Бір-бірімізге көмектесеміз ашық сабағы 1 сынып

Мектеп:№49 Мерзiм:05.12.2018жыл № 13 сабақ

Тақырып: Бір-бірімізге көмектесеміз.

Құндылық: дұрыс әрекет

Қасиеттер: қамқорлық, жанашырлық, ақпейілділік

Мұғалім:Султанова О

Cыныбы 1 «Б» Оқушылар саны 10

Сабақтың мақсаты: оқушыларға көмек, көмектесу туралы түсінік бере отырып, дұрыс әрекет құндылығының мәнін ашу.

Міндеті:

-оқушыларға көмек, көмектесу ұғымдарының мәнін ұғындыру арқылы ақпейілділік қасиеті туралы түсінік беру;

-оқушыларды айналадағыларға жанашырлыққа үйрете отыры, қамқорлық, жанашырлық қасиеттерін дамыту;

-оқушыларды ақпейілділікке, қамқорлыққа, жанашылыққа, тәрбиелеу.

Ресурстар: оқулық,дәптер,

дана сөздер,

үнтаспа,көмек суреттері

Сабақ барысы:

1. Ұйымдастыру кезеңi.

Сәлемдесу, оқушылардың көңіл-күйін сұрау.

5Т ережесін еске түсіру.

Сабақ барысын талқылау:

2. Дәйексөз

Қайырымды іс жаса,

Қайырлы болар әр ісің.

Халық нақылы

- Адамға қиналған сәтте қол ұшын беру, жақсы, жылы сөздер айтып, демеу, жақсылық жасау – ол қайырымды іс болады. Ал қайырымды іс жасасақ айналадағылар бізге ризашылығын білдіреді. Оларды риза ету бізге қуаныш сыйлайды.

3. Әңгімелесу

«Жай бір адам» (60 бет) әңгімесі бойынша сұрақ қою арқылы әңгіменің мазмұның айту.

Сұрақтар:

Кім әжеге көмектесті?

Баланың әрекетін қалай бағалайсыңдар?

Ал қыздың ше?

Басқаларға көмегің тиген жағдайда қандай сезімге бөленесің? Неліктен?

Басқалар саған көмектескенде не сезіндің?

- Айналадағыларға қалай қуаныш сыйлауға болады деп ойлайсыңдар?

4. Мұғалім сыйы:«Арыстан мен тышқан» Ертегі

Бір күні арыстан ұйықтап жатқан кезде, тышқан келіп, оның үстінен жүгіріп өтеді. Арыстан оянып, тышқанды ұстап алады. Тышқан жалына бастайды: «Мені жібере салшы, мен де саған жақсылық жасармын», - дейді ол. Арыстан тышқанңың «жақсылық жасармын» деген сөзіне күліп, оны босатып жібереді.

Келесі күні аңшылар арыстанды ұстап алып, ағашқа танып тастайды.Тышқан арыстанңың ақырғанын естіп,жүгіріп келіп, арқанды тісімен қырқып: «Есіңде ме, сен менен жақсылық күтпеген едің ғой. Енді міне тышқанңаң да қайырымдылық келетінін көрдін» - депті.

- Көрдіңдер ме, балалар, кішкентай тышқанда арыстанға көмектесе алады екен.

Сұрақтар:

- Арыстан тышқанға қалай көмек көрсетті?

- Тышқан арыстанға қалай оны қайтарды?

Әңгімелеу

- Адамдар әрқашан көмек беруге әзір тұру керек.

Дұрыс, ізгі ой-ниеттен туындаған барлық іс дұрыс болып, басқаларға және өзіңе қуаныш әкеледі.

Жасаған ісіңді, көмегіңді ақысыз, қайтарымсыз жасау дұрыс әрекет болады.

Көмекті оймен, сөзбен, іспен жасауға болады.

Өзгелерге жақсылық жасау арқылы біз ең алдымен өзімізге көмектесеміз.

Әңгімелеп беру