Біз мектепке барамыз ертеңгілігіне арналған сценарий

Тақырыбы : «Біз мектепке барамыз»

Мақсаты: Мектепалды даярлық тобының тәрбиеленушілерінің жыл бойы алған білімдерінің нәтижесін көрсету. Міндеттері :Білімділік міндеті : оқуға, білімге деген құштарлығын нығайту, мәнерлеп айтуға, байланыстырып сөйлеуге үйрету, сөздік қорын молайту, жыл бойы алған білімдерін тиянақтау;Дамытушылық міндеті : ой-өрісін, қиялын, шығармашылық қабілеттерін дамыту;Тәрбиелік міндеті : қоршаған дүниені танып білуге жетелеу, мектепке деген сүйіспеншілігін арттыру, достыққа, еңбексүйгіштікке тәрбиелеу. Көрнекілігі : шарлар ,кеспе әріптер Жүргізуші: Қайырлы күн, құрметті қонақтар! Сіздермен тағы да қауышқанымызға қуаныштымыз. Бүгінгі кешіміз ерекше күн. Біз балаларымызды мектепке шығарып салмақпыз. Олар да бүгін қобалжуда. Қане, оларды қарсы алайық!

Өтті қызық көп күндер,Алты жасқа жеттіңдер.Барасыңдар мектепке,Бір белестен өттіңдер.Айналайын балаларАлда Мектеп –Ана бар,Өздерінен өседі,Өнерпаздар, даналар-дей отырып бүгінгі «Біз мектепке барамыз» атты ертеңгілігімізді бастауға рұқсат етіңіздер.

Құрметті ұстаздар,ата-аналар бүгін міне балаларымыз даярлық тобын аяқтап, бірінші сыныпқа қадам басқалы тұр. Қадамдарың құтты болсын жас бүлдіршіндер. Қазір алдарыңызда тұрған бүлдіршіндер даярлық тобынан 9 ай ішінде алған білімдерін әнмен ,бимен , өлеңдермен өнерлерін ортаға салады.

Армысыңдар ,мұғалімдер қымбатты,

Біздер үшін ашатын сан жұмбақты

Құшақ жайып қарсы аламыз сіздерді

Шәкіртіңнің қылықтары тым тәтті

Қош келіпсіз, ақ жаулықты аналар

Жүздеріңнен мейірім мен нұр тамар

Алдарыңда жауқазындай құлпырған

Тұр алаңсыз балғын шақты балалар .

Құтты болсын қадамдарың қонақтар,Біздің тойдың көрермені болыңдар.Тамашалап балалардың өнерінМарқайып,алақанды соғыңдар.

Балалар, қанеки өзіміздің сүйікті «Балдырған » әнімізді қонақтарға ұсынайық. Ертеңгілігімізді ән шашудан бастайық.

«Балдырған» әні.

Ұлы өнерді халқымыздан үйренген,Жүректерді күмбірлетіп күйменен.Қызымыз бар қызғалдақтай қырмызы,Мың бұрала үнді биін билеген. Қаңтарбаева Арайлымның орындауында үнді биі .

Қане балалар сендермен ойын ойнайық .

Ойын: «ия, жоқ» :1. Мектепке біз барамыз ба?2. Кілең бестік аламыз ба?3. Айтқан тілді аламыз ба?4. Ақылды бала боламыз ба?5. Нан жеймін деп жылаймыз ба?6. Танартең ерте тұрамыз ба?7. Сабақта отырып ұйықтаймыз ба?8. Ойыншықтармен ойнаймыз ба?9. Екі алғанда жылаймыз ба?10. Оқушы біз боламыз ба?

Өте жақсы балалар, дұрыс жауап бердіңдер .

Жас күнінде жалындау бар, жану бар

Үлкендерден үлгі өнеге алыңдар.

Көрерменге өнерін паш ететін

Қош келдіңдер кіп-кішкентай арулар!

деп Ержанқызы Жібектің өнерін тамашалайық .

Ата аналармен ойын ойнасақ :1. Балаңызға әрқашан тірексіз бе?2. Сабақ оқып, есепке сіз жүйріксіз бе?3. Тамағын уақытылы бересіз бе?4. Төзімділікке сіз әр уақытта төзесіз бе?5. Сериал көріп жатасыз ба?6. Ұрып, нұқып үйретуге барасыз ба?7. Оқыту мұғалімнің жұмысы деген кері тартпа сөзді айтасыз ба?8. Сен оқыт, мен оқытып шаршадым деп ұрысуға дайынсыз ба?9. Балаңыз үшін балаларға ұрсасыз ба?10. Бала үшін асулардан асасыз ба?

Музыка ырғағымен Дымбілмес кіреді .

Дымбілмес : Сендерде мұнда не болып жатыр ?

Тәрбиеші : Бізде даярлықпен қоштасу болып жатыр,біздің балалар 1-ші сыныпқа барады