Бір-бірімізге көмектесеміз тақырыбындағы сабақ жоспары, 1-сынып

Өзiн-өзi тану сабағының жоспары

Мектеп: Құрманғазы Сағырбайұлы атындағы жом

Мерзiмі: 12/12/2018 ж.

№14. Тақырып: «Бір – бірімізге көмектесеміз»

Құндылық:Дұрыс іс - әрекет

Қасиеттер: Бәрін жақсы көру, тәртіпті болу, білім іздеу, кешірімшіл болу, адамдарға риясыз қызмет ету, бауырмалдық, достық, татулық;

Мұғалiм: Абуева Гүлбану Сынып 1 а,ә,б,в

Сабақ мақсаты:Оқушыларға көмек,көмектесу туралы түсінік бере отырып, оны дұрыс әрекет құндылығы ретінде ұғындыру

Міндеттері:

-Оқушыларға көмек, көмектесу ұғымдарының мәнін ұғындыру арқылы ақпейілділік, қайырымдылық,жомарттық қасиеттері туралы түсінік беру;

-Оқушыларға айналасына көмек қолын дамыту;

-Оқушыларды ақпейілділікке, қайырымдылыққа, жомарттыққа тәрбиелеу.

Ресурстар:үнтаспа, ватман, маркер.

Сабақ барысы:

І. Ұйымдастырукезеңi. Тыныштық сәтi. Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Сабақ барысын талдау:

ІІ. Дәйексөз.

«Жақсығы жасаған жақсылық өмір бойы тозбайды.»

Халық даналығы

Дәйексөздердің мағыналарын ашқызу

-«Көмек» дегенді қалай түсінесің?