Біздің болашағымыз туралы ойтолғау мақаласы

Біздің болашағымыз...

Көп құмарттым өмірге, көп көрмедім,

Үміт еттім, ұмтылдым, көп терледім.

Ашкөзденіп қайтейін, ей, Болашақ,

Көрмеген күндерімді өткер менің!

(Мұқағали Мақатаев)

Болашақ ғаламат, келешек ғажайып... Естіген құлақтың өзіне ерекше жағымды әсер сыйлайтын сөздер. «Болашақ» деген сөзді тамсанбай, жай айту мүмкін емес. Бәлкім, қанымызда бар қасиет шығар. Бірден көз алдымызға сағымдай бұлдыратып, әр нәрсені елестете бастаймыз. Әркім – өз өмірінің суретшісі. Сондықтан да әр тұлға өз болашағын өзінше керемет қып суреттейді. Таңның атысы, күннің батысы төрт түліктің соңында жүрген ескі қазақ «өз қолы өзіне жеткен өмірді» аңсаған болар. Табаны тоз-тоз боп, «Елім-айлап» босып жүрген қазақ жауды жайпап, «қой үстіне бозторғай жұмыртқалайтын» заманды тәтті қиялымен елестеткен болар. Көзі ашылып, көкірегі ояна бастаған зиялы қазақ азаттық, теңдік алар күнге үмітпен қараған болар... Біздің бабаларымыз не қиындық көрсе де, болашақ ұрпағы үшін шыдап, кейінгі буын інілер келіп, жаңа толқын келіп, заманды түзер деп тілек етті емес пе? Ендеше, сол күн туды. Азаттықтың ақ таңы атты! Күні ертең тарихтың бетіне жазылар өтпелі бүгіннің көшіне, үміт еткен жастар көтерілді. Бүгінгі біздің ісіміз болашақтың бастауына айналмақ. Елбасымыз Нұрсұлтан Әбішұлы: «Жарқын болашақ жастардың қолында»,- дейді. Бұл – біздің мойнымызға артылған үлкен жүк. Оны түсіну бар да, түйсіну б

Қазір адам сөзбен емес, іспен өлшенеді. Бүгінде жастар сауатты, көзі ашық, жаһанның соңғы жаңалықтарын жатқа соғып, әлем көшбасшыларымен терезі тең түсе алатындай озық ойлы, ізденімпаз, парасатты. Өйткені ұлттық рухани құндылықтарға сусындап өскен адам ғана осындай озық ойларға бара алады. Осы тұрғыдан алып қарасақ та, еліміздің келешегіне үмітпен қарап қана қоймай, ол үшін оқып, еңбектеніп соған үлес қоса білгеніміз жөн. Еліміздің миллиондаған жастары осы көзқарасты берік ұстанатын болса, әрбірі өз қара басының қамын емес, ел игілігін ойлап қызмет етсе, бізді дау да, жау да ала алмайды. Елім үшін мен бүгінгі күннен бастап ақтық демім қалғанша тік тұрып қызмет етуге бармын. Алдымен Алланың , кейін Отанымның алдында жас буын болып, кемел…