Бір қатарлы саптан екі қатарлы сапқа тұру, 10 сынып

АӘД пәнінің ашық сабақ жоспары

Күні: Сынып:10 а

Қатысқандар саны:___ Қатыспағандар саны:___

Өскемен қаласы әкімдігінің «№27 орта мектебі»

Мұғалімнің аты жөні: Жазнаев Нұрсұлтан Әлімханұлы

Сабақтың тақырыбы

Бір қатарлы саптан екі қатарлы сапқа тұру және керісінше.

Салтанатты жүріс.

Осы сабақта қол жеткізілетін оқу мақсаттары

-Оқушыларды бір қатарлы саптан екі қатарлы сапқа тұруға

және керісінше қайта сап құруға үйрету.

-Қозғалыста әскери салтанатты жүріске үйрету.

Сабақтың мақсаттары

Барлығы: Жаңа білімді түсінеді.

Көбі: Анық сөйлеу арқылы, тақырыпты талқылайды, іс-қимыл арқылы саптық жүрісті орындай алады.

Кейбірі:Анық және толық сөйлеу арқылы, мәселені түсінгенін көрсетеді және іс-қимылдарды дұрыс орындай алады.

Құндылықтарды дарыту

-Оқушыларға әскери-патриоттық тәрбие беру.

-Оқушыларды әскери тәртіпке,жолдастық қарым-қатынасқа баулу.

Пәнаралық байланыс

Дене тәрбиесі сабағы

Сабақ барысы

Сабақтың кезеңдері

Сабақтағы жоспарланған іс-әрекет

Ресурстар

Сабақтың басы

13 минут

а) Ұйымдастыру кезеңі – 2 минут.

Взвод командирі оқушыларды сапқа тұрғызады, оқытушыға баяндама береді, амандасу, түгендеу.

ә) Өтілген тақырыпты сұрау кезеңі – 4 минут.

1.Орнында тұрғандағы бұрылыстар қандай пәрмендер

бойынша орындалады?

2.Оңға бұрылу қалай орындалады және қандай пәрмен

беріледі ?

3.Бұрылыстар неше тәсілмен орындалады және оларды

ата?

4.Адымдау нешеге бөлінеді және оларды ата?

5.Саптық адыммен қозғалыс жасау қандай пәрмен

арқылы орындалады және сипатта?

6.Жорықтық адыммен қозғалыс жасау қандай пәрмен

арқылы орындалады?

7.Орнында тұрып адым жасау қалай орындалады және

қандай пәрмен беріледі?

8.Қозғалысты тоқтату үшін қандай пәрмен беріледі?

б) Практикалық жұмыс – 7 минут.

Оқушылардың сырт көрінісін тексеру.

Жаттығуларды дұрыс және әдемі орындауды қадағалау.

Сабақтың ортасы 20 мин

10 минут

Жаңа сабақты түсіндіру

Бір қатарлы саптан екі қатарлы сапқа және керісінше қайта сап құру.Салтанатты жүріс.

Бөлімшенің жазылма сабы бір қатарлы немесе екі қатарлы болуы мүмкін.

Бөлімшені бір қатарлы (екі қатарлы) сапқа тұрғызу: «Бөлімше, бір қатарға (екі қатарға) – саптал!» пәрмені бойынша жүргізіледі.

Саптық тұрысты қабылдап және пәрмен беріп, бөлімшенің командирі сапқа тұрудың маңдай шебіне қарама – қарсы тұрады; бөлімше штатқа сәйке командирден солға қарай сапқа тұрады.Сапқа тұру басталғанда, бөлімшенің командирі саптан шығады және бөлімшенің сапқа тұруын қадағалайды.

Бөлімшені орнында түзету үшін «Түзел!» немесе «Солға түзел!» пәрмендері беріледі. «Түзел!» пәрмені бойынша оң жақ шетте тұрғаннан басқасының барлығы бастарын оңға бұрады.

Түзелу аяқталған соң әскери қызметшілердің барлығы бастарын жылдам тік ұстайды, «Тік тұр!» пәрмені беріледі.

Бөлімше артқа бұрылған кезде пәрмен бойынша түзелу жағы көрсетіледі. Мысалы: «Солға (оңға) – түзел!».

Бөлімшені бір қатардан екі қатарға сапқа тұрғызу үшін алдын – «Бөлімше, бірінші және екіншіге – санал!» пәрмені бойынша бірінші және екінші болып санау жүргізіледі. Осы пәрмен бойынша, оң жақ қапталдан бастап әскери қызметші кезек бойынша жылдам өзінің сол жағында тұрған әскери қызметшіге қарай басын бұрып өзінің нөмірін айтады және басын тез тік ұстайды; сол жақ қапталдағы басын бұрмайды.

Жалпы нөмірлеу «Бөлімше ретімен санал!» пәрмені бойынша жүргізіледі. Қатардың сол жақ шетіндегі тұрған санау аяқталғаннан кейін «Санақ бітті!» деп баяндайды.

Екі қатарлы сапта екінші қатардың сол жақ шетіндегі тұрған санау аяқталғаннан кейін «Толық!» немесе «Толық емес!» деп баяндайды.

Содан соң «Бөлімше, екі қатарға – сапқа тұр!» пәрмені беріледі. Орындалатын пәрмен бойынша екінші нөмірлер сол аяқтан бастап артқа бір адым жасап, оң аяғын қоймастан бірінші нөмірдің ту сыртында тұру үшін оңға бір адым жасайды және сол аяғын қояды.