Біз мектепке барамыз тақырыбына тәрбие сағаты

Мектепалды даярлық «А» тобының тәрбиешісі: Тажиева ГүлшатБайкабыловна

Тақырыбы: Біз мектепке барамыз!Мақсаты: Балаларды мектепалды даярлық тобынан шығарып сала отырып, оқу-білімге деген қызығушылықтарын оятып, Отанын, елін, жерін, құрметтеуге баулып, адамгершілікке,сыйластыққа тәрбиелеу.Әдісі: Ертеңгілік.Барысы: І Ұйымдастыру кезеңі.ІІ Кіріспе сөз. (Музыка ойналып тұрады. )– Құрметті ата-аналар, ұстаздар, қонақтар! Бір жыл бойы мектепалды даярлық тобында тәрбиеленіп, білім нәрімен сусындап, оң, солын танып, білім жолына қадам басқалы отырған бүлдіршіндеріміздің даярлық топпен қоштасу ертеңгілігіне қош келдіңіздер. Бүлдіршіндерімізге сәт-сапар тілей отырып, «Даярлық топпен қоштасып, біз мектепке барамыз !» атты ертеңгілігімізді бастауға рұқсат етіңіздер. Өтті қызық көп күндер,Алты жасқа жеттіңдер.Барасыңдар мектепке,Бір белестен өттіңдер.

Ортаға даярлық тобымен қоштасқалы тұрған бүлдіршіндерді қарсы алыңыздар:

1.Тобымыздың белсенділері

Алланазаров Қанатбай, Сейтова Мадина, Темірбай Нариман.

2.Тобымыздың ақылдылары

Аяпберген Асылжан, Ізбасар Айару, Сағынайев Нұрдаулет.

3.Тобымыздың еркелері

Еркебұланұлы Мәди, Данабекова Еркеназ, Жалғас Мәди.

4.Тобымыздың ұяң да мінезі биязы жігіттері мен қызы

Нұрмұхан Думан, Хабидулла Аяулым,Елемес Бағлан

5.Тобымыздың алғыр жігіттері мен сымбатты қызы

Айтбайев Ақәділ, Өтеғұлова Асел, Тыныштық Жанабек

6. Тобымыздың еркесі, ата – анасының қамқоршысы Мұқанбетсапа Ерғали

Ақ тілекті ағытып бір тастайық,Қоштасатын кешімізді біз бастайық.Жүздеріңде көркем шаттық арайы,Өтсін солай әрбір күнің, әр айың.

Қазір алдарыңызда тұрған бүлдіршіндер даярлық тобынан 9 ай ішінде алған білімдерін ән күймен, өлеңдермен, жұмбақтармен өрнектеп өнерлерін ортаға салғалы тұр. Біліміміздің артып, сөз байлығының молайғанын, санамыздың өскенін көрсетейік.

ӘН : «Бала арманы» хор.

( Хормен барлық бала айтады.)

Балалар тақпақтарын айтады.

1.Қанатбай

Тәрбие берген ұямыз,

Тәртіпті бала боламыз.

Қоштасып даярлык топпенен

Біріншіге барамыз.

2.Мадина

Ана тілін ардақтап,

Ата салтын біз көрдік.

Сурет салып,ән жаттап,

Оқып, жазып үйрендік.

3.Нариман

Мектеп қамқор анамыз,Оқып, білім аламыз.Өнерпаз боп өсетін,Біз оқушы боламыз.

4.Асылжан

Өсті ақыл ойымыз,

Өсті міне бойымыз.

Қуаныщқа ортақпын,

Құтты болсын тойымыз!

5.Айуру

Нағыз білім ырыс бақ,Дүниені тұр ұстап,Енді біздер сабаққа,Кірісеміз дұрыстап.

6.Нұрдаулет

Мектепке енді барамыз, Үлгілі оқушы боламыз. Жақсы оқып сабақты Кілең бестік аламыз.

7.Е.Мәди

Мектепке биыл барамын,

Қолыма кітап аламын.

Дайын тұр сауыт сайманым

Дайын тұр жазар қаламым.

8.Еркеназ

Бал татиды әніміз, Мың бұралған биіміз, Сіздерге бізден мың алғыс, Сіздерден өнер алдық біз

9.Ж.Мәди

Үлкендердей тап –таза, Жазамыз бормен тақтаға, Үлгілі бала боламыз, Жүретіндей мақтана.

10.Думан

Қуан, шаттан алақай,Қуанатын күн бүгін.Бұл қуаныш себебін,Бізге қарап ұғарсың,Ер жетті деп бөбегім,Ата-анамыз қуансын.

11.Аяулым

Баулап, баптап өсірдіңіз, Бұзықтық етсек кешірдіңіз, Ұмытпаймыз сөзіңізді, Ұмытпаймыз өзіңізді.

12.Бағлан

Мен қайырымды баламын. Тек жақсылық ойламын. Кішілерге қамқормын, Біріншіге дайынмын.

13.Жанабек

Қуантуға елімді,

Қуантуға жерімді

Қуантуға жүректі

Қуантутға түлекті.

Мен мектепке барамын.

14.Асел

Әріптерді үйрендік, Оқу,жазуды меңгердік. Алғыс сізге ұстазым. Бірінші сыныпқа жеттік біз.15.Ерғали

Оқимыз, білім аламыз, Болашақ жолын саламыз, Даярлыпен қоштасып, Біз мектепке барамыз.

ӘН : «Әрқаша күн сөнбесін» орындайтын Жалғас Мәди