Наурыз мерекесіне арналған ертеңгілік сценарийі

Күні:17.03.2021ж

Тақырыбы: «Наурыз келді алақай!»

Мақсаты: «Наурыз» мейрамы туралы түсінік беру арқылы қазақ халқының салт-дәстүрлерін көрсету және оны құрметтей білуге тәрбиелеу.Наурыз мерекесінің қазақ даласындағы орны,наурыз мерекесі туралы түсінік беру,Наурыз мерекесін ұлттық салт-дәстүрімізбен,әдет-ғұрпымызбен байланыстыра насихаттап,ұрпақтардың өз ұлтына деген сүйіспеншілігін арттыру.

Жүргізуші: Армысыздар ағайын!

Наурыз қайта оралды аты аңыз,

Сұраймыз алғыста біз,ақы да біз

Үй-дастархан,даламыз сахнамыз,

Ұлы мейрам Наурызға шақырамыз!

Ұлыс оң болсын!

Ақ мол болсын!

Құрметті қонақтар, «Айым-Ерке» ауылындағы өткізіліп жатқан Наурыз думан тойына қош келдіңіздер!

Жүргізіуші:

Алқа-жұртым,той думан

Ортамызды ашайық

Ән мен күйді төгіп біз,

Інжу маржан шашайық деп «Наурыз той» әнін шырқайық!

Ән: «Наурыз той»

Жүргізуші:Осы көктемнің мерекесіне арналған балаларымыздың тақпақтарын қабыл алыңыздар. Мәуелі, Жанерке, Ильшат, Бексұлтан,Әділет.

Мәуелі

Жыл басы – Наурыз мереке,

Ақ нұрға әлем боянды.

Наурыз тойы береке

Тіршілік жаңа оянды!

Жанерке

Жылдың басы Наурыз,

Жердің басы Наурыз.

Мерекеге арналсын

Бүгінгі жыр- әніміз.

ИльшатНаурыз келдi елiме,

Наурыз келдi жерiме.

Байлық, бақыт тiлеймiн,

Бүкiл қазақ елiне.

БексұлтанЖылдың басы Наурыз,

Жердің басы Наурыз.

Мерекеге арналсын

Бүгінгі жыр- әніміз.

Әділет

Наурызбен құттықтап,

Алыс жақын қауышты.

Көктемдегі жарқын сәт,

Көңілдерге ауысты.

ЖантөреНаурыз тойы — тамаша,

Наурыз тойы — жаңаша.

Табиғат та тамаша,

Тамылжыптұржараса.

Жүргізуші:

-Бүгін-Ұлыстың ұлы күні!

-Бүгін-Самарқанның көк тасы еріген күн!

-Бүгін-Жаңғыру мейрамы!

-Бүгін Күн мен Түннің теңелуі!

-Бүгін Қыдыр Атаны қарсы алатын күн

Қыдыр ата кіреді

Қыдыр ата

Ұлыс оң болсын!

Ақ мол болсын

Ұлыс бақыты болсын!

Төрт түлік ақты болсын!

Өткенге салауат айтып,келер күнге жақсылық тілеп,ақ көңілмен,адал жүрекпен,дос құшағын айқастырып табысатын қасиетті Наурыз мерекесі құтты болсын!

Жүргізуші:-Ата, жаңбыр менен жер көгерер,бата менен ел көгерер демекші мына елге бата беріңіз!

Қыдыр ата:

-Әрине,бата бер десең,бата берейін

Сұрасаң бата берейін, Үстем болсын мерейің

Ықыласпен қол жайсаң,Ақ тілекті төгейінҰлыс оң болсынАқ мол болсын

Қайда барсаң жол болсын!

Ұлыс бақты болсын,Төрт түлік ақты болсын!

Мына ұлыстың ұлы күні әр-бір отбасына қуаныш,бақыт әкелсін!Аумин!

Балалар,мен енді жүрейін,ел-елдерді аралап,жақсылық тілеп,бата беруім керек.

Аман-сау болыңдар!