Бірінші қыркүйек – білім күні тәрбие сағаты 1 сынып

Жезқазған қаласының білім бөлімінің

№13 жалпы білім беретін орта мектебі

Бірінші қыркүйек - Білім күніне

арналған тәрбие сағаты

Тақырыбы: «Менің Отаным – Қазақстан!»

Сыныбы: 1 «Ғ»

Сынып жетекшісі: Елкен Ж.Б

Жезқазған - 2018ж

Пән: ақпараттық сағат

Күні: 01.09.2018ж

Сынып: 1 «Ғ»

Мектеп: №13 ЖОББМ

Мұғалімнің аты-жөні: Елкен Жансая Балтабайқызы

Қатысқандар саны:

Қатыспағандар саны:

Сабақ тақырыбы

Менің Отаным - Қазақстан

Сабақ мақсаттары

Білімділік: Жас ұрпақты Отанын сүюге, еліміздің рәміздерін қастерлеуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту;

Дамытушылық: Отанын, туған жерін қорғай білуге, халқымыздың талантты ақындарының өлеңдері мен ата - бабаларымыздың өнгеге етіп қалдырған даналық сөздері арқылы оқушыларды ұлтжандылыққа, атамекенін көздің қарашығындай сақтай білуге, патриоттық сезімге тәрбиелеу;

Тәрбиелік: Ойларын жүйелі түрде жеткізе білу, шығармашылықпен жұмыс жасап, мәнерлеп өлең оқып, мағынасын түсіне білу дағдыларын дамыту.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Қайырлы күн балалар! Бүгін қыркүйек айының бірінші күні, яғни жаңа білім жылына қадам басып отырмыз. Ал жаңа білім жылы деп отырғанымыз – ол сендердің 1 «Ғ» сыныбы аталуларың. Яғни сендердің білім алу жолындағы міндеттерің сәл жоғарылайды. Енді бірінші сыныпта көбірек білім алатын боласыңдар. Енді осы оқу жылының алғашқы күнінде біз «Менің Отаным - Қазақстан» тақырыбында тәрбие сағатын өткелі отырмыз. Өту барысында өз Отанымыз туралы ой - пікірлерімізді ортаға салып, Отандарыңа арнап салған суреттеріңді көреміз, өз ойларыңнан жазған шығармаларыңды тыңдаймыз.

- Балалар, біздің Отанымыз қалай аталады екен?

- Қазақстан

- Қазақстан жері қандай?

- Қазақстан жері үлкен, әдемі, әрі бай.(слайд)

- Дұрыс айтасыңдар, балалар, өздерің көріп отырғандай Қазақстан жері өте кең. (ҚРның физикалық картасынан көрсету)

- Біздің еліміз - жерінің кеңдігімен қатар, табиғи байлығы да мол мемлекет. Өріс толы малы, тайдай тулаған балығы, теңіздей толқыған егіні, дала толы аң - құсы, таусылмас кен байлығы да жеткілікті, мол.(слайдтан көрсетіледі)

- Балалар, «Отан» деген сөзді қалай түсінеміз? (ой - пікірлерін тыңдау)

- Осы айтылған ойларымыздың дұрыстығына көз жеткізу үшін өлең шумақтарын тыңдап көрсек:

Көп аузынан түспейтін, Отан - сенің ата - анаң,

Отан деген немене?, Отан - досың, бауырың.

Оның тұлға түс кейпін, Отан - өлкең, астанаң,

Достым білгің келе ме? Отан - аудан, ауылың

Мұғалім: - Отан дегеніміз-адамның туып өскен жері, туған-туысқандарымен, жақындарымен бірге тұратын атамекені. Қазақ елінде тұратын адамдардың Отаны - Қазақстан Республикасы. Еліміз 1991 жылы 16 желтоқсанда Тәуілсіз Республика болып жарияланды. Осы күнге жету үшін талай қиыншылықтарды бастан кешірді.

Қазақстанның физикалық картасы

Сабақтың ортасы

«Қоянға көмек!» ойыны.

Балалар, біздің ортамызда бір қоян жүр. Бірақ қоянның қолындағы себеті бос. Ол жол бойы жинаған сәбізін шашып алыпты, соны жинауға көмектесіп көрейік. Мына сәбіздерде сұрақтар бар екен, бұл сәбіздерді қоянның себетіне салу үшін берілген сұрақтарға жауап беруіміз керек екен. Олай болса қолдан келгенше көмегімізді беріп көрейік.

- 1-сәбіз: «Тәуелсіздік» деген сөзді қалай түсінесіңдер?

- Балалар: Өзіміздің еліміз, жеріміз, теңдігіміз бар.

- 2-сәбіз: Қазақстан қандай мемлекет?

- Балалар: Қазақстан тәуелсіз, егеменді мемлекет.