Бисерден түймедақ гүлін жасау шеберлік сабағы

Шебер сынып тақырыбы: «Бисерден «Түймедақ» гүлін жасау.

Мақсаты:Бисерден оқушыларға түймедақ гүлін жасата отырып, шығармашылық деңгейін арттыру.Алған білімдерін өмірде пайдалануға тәрбиелеу.Есте сақтау қабілетін дамыту.Сұлулықты бағалай білуге үйрету.

Шеберлік сынып барысы:

Амандасу кезеңі. Тренинг «Сәлемдесу»

Казір біз сіздермен ойын ойнаймыз, қимылды тез жасауларың керек. «Бастаймыз» деп белгі бергенде,мен қалай амандасу керек екенін айтамын, сонда сендер бір-бірлеріңмен тез-тез амандасасыңдар. Бір-бірлеріңмен әр түрлі қимылда амандасасыңдар. Сонымен көзбен... қолмен.... иықпен... құлақпен... тіземен.... өкшемен... иекпен.... арқамен...Рахмет, балалар орнымызға отырайық.

КІріспе Өнерді таудың бұлағынан

Қойдың құлағынан

Апамның киізінен

Ешкінің мүйізінен ,- үйрендім деп халқымыздың біртуар суретшісі Әбілхан Қастеев айтқандай өнер әр халықтың тұрмыс тіршілігі тарихы.

«Өнерпаз болсаң арқалан» деп Абай атамыз айтқандай қолөнер халық өнерімен, тұрмысымен бірге жасап келе жатқан өміршең өнер.Сол себепті сіздер балалар өнерге бейім болуларыңыз қажет.

Негізгі кезең.

Техникалық қауіпсіздік ережесі.

1.Жұмысты орындар алдында артық зат болмау керек.

2.Қайшы өткір болуы керек және оны жабық күйінде ұстаған жөн.

3.Сымды,бисерді ауызға салуға болмайды.

4. Сымды қайшымен қияды.

5. Сымды көзге жақын ұстама.

Көңіл күйлерің қандай?

(Смайликтер арқылы көрсету)

М: Адамның ойы ұшқыр, қолы алтын.Кез-келген адам 10 саусағынан өнер тамған жан десек артық айтқандық емес Тек осы үлкен өнерді бойымызда тұншықтырмай сыртқа шығаруымыз керек.

Ата-бабамыз темірден түйін түйіп жаңқаға жан бітірген.

«Түймедақ» туралы.

Балалар бүгін біз бисерден «Түймедақ» гүлінің жасалу жолдарын көрсетеміз. Балалар түймедақ туралы не білесіңдер?

Түймедақ гүлі дәрілік өсімдік .Тіс ауырса да, іш ауырса да бізге түймедақтың пайдасы мол. Балалар олай болса, түймедақ гүлін іс жүзінде жасап көрсетейік.

Қажетті құрал-жабдықтар:

Бисер: сары түс, жасыл, ақ түсті, сым темір, қайшы, майлық, жасыл түті мулине жіп.

1.Түймедақ жеті күлте гүлден тұрады. Бір күлте гүлде үш жапырақша болады. Бір жапырақшаға 25 см сым темір қиып аламыз. Қиып алған сым темірге 35 ақ бисер өткізіп, соңына бір бисерден екі жіпті өткіземіз.