Бір-біріңді таны тақырыбына 2-сынып түзету сабағы

Бір – біріңді таны Мақсаты: айналасындағылармен өзара жақсы, жағымды қарым – қатынас орната білуге, достарын тыңдап, әңгімелесушімен дұрыс байланыс жасауға үйрету, суреттегі ұқсастық пен айырмашылықты табумен байланысты танымдық қабілетін дамыту, қозғалыс анализаторымен есту координациясына тәуелді зейінді дамыту, ойлауды, есті, зейінді аудару қабілетін дамыту.

Қажетті құрал - жабдықтар: доп, үлестірмелі материалдар, қарандаштар, өшіргіштер.

Сабақтың барысы Сәлемдесу. Ойын. «Бір – біріңді таны» Ойын балалар бір – бірін жақсы танып, бір – бірімен жақсы қарым – қатынаста болу үшін ойнатылады.

Балалар дөңгеленіп отырады. Жүргізуші балалардан ортақ белгілері бар балалардың орын ауыстырып отыруларын өтінеді. Мысалы, үйінде мысығы бар балалар, итті жақсы көретіндер, апалары бар балалар, ағалары бар балалар т.б. Ортадағы жүргізуші орнынан тұрған бір баланың орнына отырып үлгіруі керек. Ал орынсыз қалған бала ортада жүргізуші болады.

10 – 12 жасар балалар үшін Мақсаты: бейнелердің ішінен бір ұқсастық пен үш айырмашылық бар жұптарды анықтау.

Балаға 12 – суретті көрсетіп, 1 және 9 бейнелерді салыстыруды ұсынады, бұл бейнелердің шаштары ұқсайды да, өзге элементтері сәйкес келмейді. Осыдан кейін 24 бейненің ішінен бір ұқсастық пен үш айырмашылығы бар 10 – 15 жұп табуы керек.

Сергіту сәті. Ойын. «Шапалақ» Балаларға кішкене тақпақ немесе мақал беріледі. Олар сол тақпақты шеңбер жүре отырып, қайталайды. Әр қайталау кезінде соңғы сөзін шапалақпен ауыстырады.

Мысалы: 1 рет – Аппақ, аппақ жапалақтап, қар жауады тынбастан. 2 - Аппақ, аппақ, жапалақтап, қар жауады ШАПАЛАҚ. 3 – Аппақ, аппақ, жапалақтап, қар ШАПАЛАҚ, ШАПАЛАҚ. 4 – Аппақ, аппақ, жапалақтап, ШАПАЛАҚ; ШАПАЛАҚ; ШАПАЛАҚ. 5 – Аппақ, аппақ, ШАПАЛАҚ, ШАПАЛАҚ, ШАПАЛАҚ, ШАПАЛАҚ. 6 – Аппақ, ШАПАЛАҚ, ШАПАЛАҚ, ШАПАЛАҚ, ШАПАЛАҚ, ШАПАЛАҚ. 7 – ШАПАЛАҚ. (7 рет).

Сабақтың мазмұны 5 – жаттығу. 6 – 8 жас аралығындағы балалар үшін

Мақсаты: 8 ұқсас бейнелерден ұқсастық пен айырмашылықтарын анықтау (А.З.Зак бойынша)