Біз өмір сүріп жатқан өлке ашық сабағы мұғалімдерге

Маңғыстау облысы, Мұнайлы ауданы «№6 жалпы білім беру орта мектебі» КММ -нің өзін-өзі тану пәні мұғалімі Кабакова Жайнаның наурыз айының 12-і күні 2-інші сынып оқушыларына Сүйіспеншілік құндылығына негізделген «Біз өсіп жатқан өлке »тақырыбында өткізген сабағының рефлексивті есебі

Сабаққа 13 оқушы қатысты.

Сабақта өзін-өзі танудың әдістемелік тәсілдерінің жүзеге асырылуы:

Сабақта өзін-өзі танудың әдістемелік тәсілдері өз орнымен жүргізілді.

Сабақты жағымды көңіл күйге келумен бастадым. Алған әсерімен бөліскісі келген оқушылардың ойларын тыңдадым.

Алдын ала үйде оқып келуге берілген әңгіме бойынша сұрақтар қойдым.

1.Отанды сүю неліктен үй ішінен, отбасынан басталады деген?

Асияның жауабы: Себебі, «Отан», «Отбасы» деген қасиетті ұғым. Отбасы біздің тірегеміз. Отбасымызда тыныштық, береке болса Отанымызда да татулық орнайды. Өйткені Отан шағын отбасылардан тұрады.

2.«Ерлік білекте емес, елін сүйе білген адал жүректе» деген сөзінен нені ұғуға болады?

Нурболаттың жауабы: Ерлік ең алдымен өз Отаныңды сүйе білу. Өйткені өз Отанын қадірлеп, жақсы көрмеген адам өз Отаны үшін ерлікте жасамайды, қадірлеп құрметтемейді.

Дәйексөздің мағынасын «Отан – өткенімізді танып, бағалай білу, ең әуелі, өзімізді қадірлей білу». (А.Байтұрсынов).

Мадина: Әр бір адам өз Отанын мақтан тұтып, тарихын біліп, қадірлеуі керек. Туған жерді сүю, тәуелсіздігімізді бағалай білу, әрқайсымыздың азаматтық борышымыз.

Мерей: Отан әрбір адам үшін біреу ғана. Отанды анамызға теңейміз. Өйткені , Отан бізді анамыздай мәпелеп, қорғайды, көмектеседі, күш береді. Менің Отаным Қазақстан және мен өз Отанымды жақсы көремін.

Асия: Біздің Отанымыз – Қазақстан Республикасы. Біздің ата бабаларымыз елін, жерін жаудан қорғап бізге тәуелсіз Отанды тарту етті. Енді біз өз Отанымызды мақтан тұтып, тарихын біліп, қадірлеуіміз керек.

Шығармашылық жұмыс бойынша: Шығармашылық іс-әрекет, топпен жұмыс жасағанда берілген тапсырманы төрт топта шығармашылық шабытпен орындап, сынып ішінде жариялады. Тапсырманы орындау барысында, бір-бірінің ойларын тыңдап, ауызбіршілікпен қорғап шықты.

Оқушылардың сабақ материалын қалай қабылдағандығы.

Оқушыларға «Мұғалім сыйы» ретінде Сырбай Мәуленовтың «Мен елімді сүйемін» әңгімесін алдым. Анықталатын құндылығым тақырыпқа сәйкес, әңгімеде оның мазмұны бойынша сұрақтармен қоса жалпыадамзаттық құндылықтарды жарыққа шығаруға арналған рухани терең сұрақтарды…