Бірлескен және топтық жұмыс коучинг жоспары

Шынаргуль Сагиндыковна Мальшубаева

Павлодар қаласы, Қалижан Бекқожин атындағы

№12 жалпы орта білім беру мектебінің

қазақ тілі мен әдебиет пән мұғалімі

Тақыры бы:

1-сабақ: Бірлескен және топтық жұмыс.

Топтарда жұмыс жүргізу әдістемесі мен ынтымақтастық.

Мақсаты:

Ынтымақтастық оқу жағдайында мұғалімдер бір-бірімен қарым-қатынас жасай отырып, өз идеяларын ұсына білу, әртүрлі ұстанымдарын тәжірибеде қолдана білу.

Міндет:

-Шағын топтарда бірлескен жұмыс жүргізу ережесін жасау.

-Топта жұмыс істеу не үшін қажет екенін түсіну.

-Топты қалай ұйымдастыруға болатынын білу.

-Топтағы бірлескен жұмысты ұйымдастыра білу.

Оқу нәтижесі:

-Оқыту мен оқуда бірлескен топтық жұмысты ұйымдастыру туралы білімдерін толықтырады.-Өз тәжірибесінде мұғалім топтық жұмысты тиімді пайдалана білуге дағдыланады, оқытудың тиімді әдіс-тәсілдерін тиімді пайдалана алатынын көрсете алады, топта бірлесе отырып жұмыс істей отырып, өзгенің ойын құрметтей білуге үйренеді.

Сабақ барысы

2 мин

5 мин

3 мин

12 мин

5 мин

12мин

2 мин

Психологиялық ахуал тудыру.

«Айна» тренингін өткізу.1-қадам: Шеңберге тұру;2-қадам: Мына қорапта араларыңыздан бір әріптесіміздің суреті бар. Мен шеңбер бойынша қобдишадағы суретті көрсетемін, сіздер сол кісіні бір сөзбен сипаттайсыздар.

3-қадам: Ал ең соңғы әріптесіміз кім екенін анықтайды.

Топқа бөлу.

«Менің көңіл күйім» ойынымен топқа бөлу.Ойынның шарты: 1. Әр топ мүшелеріне қағазда жазылған олардың жасайтын іс-әрекеті беріледі (жылап айту, қуанып айту,таңқалып айту)2. «Алақай! Бірінші тоқсан аяқталды!» деген сөйлемді қолына түскен тапсырма бойынша орындайды.3. Жылағандар, қуанғандар, таңқалғандар болып топтасады.

«Құмырсқалар» бейнежазба көрсету арқылы мұғалімдер өз ойларын айтады, тақырыпқа шығады.

Ассоциация.

«Топтық жұмыс» сөзіне ассоциацияны суретпен көрсету. А4.

Постер жасап, қорғау. Аквариум әдісін қолданамыз.

Мұғалімдер топтық жұмысты аяқтаған соң, сыныпты айнала дөңгеленіп отырады. Презентация жасайтын топ ортаға шығып, өз жұмыстарын қорғайды. Басқа топтар ортадағы топты айнала бақылап, өз ұсыныстарын дайындайды. Топтың жұмысын мадақтап, ұсыныс айтады. Топтарға ватман таратылады. А3.

І-топ:Жылағандар. Топта жұмыс істеу ережелері.

ІІ-топ:Қуанғандар. Топтық жұмыстың тиімділігі.

ІІІ-топ:Таңқалғандар. Топтық жұмыстың тиімсіздігі.

Сергіту сәті. «Екі ақиқат, бір жалған». Мұғалімдер өзі туралы екі ақиқат және бір жалған пайымдаулар жазады. Қалған мұғалімдер шешеді.

І топ: Жылағандар. Суреттер сөйлейді. Суреттегі кейіпкерледі рөлдерге бөліп, жағдаятты көрсету.

ІІ топ: Қуанғандар. «Топтық тергеу» әдісі. Тікелей эфир. «Айтуға оңай» бағдарламасы. Тақырыбы: «Жаңартылған білім мазмұны».

ІІІ топ: Таңқалғандар. «Мен-саған, сен-маған» әдісі. Мәтін бойынша сұрақ-жауаптар.