Бізді қоршаған орта тақырыбына арналған сабақ жоспары

Қаралды: Келісілді: Бекітілді:

әдістемелік кеңесі №1 аудандық әдістемелік Ы.Алтынсарин атындағы

оқу ісінің меңгерушісі кабинетінің меңгерушісі ЖОББМ директоры

Г.Ж.Мухамедрахимова Л.Д.Габбасова Э.М.Дакишева

Тасқала аудандық білім бөлімі

Ыбырай Алтынсарин атындағы ЖОББ мектеп

«Бізді қоршаған орта»

4 «Б» сынып

(үйірме)

Бастауыш сынып мұғалімі

Кондудаева З.Е.

2019-2020 оқу жылы

Түсінік хат

Батыс Қазақстан облыстық білім басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің сараптама кеңесінде қаралып, облыс педагогтарына таратуға ұсынылды.

Ақжайық ауданы Краснояр жалпы орта білім беретін мектебінің бастауыш сынып мұғалімі К.Б.Куспанованың «Бізді қоршаған орта» факультатив курсының бағдарламасы басшылыққа алына отырып құрылды.

Хаттама № 2 06.06.2016 жыл.

«Бізді қоршаған орта» факультатив курсының бағдарламасы жалпы білім беретін мектептердің бастауыш сыныптарына арналып жасалынды. Көмекші құрал ҚР «Білім туралы» Заңының, ҚР «Білім» бағдарламасының, Мемлекеттік жалпыға міндетті білім беру стандартының талаптарын ескере отырып жасалды.

Қазіргі кезде білім беру саласының негізгі мақсаты – тәрбиелі де білімді өз-өзіне сенімді, жаңаша, тәуелсіз ойлай алатын, өзіндік шешім қабылдай алатын, жауапкершілігі мол тұлға қалыптастыру. Осы мақсатты жүзеге асыру –баланың білім игеру кезіндегі өзіндік іс-әрекеттері мен ізденуін белсендіріп, шығармашыл қабілетін дамыту арқылы шешілмек. Шығармашылық шеберлікті бірден, тек сабақ үстінде дамыту мүмкін емес. Сол себепті танымдық тапсырмалар арқылы баланың интеллектуалды және шығармашылық мүмкіндіктерін қалыптастырып бір жүйеге келтіру керек.

Бастауыш сынып - баланың дүниетанымын, логикалық ойлауын дамытудың негізгі кезеңі. Бала ақыл-ойының дамуы үшін есте сақтау мен ойлау қабілетінің мәні өте зор. Бұлардың бәрі қоршаған орта және өзі туралы білімді меңгеруі, мінез-құлық нормаларын игеруі, есте сақтау және ойлау қабілеттерімен тығыз байланысты. Оқушылардың ұлттық дүниетанымын қалыптастыруда қазақ халқының дәстүрлі мәдениетінің алатын орнын ерекше. Өйткені, дәстүрлі мәдениетте халықтың ғасырлар бойы жинақталған бай тәжірибесі сақталған, ұлттық рухани байлықтың қайнар көзі мен мүмкіндігі көрініс тапқан. Сондықтан бастауыш сынып оқушыларын ата-баба ізімен шебер сөйлеуге, тілдерін дамыта түсу, олардың үлгі өнегесін бойларына дарыту басты мақсат. «Ел боламын десең, бесігіңді түзе» дейді ұлы жазушы М.Әуезов. Балаларды мектеп табалдырығын аттағаннан бастап дұрыс сөйлеуге, дұрыс ойлауға, қоршаған ортаның құдіретін түсініп, табиғат пен адам арасындағы байланысты ұғындырып, табиғат және оның байлығын қорғауға тәрбиелеу.

«Бізді қоршаған орта» сабағының мақсаты:

1.Оқушыларға айнала қоршаған ортаны адам өмірімен байланыстыра отырып білім беру.

2.Оқушыларға қоршаған ортаның бір–бірімен үнемі байланыста болатынын ұғындыру.

3.Оқушыларда алғашқы экологиялық ұғымдарды қалыптастыру және табиғатқа деген жауапкершілік сезімдерін дамыту.

4.Оқушыларды өз бетінше жұмыс істеуге үйрету, өздігінен зерттеу жұмыстарын жүргізуге баулу, қосымша пәндерді оқып-үйренуге негізгі біліктіліктермен қаруландыру.

5.Оқушыны өз пікірі бар, құзыретті тұлға ретінде бағыттап тәрбиелеу.

6.Оқушыға сенімділік білдіру, пәнге деген қызығуларын арттыру, жеке шығармашылық деңгейін көтеру.

Міндеттері:

Оқушылардың ойлау мен танымдық қызметі, түсініктерін, шығармашылық қабілеттерін дамыту.

Ауызша, жазбаша әңгімелеу дағдыларын қалыптастыру. Оқулық арқылы тіл мәдениетін, сөздік қорын, дүниетанымын молайту. Адамның табиғаттағы орнын ажырата білулері тиіс.

Күтілетін нәтиже: