Біз ойнаймыз, ойлаймыз түзете дамыту сабағы

Сабақтың тақырыбы: Біз ойнаймыз, ойнаймыз да ойлаймыз.

Мақсаты: Балалардың ойлау, есте сақтау қабілеттерін, зейіндерінің шоғырлануын дамыту. Шығармашылық ойлау қабілеттерін, қиялын дамыту.

Сабаққа қажетті құралдар: топшамалар, түрлі суреттер, интерактивті тақта, музыка, сурет құралдары..

Қолданылатын әдіс-тәсілдер: сұрақ-жауап, сурет салу.

Сабақ барысы:

«Өз көңіл күйіңді суретте»

Мақсаты: өз көңіл күйлерін түс арқылы бере білу дағдыларын жаттықтыру.

Алдарыңыздағы гуашь, акварель бояулардың біреуін қалауыңмен таңдап алып, алдыңдағы қағазға саусақтарыңмен өз көңіл күйіңді білдіретін қандай да бір сурет сал.

Ескерту: баланың қара, қоңыр түсті таңдауы депрессиялық жағдайды, қорқынышты білдіреді.

«Көңілді қимылдар» жаттығуы

Балалар шеңбер болып тұрады. Көңілді музыка жіберіледі. Қатармен тұрған балалар бір бірден өз қимылдарын көрсетеді, қалғандары соның атын атап, қимылын қайталайды.

«Барлаушы» ойыны

Мақсаты: зейінін, есте сақтау қабілеттерін дамыту.

Әр балаға бір бір сурет беріледі. Әрқайсысы өз суреттерін мұқият қарап жаттап алады. Суреттер жиналып алынып, бір оқушы ортаға шығады. Оның суреті интерактивті тақтадан көрініп тұрады, қалған оқушылар ол суретті көріп тұрады, иесі көрмей теріс қарап тұрады. Балалар суретке қарап отырып ортадағы балаға түрлі суретке байланысты сұрақтар қояды. Бала қаншалықты дұрыс жауап берсе, есте сақтауы соғұрлым жақсы.

«Моншақ жинау» жаттығуы

Мақсаты: Зейінін ойлауын, есте сақтауын дамыту

Схема түсіндіріледі: х жіп

О –моншақ

О – бисер

Менің айтқаным бойынша ол схема сызып отыру керек.

хООхоохООхоох ООхоох

хОООхооохОООхооох

хоОохОоОхоОохОоОх

хООоООхооОоохООоООх

«Айырмашылықтарын тап»

Мақсаты: зейіннің шоғырлануы дамыту.

Әр балаға түрлі суреттер беріледі. 7,8,9,10,11,12 айырмашылықты табу керек.

«Ойла да суретін сал»

Мақсаты: шығармашылық қиялдарын дамыту.

Кез келген сөз айтылады, сол сөзге байланысты қандай суреттер сала алады бірнеше заттың суретін салуына болады.

Мысалы: Дөңгелек – күн, алма, қарбыз,т.б

Қызыл – алма, гүл, көйлек, т.б.

Ащы – бұрыш, қияр, т.б

«Рұқсат етілмейтін қимыл»

Бала зейінінің тұрақтылығын дамыту

«Балалар, қане бәріміз түзу тұрып маған назар аударыңыздар. Қазір мен қолыммен түрлі қимылдар жасаймын. Ал сіздер осы қимылдарды мұқият қарап отырып,менің артымнан қайталап отырыңыздар. Бірақ мына шартты ұмытпаңыздар; қолыңызды төмен түсіруге болмайды. Мен қолымды…