Бірінші қыркүйек Білім күніне тәрбие сағаты 1 сынып

Тақырыбы:«Рухани жаңғыру - туған жер тұтастығы мен ел болашағы»

Тәрбие сағатының мақсаты:

1.Оқушыларға елбасымыздың «Болашаққа бағдар Рухани жаңғыру » мақаласының аясындатуған жеріне, еліне, деген сүйіспеншіліктерін арттыру.

2.Болашаққа деген сенімі, ой-өріснін дамыту.

3.Оқушылар елінің мұрасын қастерлеп, оны жалғастырушы азамат болуға тәрбиелеу.

Көрнекілік: интерактивті тақта, слайдтар, видеофильмдер, сөзжұмбақ,

флипчарт, түрлі-түсті фломастерлер,жапсырма қағаз.

Барысы:

І.Ұйымдастыру кезеңі

Гимн орындалады

Психологиялық дайындық:

Табиғаттан нәр алған ғой жанымыз,

Жер бетінің ажары ол – сәніміз.

Туған өлке табиғатын аялап,

Ұсынайық жүрек нәрін бәріміз.

II.Қызығушылықты ояту

Сөзжұмбақ шешу арқылы тақырыпты ашу.

1. Біздің еліміз қалай аталады? Қазақстан

2. Рәміздеріміздің бірі Ту

3. Орман неден құралады? Ағаш

4. Бал жинайтын жәндік? Ара

5. Пайдалы қазба Мұнай

6. Қамбар ата төлі Жылқы

7. Рәміздердің бірі. Елтаңба

8. Астанадағы Қазақстан символы? Бәйтерек

Мұғалімнің кіріспе сөзі:

Құрметті оқушылар сендерді бүгінгі 1-қыркүйек Білім күнімен құттықтаймын!

Ендеше бүгінгі ашық тәрбие сағатымыздың тақырыбы: «Рухани жаңғыру –

туған жер тұтастығы мен ел болашағы» деп аталады.

Мемлекет басшысы Нұрсұлтан Назарбаев өзінің «Болашаққа бағдар: Рухани жаңғыру» атты мақаласында өлкетану бағытындағы «Туған жер» бағдарламасын қолға алуды ұсынды. .Осы бағыттың жүзеге асырылуына сендерде туған жерді дәріптеу, құрметтеу арқылы үлес қоса аласыңдар.

Туған жер туралы видеофильм көрсетіледі

Біздің Отанымыздың табиғаты бай алуан түрлі: өзен - көлі, кең даласы, жасыл орманы, жайқалған егісі көз тартады. Біздің еліміз – пайдалы қазбалардың қоймасы. Әрине, біз Отанымыздың осындай байлығы барына қуанамыз. Қуануға, мақтануға да тиіспіз.Осының барлығын ата-бабаларымыз найзаның ұшымен, білектің күшімен қорғап,болашақ ұрпағына аманат еткен.Ал қазір атасы мен немересінің әңгімесін тыңдап көрейікші. Не жайлы айтады екен?

Әңгіме «Туған жер»

(Аяғын ақырын басып Ата шығады. Орындыққа келіп, демалып отырады. Осы кезде жүгіріп немересі шығады).

Немересі:Ата, не ойлап отырсыз?

Атасы: Ә, балам, атаң не ойламайды дейсін! Сенің болашағынды ойлаймын. Еліміздің болашағы жайлы, өткен өмір жайлы ойлаймын, қуанамын!

Немересі: Ата, «Өткен өмір» деген не?

Атасы: Ә, балам, «Өткен өмір» деген сонау ежелгі бабаларымыздан бергі өткен өмір жолы, тарихы емес пе?

Немересі: Ол қандай болған?

Атасы:Ендеше тыңда, балам, атаң бір сөйлесін

Болмаса да оқыған тарихшы атым

Жинадым ескілерден тарих хатын.

Мақсатым – кейінгі ұрпақ ұмытпаса,

Айтылған аталардың аманатын.

Есімі еш адамның өшпейді екен,

Артында ұрпақ жүрсе жаңғыратын

Ұмыттырмау «Жеті атасын» парыз екен,

Бұрыңғылар ұрпақтың қамын жеген.

Сондықтан, балам, сен де өз тарихынды, жеті атанды білуге тиіссің. Сонау ерте кезден біздің ата - бабаларымыз туған жерін қызғыштай қорғап, осы күнге жетуді арман еткен.

Немересі: Ата, туған жер дегенді қалай түсінуге болады?