Қарым-қатынас шеберлігі психологияға арналған материал

Тақырыбы:Қарым-қатынас шеберлігі

Мақсаты: Ортамен үйлесімді қарым-қатынас жасауға дағдыландыру,мәдени сөйлеу білігін дамыту,өзара жағымды қарым-қатынасын арттыру,парасаттылыққа,ұйымшылдыққа тәрбиелеу

Тренинг барысы:

І кезең Қызығушылықты ояту (ойлану,топтық талқылау)

Қатысушыларға «Қарым-қатынас дегенді қалай түсінесіздер ?»-деген сұрақ ортаға қойылады.Қатысушылар «Ассоциация» плакатын толтырады.

Сонымен қарым-қатынас дегеніміз ... өздері жасаған ассоциасияны оқиды.

ІІ кезең.Мағынаны тану

Шебер қарым-қатынас жасау жолдарын,түрлерін және де қарым-қатынас мәдениеті төңірегінде түсініктеме беріледі.

Адамдардың бір – бірімен қарым-қатынасы өте күрделі және нәзік үрдіс.Қоршаған ортадағы адамдармен қарым – қатынас жасай білмеу,адамдардың түсініспеушілігінің негізгі себебі болуы мүмкін. Қарым – қатынас жасау арқылы адамдар айналадағы дүниеден мәлімет алады, жандүниесі кеңейді, білімі тереңдейді. Адамдармен қарым – қатынас жасау шеберлігі адамның ішкі мәдениетіне, біліміне, тәрбиесіне байланысты болады десек артық емес.Біз өміріміздің барысында әр түрлі қателіктерді жібере отырып,үйренеміз.

І кезең

1. «Сенің есімің» жаттығуы

Мақсаты:Топта жағымды эмоция қалыптастыру

Қатысушылар шеңбер жасап тұрады.Жаттығуды бір адам бастайды,кейінгілердің міндеті осы бірінші ойыншының атын шеңбер бойымен жылжыта отырып түрлендіре атау.Мысалы: Шолпан,Шопи,Шолпик,Шопалак,Шолпи т.с.сБарлық қатысушылардың аты айтылады.Өз есімдеріңізді түрлендіре естігенде қандай қандай сезімде болдыңыздар?

Біздің есіміміз өзіміз үшін дүниедегі ең керемет әуен секілді.Сондықтан алдағы уақытта үнемі бір-бірімізге қарап сөйлегенде әңгімемізді еркелете,жағымды атаудан бастайық.

2.«Сенімен қарым-қатынас жасау жағымды ма?» жаттығуы

Күнделікті өмірде ,үйде,жұмыста,қонақта,ұжымда біз бір-бірімізбен дұрыс қарым-қатынас жасай аламыз ба?Қазір сол жағымызда тұрған әріптесімізге қарап,сенімен қарым-қатынаста өте қуаныштымын деп қолынан ұстап,осы сөзді әрі қарай жалғастара береміз де,барлығымыз бірге бір-бірімізбен қарым-қатынаста өте қуаныштымыз деп қорытындылаймыз.

Адам денсаулығына жақсы қарым-қатынастың әсері мол.Қоғаммен,ұжыммен әрдайым жақсы қатынаста болған нағыз мейірімділіктің белгісі.Халықта мынадай даналық сөз бар: «Адамдардың саған қалай қарағанын қаласаң,басқаларға да солай қара».

ІІ кезең Ой қозғау

1.Қарым-қатынастың адам өміріндегі маңыздылығы туралы не ойлайсыз?

2.Ұжымдағы қарым-қатынасқа көңіліңіз толады ма?

ІІІ кезең Аутогенді жаттығу жасау

Ыңғайлы отырып,көзді жұмып,терең жаймен дем алыңыз.

Төбеңізді алтын нұрға бөленіп тұрғандай елестетіңіз.Терең баяу дем алып,деміңізді сыртқа шығарыңыз.Бар зейініңізді жарқырап тұрған төбеңіздегі күнге аударыңыз.

Мойыныңызға зейін қойыңыз,ол да алтын нұрға бөленіп тұр деп ойлап,сол алтын нұрға зейін салып 3 рет баяу тыныс алып,деміңізді сыртқа шығарыңыз.