Біз үлгі тұтар көшбасшы ойындар мен сценарийлер

«№45 бейімделген орта мектебі» КММ

Қазақстан Республикасының Тұңғыш Президент

күніне орай ұйымдастырылған «Біз - үлгі тұтар

көшбасшы» атты салтанатты жиынның әзірлемесі

Жауапты: аға тәлімгер Жұмажанова А.Е.

«Жас Ұлан» ұйымы оқушылары

Өскемен қаласы

2017-2018 оқу жылы

Қазақстан Республикасының Тұңғыш Президент күніне

орай ұйымдастырылған «Біз - үлгі тұтар көшбасшы» атты

салтанатты жиынның әзірлемесі

Күні: 27.11.17

Уақыты: 10:15

Орны: Акт зал

Салтанатты кернейдің үні естіледі, оқушылар орындарында тұр,

залда мұғалімдер, оқушылар жиналған.

Мектептің АӘД пәні мұғалімінің бұйрығымен: Сап түзел! Тіктел!

ҚР мемлекеттік Әнұраны орындалсын!

Салтанатты үн естіледі

1-жүргізуші:

Бар әлемге шын танылдық міне, біз,

Елін сүйген Елбасы деп білеміз.

Тең аталып Қазақстан - Нұрсұлтан

Нұрсұлтан мен Қазақстан тұр егіз.

Күнге беттеп бара жатыр көш жүріп,

Елдің даңқы бар жаһанға естіліп.

Елбасыны құрметтейтін ерекше

Армысыздар, ақ пейілді көпшілік!

2-жүргізуші:

Азаттық пен елге қонды тосқан бақ,

Қазақ елін мойындауда дос таңдап.

Елбасының еңбегімен нұрлана

Қазағымның мерейі тұр аспандап.

Елі үшін олжа салып қиырдан,

Ықпаған еш ауыртпалық, қиыннан.

Мерекеңіз құтты болсын көпшілік

Елбасының құрметіне жиылған!

1-жүргізуші:

Ардақты ағайын, 1991 жылы 1 желтоқсанда алғаш рет

Қазақ ССР Президентінің жалпыхалықтық сайлауы өтіп, ол

сайлауда Нұрсұлтан Әбішұлы Назарбаев ел Президенті болып

сайланғаны баршамызға мәлім. Яғни, өз тағдырын өзі

айқындауға алғашқы қадам жасаған Қазақстан үшін 1-

желтоқсан – мемлекеттілік тарихының мерейлі күні саналуға

орны лайықты.

2-жүргізуші:

Жоғары Парламенттің бекітуімен 2012 жылы 1 желтоқсан

Қазақстанда алғаш рет – Тұңғыш Президент күні мемлекеттік

мереке ретінде аталып өтіп, бұл баршамыз үшін қуанышты

оқиға болды. Биыл міне, осы мерекені бесінші жыл тойлағалы

отырмыз.

1-жүргізуші:

Бұл мемлекеттік деңгейде аталып өтілетін мейрамның

маңызы да ерекше. Тарихы да тереңде жатыр. Міне, осынау

тарихи күні қазақтың маңдайына Нұрсұлтандай ұлт перзентін

жазды. Бүкілхалықтық сайлауда дауыс берушілердің 98,7

даусына ие болып, бірауыздан ел Президенті атанды.

Қазақстанның тағдырын өз қолына алған ұлт көшбасшысы дәл

сол жылы 16 желтоқсанда бабаларымыздың арманына айналған

Қазақстан Республикасының тәуелсіздігін бүкіл елге жариялау

бақытына ие болды. Ол елге тәуелсіздік сыйлаған тұлға ретінде

де үлкен құрметке ие.