Бірлігі жарасқан берекелі Қазақстан тәрбие материалы

«Бірлігі жарасқан берекелі Қазақстан»

Қазақстан халқы Ассамблеясының 20 жылдығына арналған ашық тәрбие сағаты

Қазақстан халқы Ассамблеясы - ол әрі іргетас, әрі бейбітшілік, рухани келісім мәдениетінің негізгі қағидаты. Ассамблея- мемлекеттік органдардың халықпен жемісті үнқатысуын, барлық этностар өмірлерінің өзекті мәселелерінің шешілуін қамтамасыз етуші ұйым. «Дамудың сыры - бірлікте, Табыстың сыры - тірлікте». Мұратқа жолын тапқан жетеді. Еңбегіміздің жанбағы біздің ортақ үйімізді бейбітшіліктің бесігі етіп, барды бағалай білуімізге байланысты. Қазақты қасиетті қара шаңыраққа баласақ, еліміздегі барша этностар - сол шаңыраққа шаншылған уықтар.

- Ортақ ордамыз - Қазақстанның босағасын берік, шаңырағын биік ұстап, түтінін түзу ұшыру - елдік мақсат. Сонда ғана Қазақстан «2050» Стратегиясында айтылған үздік 30 елдің қатарынан табылады. Біздің Отанымыз - ортақ, тілегіміз - бір, мақсатымыз - жалғыз. Ол - жері гүлденген, елі түрленген, дамуы жедел, ұрпағы кемел Мәңгілік Қазақстан!

Нұрсұлтан Әбішұлы НАЗАРБАЕВ,Қазақстан Республикасының Президенті

Мақсаты: Қазақстанда тұрып жатқан басқа ұлт өкілдерінің Қазақстан халқына деген сыйластығын, ұлттық қарым - қатынасын нығайтуға тәрбиелеу, қазақтың салт – дәстүрін сыйлауға, қазақ халқына үлкен қошеметпен қарауға, сыйлауға, тұрып жатқан Отанын сүюге, халықтар достығын, ұлтаралық қарым – қатынасты сақтауға тәрбиелеу, Қазақстанға деген патриоттық сезімін ояту, оны одан әрі дамытуға баулу.

Техникалық құралдар: интербелсенді тақта, слайд, бейне ролик.

Би: «Әлқиса»

І жүргізуші:

Құрметті қонақтар, ата-аналар, қадірменді ұстаздар, оқушылар! Сіздерді Ассамблеяның 20 жылдығымен құттықтаймыз! Бұл мерекеге арналған «Бірлігі жарасқан берекелі Қазақстан» атты ашық тәрбие сағатын ашуға рұқсат етіңіздер.

Бейбітшілік пен келісім- Елбасымыздың саясаттағы негізгі ұстанымы. Қазақстан бірлігі арқасында біз көптеген қиындықтардан өтіп, тәуелсіздігімізді нығайттық, бірлігіміздің арқасында барлық қиындықтарды жеңіп шықтық. «Ассамблея» – достық, бірлік деген сөз.

ІІ жүргізуші:

Кез келген мемлекет үшін қоғамдық келісімнің маңыздылығы ерекше. Халық үшін бейбіт заманда мамыражай өмір сүруден артық ешқандай бақыт жоқ. Сондықтан елімізде татулық пен тұрақтылыққа Тәуелсіздік алған жылдан бастап ерекше мән беріліп келеді. Қазақстанда өмір сүріп жатқан этнос өкілдерінің мүддесі Елбасымыздың тікелей қадағалауында. Қазақстан халқы Ассамблеясын құру идеясын да алғаш рет Елбасымыз Н.Ә.Назарбаев 1992 жылдың желтоқсанында өткізілген Қазақстан халқының бірінші форумында айтқан болатын. Қазақстан дамыған елдер қатарына қосылу үшін, ел тұрғындары бай, әл-ауқаты жоғары өмір сүру деңгейіне жету үшін халықтың ынтымағы, бірлігі мен татулығының негізгі рөл атқаратынын ерекше атады. Осыған орай, 1995 жылғы наурыз айында Қазақстан - Республикасының Президенті жанынан консультативті-кеңестік орган ретінде Қазақстан халқы Ассамблеясы құрылды.

І жүргізуші:

1995 жылдың наурызында дүние жүзіне үлгі болып отырған ұлтаралық татулық пен тұрақтылықтың – феномені – Қазақстан халықтары Ассамблеясы құрылды. Бұл ешбір елде болмаған ерекше, саяси маңызы зор құрылым.

Ассамблея 365 мүшесі, 471 ден астам республикалық, өңірлік, облыстық, қалалық ұлттық – мәдени бірлестіктері, 500- ге жуық кіші ассамблея мүшелерінің бастарын біріктіріп, біздің ортақ үйіміз – Қазақстанда шынайы достықты қамтамасыз етіп келеді. Бүгінде әрбір ұлтқа салт – дәстүрлерін жаңғыртуға, мәдениеті мен әдебиетін дамытуға, тілінің жетілуіне қамқорлық көрсетілуде.

ІІ жүргізуші:

Өзара түсіністік, ұстамдылық әртүрлі ұлттар өкілдерінің рухани және мәдени құндылықтарына құрметпен қарау әдебі барлық этностарға ортақ жалпы халықтың идеалдар мен қасиеттерді қалыптастыруға әсер етті. Нәтижесінде әрбір ұлт конституциялық – құқықтық заңнама негізінде өзіне тән этностық ерекшелігін сақтай отырып, Қазақстанның қоғамдық құрылымына үйлесті сіңе білді. Қазақстан көп ұлтты мемлекет. Кең байтақ Қазақстанды 130 дан астам ұлт пен ұлыс мекен етуде. Бұл ынтымақ үрдісі ғасырдан – ғасырға жалғасуда.

І-жүргізуші:

Қазақстанда1989жылдан 2001жылға дейінгі аралықта гректердің “ЭОС” қоғамы, Неміс ұлттық-мәдени орталығы, поляктардың “ВЕНЗЬ”қоғамы, дағыстан, кәріс, дүнген, күрд, ұйғыр, түрік, шншен-ингуш мәдени орталықтары, қырғыздың “Мекен”, буряттың “Саяны”, карел менфиндердің “Суоми”, еврейдің “Шолом”, қалмақтың “Бумба”, қарашай-балқардың “Минги тау”, венгердің “Келет”, армянның ”Луйс”, әзірбайжанның “Озан”, украин ұлттық-мәдени орталықтары және Жетісу казактарының қоғамдық бірлестігі ашылған.