Бірінші мамырға арналған ертеңгілік сценарийі

Тақыры: «Бірлігіміз жарасқан»

Мақсаты:Балаларға 1 – мамыр Қазақстан халықтар бірлігі күні мерекесі екенін жеткізу. Ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу. Балалардың бірлік, ынтымақтастық туралы түсініктерін кеңейту. Мерекелік көңіл күйлерін көтеріп, өздеріне ұнайтын шар, жалаушаның суретін салдыру. Ойын арқылы әр ұлттың киімдерін ажырата білуге үйрету.1 - жүргізуші: Қайырлы күн құрметті қонақтар!Мамырдың бірі, достық күніӘн салып, билеген халықтың үні.Тұтасып, тойлаған ұлттар,Керемет мереке, мамырдың біріСіздерді 1 - Мамыр – Қазақстан халқы бірлігі күні мерекесімен шын жүректен құттықтаймыз!

2 - жүргізуші: Құрметті қонақтар! Бүгінгі біз 3 ұлт өкілдерінің басын қосып отырмыз. Осы ұлт өкілдерінің өнерін тамашалаймыз.

1 - жүргізуші Мен – қазақпын, биікпін, байтақ елмін,Қайта тудым өмірге қайта келдім.Мен мың да бір тірілдім мәңгі өлмеске,Айта бергім келеді, айта бергім. Алғашқы кезекті өз ұлтымыздың өкілдеріне берейік.

Қазақ ұлт өкілдерін шақырамыз.

(ортаға қазақ ұлттық киім киінген балалар шығады)

2 - жүргізуші: Енді бүгін қарасам,Айналам бақыт кең жатыр.Бірімен - бірі туысқан,Қол ұстасқан ел жатыр

Байлықтың ең үлкені – халықтар достығы,- дей отырып, орыс ұлт өкідерін қарсы алайық.(Орыс ұлт өкілдері шығады)

1 – жүргізуші: Елім менің, жарқыраған, жайнаған,Бақ біткенде бұлбұл құсы сайраған.Елім менің биіктігі шарайнам,Қыран құсы көгінде мың самғаған!Бүгін біздің мерекемізге өзбек ұлтының өкілі келіп отыр. Олай болса, Өзбек ұлт өкілдерін қарсы алыңыздар!Өзбек ұлт өкілдері шығады

2 - жүргізуші: Бірлік пен ынтымағы халықтың -

Көгімізде жарасқан жарық күн!

Ырыс, дәулет бақыты үшін халықтың,

Жайнай берсін, жайнай берсін алтын күн!- дей келе, Қазақстан Республика халқының бірлік күніне арналған «Бірлігіміз жарасқан» атты ертеңгілігімізді ҚР Гимнімен ашайық,

Гимн орындалады

1 - жүргізуші: Қазақ жері-қонақтай төрдің жері,

Қазақ елі-Қас сақтай ердің елі.

Толқынында тарихтың қуғын көрген,

Барша ұлтқа құт мекен болған еді.

Кезекті балалардың тақпағына береміз.

1-бала: Мамырдың бірі, достық күні

Ән салып, билеген халықтың үні.

Тұтасып, тойлаған ұлттар,

Керемет мереке, мамырдың бірі.

2-бала: Әрқашан дос біргеміз,

Ажырамас іргеміз.

Ілгері жүріңдер,

Достық жырын біліңдер!

3-бала: : Болсын жер мен су да ортақ.

Болсын біздің ту да ортақ.

Ақпыз, қара, сарымыз,

Ағайынбыз бәріміз.

4-бала: : Енді бүгін қарасам,

Айналам бақыт кең жатыр.

Бірімен-бірі туысқан,

Қол ұстасқан ел жатыр.

5-бала: :Достықты үлгі санаған,

Бір үйде біз тұрамыз.

Қалған ата-бабадан,

Бірлік асыл мұрамыз.

6-бала: Дос болып түрлі халықтар,

Жасайтұғын ғасырмын.

Бақыт шымын әлемге

Ұмытылмас асылмын.

7-бала: Достық – шырағымыз,

Достық – ұранымыз.

Достық туымыз,

Достық әніміз.

8-бала: Біз балдырған тең басқан!

Дос құшағын кеңге ашқан.

Тілегіміз әділдік!

Ашық болсын кең аспан.

Жүргізуші:Бойымызда әлі бұлақ жатыр бұрқырап,

Сол бұлақтан сыр ағыздым жыр құрап.

Тілейтінім барша ұлтқа бір ғана,

Ырыс, бақыт, татулық пен ынтымақ!

Ән: «Достық»

(Балалар орындарына отырады)

2 - жүргізуші: - Балалар,Қазақстанда тұратын қандай ұлт өкілдерін білесіңдер?

Балалардың жауабы: орыс, татар, түрік, өзбек, қырғыз т.б.

Жүргізуші: Ендеше ойын ойнайық.

Кубизм әдісі: «Қай ұлт өкілі?» ойыны

Ойын шарты: Бір бала ортаға шығып кубикті лақтырып, сол кубикте қандай ұлт өкілі екенін атап айту.

1 - жүргізуші: Біз әртүрлі ұлт өкілдеріміз, бейбітшілік пен келісімде өмір сүріп жатырмыз. Біз әр түрлі ұлттардың балаларымыз, бірақ оларды бір ана- Отан тамақтандырады. Әр халықтың өз мәдениеті, өз тілі, ұлттық киімдері, салт-дәстүрлері бар.Ендеше өзбек ұлтының биін тамашалайық.

«Өзбек ұлттық би» (4 қыз)