Бізге қуыршақтар келді тақырыбындағы сабақ жоспары

Ұйымдастырылған оқу іс-әрекетінің технологиялық картасы

Тәрбиеші:Кужасова А.Е.

Білім беру саласы: Қатынас

Бөлімі: Тіл дамыту

Тақырыбы: Бізге қуыршақтар келді.

Мақсаты: Түрлі қуыршақтар туралы қысқа сипаттау мәтінін (әңгімесін) құрастыруға үйретуді жалғастыру. Заттардың белгілерін атауға үйрету (үлкен,кішкентай қуыршақ, әдемі,сәнді көйлек, жағасы ақ).Артикуляциялық арқылы дыбыстарды дұрыс айтуға жаттықтыру.Бір-біріне қамқор болуға,ұйымшылдықпен ойнауға тәрбеилеу.

Алдын-ала жүргізілетін жұмыстар: әңгімелесу,балаларды ойын бұрышында ойнату.

Әдіс-тәсілдер Түсіндіру, сұрақ- жауап.

Қажетті көрнекі құралдар: үлестірмелі материал (қолында ойыншықтары бар балалардың суреті)

Қостілділік компонент: әдемі-красивый, көйлек-платье.

Іс-әрекет

кезеңдері

Тәрбиешінің іс-әрекеті

Балалардың іс-әрекеті

Себепті қызығу-

шылығын

ояту

кезеңі

Шаттық шеңбері.

Біз қандаймыз,қандаймыз?

Шұғылала таңдаймыз,

Күлімдеген күндейміз,

Еш уайымды білмейміз.

(М.Жаманбалинов)

Шаттық шеңберге тұрады.

Өлеңді бірге қайталап, қимыл-қозғалыс жасайды.

Ұйымдас-

тырушы-

лық

ізденіс

кезеңі

Ғажайып сәт:

Балаларға қонаққа қуыршақ Шолпан және оның інісі Қанат келеді. Үлестірмелі материалдағы қолында қонжығы бар Шолпан мен машина сүйреткен Қанат бейнеленген сурет бойынша жұмыс жүргізіледі.

-Қараңдаршы, қандай әдемі, беті-қолы тап-таза.

Шолпан қандай көйлек киіп алыпты?

Шолпанның көйлегі қандай?

-Қанат үстіне қандай жейде киіп алыпты?

Билингвалды компонент: әдемі-красивый, көйлек-платье.

-Балалар, Қанат пен Шолпан сендермен «Мынау не?» ойынын ойнағысы келеді.

Топтағы ойыншықтарды, оның ішінде аюды көрсетіп:

-Мынау не?

-Бұл-аю. Бұл жұсмақ пүліштен жасалған үлкен аю. Пүліш-жұмсақ мата.Өзі тап- таза, мойнында қызыл таспасы бар. Ал мынау-кішкентай аюдың баласы қонжық.

Қоңыр түсті. Бірнеше баланы шақырып, аюды қолдарына беріп ұстайды.Тәрбиеші қолындағы қуыршақ ұл баланы көрсетіп:

-Бұл баланың аты- Қанат. Кішкентай Қанаттың да сендермен ойнағысы келеді. Ол машинамен ойнағанды жақсы көреді,-дейді.

- Балалар, бұл не?

- Қандай машина?

- Түсі қандай?

- Мынау не?

- Ал мынау ше? (Дөңгелегін көрсетеді).

- Машинаға кімді отырғызайық?

- Кім жүргізуші болады?

- Дұрыс. Қанат болсын.

- Бәрін отырғыздыңдар ма? Онда жүрейік, -деп тәрбиеші өзі машина сияқты «дөөөт-дөөт» деп уілдейді, балалар да қосылып, «дөөөт-дөөт» дейді.

Соңынан машинаны үстелдің үстінен алады да: «алысқа кеттік»,- деп, ойын аяқтайды.

Сергіту сәті.

Ұзын құлақ, сұр қоян

Естіп қалып сыбдырды,

Ойлы-қырлы жерлермен

Ытқып-ытқып жүгірді. (Т.Бердияров)