Біз мектепке барамыз қоштасу тәрбие сағаты

Тулешова Салтанат Базарбекқызы Қызылорда қаласы №101 орта мектебінің бастауыш сынып мұғалімі

Тақырыбы: Біз мектепке барамыз. Мұғалім: Қымбатты қонақтар! Ата-аналар, ұстаздар! Бүгінгі қуанышты күн

«Мектепалды даярлықпен қоштасу» мерекесі құтты болсын. Кеше ғана алаңсыз шапқылап жүрген бүлдіршіндеріңіз бүгінде бойларында жауапкершілік сезімі пайда болып,білім асуының алғашқы белесінен аман есен асып, тағы бір жасқа есейіп отыр. Бүгінгі сіздердің алдарыңызда №101 орта мектебіндегі «Шамшырақ» тобының бүлдіршіндері тоғыз ай бойы «Сауат ашудан» тоқыған білімдерін, математиканың сырын түсініп, өнерлерін ортаға салмақ. Қош келіпсіздер!

Би Вальс

( Ортаға жүргізушілер шығады) 1-жүргізуші ; Қыр гүліндей жайнаған Ән сап, билеп ойнаймыз. Бүгін бізде мереке Қоштасуды тойлаймыз.

2- жүргізуші; Тал шыбықтай бойына, Әдемі көйлек жарасар. Шақырайық ортаға Балғын балдырғандарды

3-жүргізуші: Өсті ақыл ойларың, Өсті міне бойларың. Қуанышқа ортақпын, Құтты болсын тойларың.

Хор: Әнұран.

1-оқушы: Отан-менің өз елім, Отан-туған өз жерім. Отан-далам, өзенім, Гүлдей жайнап өсемін.

2-оқушы: Отан –біздің әніміз, Отан –біздің сәніміз. Ер жетеміз туған ел Сені сүйіп бәріміз.

(Кенеттен дүрсілдеген дауыс естіледі. Барлық бала аспанға қарайды.Бәрі бір-біріне таңырқай қарайды. Үлкен тастың артынан «Томпақ » шығады.

Балалар Мынау Томпақ қой (2 рет) Ол өзге ғаламшарлық. Ол мұнда қайдан жүр? (Барлығы иықтарын көтереді. 2-жүргізуші ; Томпақты бері шақырайық. Өзінен анықтап сұрайық. Қайдан келдің?

Томпақ. Сәлеметсіңдер ме балалар?! Иә мен өзге ғаламшардан ұшып келдім. Мені танисыңдарма балалар.

Балалар: Иә. Томпақ: Мұнда бір мереке болып жатқанға ұқсайды ғой.

1-жүргізуші ; Дұрыс айтасың. Біз бір жасқа есейіп, мектепке барғалы жатырмыз. Сондықтан даярлықпен қоштасу мерекесін тойламақпыз. Айтпақшы танысып қояйық Менің атым-Бекболат. Ал мынау

менің достарым- Саида мен Меруерт Томпақ: Е-е-е. Жақсы екен. Сендер сонда білімді болдыңдар ғой. Онда менде қатысып, өнерлеріңді тамашалайын. Біздің ғаламшарда мектеп жоқ. Сендерден үйреніп алып, достарыма көрсетейін.

2- жүргізуші: Жарайды. Балалар сендер не айтасыңдар, келісесіңдер ме?

Барлығы « Иә» деп жауап қатады.

1-жүргізуші: Онда кел Томпақ бізбен бірге «Ладошка» биін билейік

Би Ладошка

Томпақ: Керемет, балалар ,өздерің биші екенсіңдер. Тағы қандай онерлерің бар?

3-оқушы: Талаптанып, Қанаттанып, Өмір сырын ұғамыз. Білім алып тұлғаланып, Азамат боп шығамыз. 4-оқушы: Біліміңді аяма Ата-анадай аяла

Мектеп-ана болмаса, Бала құшақ жая ма. 5-оқушы: Жырын жаттап жатамыз, Жалықпастан қыс жазы. Ұлы Ыбырай атамыз-

Ұстаздардың ұстазы. Ұран тастар көп елге «Кел,балалар, оқылық!»- Деген сөзін көңілге «Ықыласпен тоқылық!» 2-жүргізуші: Білім даңғыл жол ашты, Жаңадан пәндер жалғасты. Алфавит сырын ұқтырған Рақмет ұстаз алғашқы!

Барлығы хормен Рақмет!

3-жүргізуші: «Ұстазы жақсының –ұстамы жақсы»-демекші залдағы барлық мұғалімдерге арналады. Хор «Мұғалім –ол біздің»

6-оқушы: Біз балауса баламыз Жетіліп ой санамыз. Даярлықпен қоштасып, Мектепке кетіп барамыз.

8-оқушы: Біріншіге барамын, Кілең бестік аламын. Жақсы баға алғанда Қуанып бір қаламын.

9-оқушы: Алфавит сыры Алфавиттің А тұрады басында Әрқашанда Ә тұрады қасында Байқадың ба? Б тұрады үшінші Ал осының сыры неде түсінші: А-деген ол аналар ғой ардақты Ә-деген ол әкелер ғой салмақты. Б-деген ол балалар ғой әдемі. Біздің елде үшеуі де кәделі Алшақ кетпей ... Сондықтанда расында Тұрады олар алфавиттің басында.

2-жүргізуші: Мектебің, мынау класың, Осында он жыл тұрасың, Тарыдай боп кіресің

Таудай болып шығасың-дегендей келесі кезекті әнге берейік. Хор «Сәлем саған мектебім»

Томпақ: Жарайсыңдар, балалар, сонда сендер мектепке дайынсыңдар ма? -Иә

1-жүргізуші: Томпақ сен күмәнданып тұрсың ба? Онда әрі қарай тамашалай бер.

10-оқушы: Жұпар иісі еседі, Жайнап бақта өседі. Қайсы әріптен басталған Аты не кім шешеді? (Г-Гүл)

11-оқушы:Сол аяқ пен оң аяқ, Кезек кезек тебеді. Ол тынымсыз домалап Зыр жүгіре береді. (Д-Доп)

12-оқушы: Ас біткеннің анасы, Қасиетті нан осы. Қайсы әріптен басталып Аяқталған қарашы. (Н-нан) 3-жүргізуші: Әліпбиден әріп танып Алғаш рет оқимыз. Тәрбиеден тәлім алып Санамызға тоқимыз. Томпақ: Сендер сондай алғыр балалар екенсіңдер. Бекболат сөзің рас екен.

2-жүргізуші: Келесі кезекті «Модники и модницы» биіне берейік.

1-жүргізуші: Енді санаудағы қызықты әзіл есептерді шешудегі шапшаңдықты тамашалайық.

13-оқушы: Неше жапырақ? Тал басында тізіліп Он жапырақ тұр еді. Жел соқты да үзіліп Ұшып кетті біреуі Ізінше оның жұлынып Түсті тағы бесеуі Тұр әлі де ілініп Жапырақтың нешеуі? ( төртеу)

14-оқушы: Ағам бізді жинады 8 қолғап сыйлады. Қамқор болған ағамыз, Үйде неше баламыз?

15-оқушы: Алма ағашында 10 алма өсіп тұр. Ал үйеңкі ағашында одан аз өсіп тұр. Үйеңкі ағашында неше алма өсіп тұр? (Үйеңкіде алма өспейді)

1-жүргізуші: Меруерттің орындауында «Бала арман әнін қабыл алыңыздар

2-жүргізуші: Томпақ ол ғана емес, біз ағылшын, орыс тілінде меңгеріп алғанбыз.

Орыс тілі: 1-оқушы: Слыхали радостную весть? Мне скоро будет ровно шесть. А если человеку шесть И у него тетрадки есть, И ранец есть, и форма есть. И счётных палочек не счест И он читать старается6 То, значит, он вернее –я, Он в школу собирается!

2-оқушы: Как хорошо уметь читать! Не надо к маме приставать. Не надо бабушку трясти «Прочти, пожалуиста! Прочти!» Не надо умолять сестрицу, «Ну почитай еще страницу». Не надо звать, Не надо ждать, А можно взять И почитать!

3-оқушы: Парта ждет меня, во первых , Ждут уроки, Ждут друзья. Будет в школе не до лени, Там я в новую страну Дел и знаний и умений Путешествие начну.

3-жүргізуші: Көрдің бе ,Томпақ , балалардың қалай айтқанын? Бұл аз десең ағылшыншамыз тағы бар.