Бірлігі жарасқан елмізбен мақтанамыз мақаласы
Sheber Education24 МаусымҚаралды:75Жүктелді:0
Мақалада еліміздің бірлігі, ынтымағы және татулығы туралы ойлар баяндалады. Материал қазақ тілі пәні мұғалімдеріне, сынып жетекшілеріне және осы тақырыпта тәрбие жұмысын жоспарлайтын педагогтерге пайдалы.
Материал жүктеу үшін жазылым қажет
Алдын ала көру
Сатып алмас бұрын бірнеше бетін көре аласыз. Толық нұсқасы жүктегенде — жазусыз, сызықсыз.
Материалдан үзінді
Бірлігі жарасқан елімізбен мақтанамыз!
«Бірлік – берекеге, береке – мерекеге жеткізеді»,- деп дана халқымыз айтқандай, алдымызда Қазақстан халқының бірлігі күні мерекесі келе жатыр. Бұл күн - әрбір қазақстандық үшін Отанға деген сүйіспеншілік пен патриоттық сезімнің, азаматтық борыш пен жалпы ұлттық келісімнің мерекесі болып саналады.
Қазақстан тәуелсіз ел болып, егеменді, дербес мемлекет атанғалы биыл 29 жыл, ал, Қазақстан халықтарының Ассамблеясына 25 жыл толып отыр. Бүгінде еліміз ұлттар мен ұлыстар мекендеген достық пен туысқандықтың, ынтымақ пен ырыстың ордасына айналды. Жүзі басқа болғанымен жүрегі бір,тілі басқа болғанымен тілегі бір, мақсат-мүддесі ортақ, бірлігі мықты, достығы берік ұлттар қазақ елінің салт-дәстүріне, ұлттық құндылықтарына құрметпен қарайды, сонымен қатар қазақ халқының қарапайымдылығы, қонақжайлылығы, бауырмашылдығы үшін ерекше бағалайды.
Егемен ел бесігі жыл өткен сайын еңсесі биіктеп келеді. Осы тәуелсіз мемлекетімізді уақыт талабына сай салиқалы ақылмен,терең парасат пайыммен басқарған тұңғыш президентіміз Н.Ә.Назарбаев сынды ерен елбасын қалай мақтап, мадақтаса да жарасады. «Бірлік-біздің қасиетті туымыз» - деп елбасымыз айтқандай ауызбіршілігіміз жарасып,бүгінде бір шаңырақ астында 130 дан астам ұлт өкілдерімен ынтымағымыз артып,күн кешудеміз. Дәл қазіргі кезеңде де «Көк аспан мен көк тудың астында, күн сөнгенше біргеміз»- деп ұрандатып, бүкіл халық жұдырықтай жұмылып, еліміздегі болып жатқан қысылтаяң,төтенше шақта,елдің еңсесін көтеріп, жігерін жандандырып, рухын көтеріп, бір –біріне қолдағы барымен,бар мүмкіншіліктерін аямай көмектесіп, қолдау көрсетіп, бірлігіміз күннен-күнге артуда. Осылай іргеміз берік болып, берекеміз бұзылмай, Қазақстанда тұратын барша ұлт арасындағы айнымас достыққа сызат түспей, бірлік пен ынтымақтастығы нығая берсін! Татулық пен бейбітшілік біздің еліміздің ең басты байлығы.Оны көздің қарашығындай сақтауға тырысайық. Береке-бірлігіміз арта берсін, бізде сіздермен біргеміз ағайын!
Алматы қаласы Алатау ауданы
№91 жалпы білім беретін мектептің
қазақ тілі мен әдебиеті пәнінің мұғалімдері
Тулеуова Индира, Альби Ақерке
Сабаққа арналған ойындар
Жазылымдар
Өзіңізге ыңғайлы жазылымды таңдаңыз
