралы айтылған: «...әлеуметтік және эмоциялық дағдыларды қалыптастыру, когнитивтік емес қабілеттерді дамыту қажеттілігі әлі де ерекше маңызды болып табылады.Мектепте білім берудің жаңартылған мазмұнына көшу STEM-оқыту аясында жүзеге асырылуы тиіс.Пәнаралық және жобалық тәсіл мектеп оқушыларын тану мен дамудың белсенді процесіне ынталандыруға мүмкіндік береді».

STEM дегеніміз –оқытудың біріктірілген тәсілі.Яғни,бұл тәсіл аясында академиялық ғылыми-техникалық тұжырымдамалар шынайы өмір контексінде зерттеледі.Мұндай тәсілдің мақсаты-мектеп,қоғам,жұмыс және бүкіл әлем арасында STEM-сауаттылықты дамытуға және әлемдік экономикадағы бәсекеге қабілеттілікке ықпал ететін нық…