Біз біргеміз берік іргеміз психологиялық ашық сабағы

Маңғыстау облыстық білім басқармасының «Көру қабілеті бұзылған балаларға арналған №1 арнайы балабақшасы»

Біз - біргеміз, берік іргеміз

(Педагогтармен тренинг)

Психолог: Муханбетова А.Н.

Ақтау 2022

Тақырыбы: «Біз - біргеміз, берік іргеміз»

Тренинг мақсаты: ұжым арасындағы байланысты нығайта отырып, эмоционалды жігер беру, бірін - бірі кеңірек танып білуге, қатысушылардың өз мүмкіндіктерін шамалауға және күз мезгіліндегі шаршағандықтарын төмендетіп, көңіл күйлерін көтеру.

Тренинг ережесі:

1. Бір-бірін тындау

2. Қарым-қатынастағы шыншылдық ережесі

3. Топтағының сыртқа шықпауы

4. Белсенді қатысу

5. Сөйлеушіге құрмет

1 ) Қатысушылар шеңбер құрып отырады.Нұсқаулық: Барлығымыз орынымыздан тұрып бір бірімізбен жақсы сөз айтып сәлемдесеміз. Мысалы: Менің есімін Асель мен сыпайымын.

Қатысушылар шеңбер құрып отырады.Жүргізушінің қолында доп болады.Нұсқаулық: Қазір бір бірімізге допты беру арқылы допты қағып алған адам: Сен өмірде қандайсың? Деп сұрақ қояды қағып алған адам өз бойындағы жақсы қасиетін айтады. Әркім өз бойындағы жақсы қасиеттерін айтып шығуы керек.

2) Маскалар шеруі

Мақсаты: Эмоция туралы ұғымды кеңейту, тәрбиешілерді мимика түрлерін жасай білуге тәрбиелеу.

Нұсқаулық: Тәрбиешілерге әр түрлі эмоция белгіленген маскалар беріледі. Тәрбиеші қолындағы маскаларда белгіленген эмоцияларды көрсетуі крек. (Жаттығу аяқталған соң топпен талқылау. Көңілсіз маскалардың көңіл-күйін қалай көтерер едіңіз? Маска жайында ойын толық айтып жеткізу т. б).

3) «Сиқырлы қобдиша» жаттығуы.

Нұсқау: Қатысушылар шеңбер құрып отырады. Ортада сиқырлы қобдиша тұрады. Сыйлықтар қағазға жазылған адамгершілік қасиеттер. Жаттығу шарты: - қобдишадан әр қатысушы кезекпен бір сыйлықты таңдап алып, ішінде жазылған сөзді лайықты деп санаған адамға сыйлайды. Сыйлықтар үлестірілгеннен кейін, шеңбер бойынша өзінің сыйлығын айтады.

«Өрмекші торы» жаттығуы.

Нұсқау: қатысушылар шеңбер құра отырады. Ойынға барлығы қатысуы тиіс. Жіп кімнен ілініп басталса, сонымен аяқталып өрмек жиналу керек.

Жаттығу шарты:

Топта бірін-бірі жақын танығандықтан, әр кім 1-ші өзінің достарына айтар тілегін, қошеметін, жағымды қылықтарын білдіріп жіпті саусағына іледі, өрмек тоқылды. 2-ші кері бағытта, бірақ сол ізбен достарының бойына қажет емес қасиеттерін, қылықтарын айту. Өрмекті жию.

Қорытынды бөлім.