Блум таксономиясы арқылы сыни ойлауды дамыту коучингі

Тақырыбы: Сыни тұрғысынан ойлауды дамытуда Блум таксономиясын қолдану

Мақсаты:

Блум таксономиясының алты қадамын сыни тұрғыда ойлаудың критерийлерімен ықпалдастыра қолдану тәжірибесімен бөлісу. Әріптестерімізді Блум таксономиясының танымдық деңгейлеріне байланысты сұрақтар мен тапсырмалар дайындай алуға бағыттау . Блум таксономиясы бойынша танымдық салада оқу мақсаттарын зерделеу және сабақты жоспарлауға қолдануды негіздеу.

Блум таксономиясының білім берудегі тиімді педагогикалық әдіс екенін түсінуге , оқыту әдістемесінің құндылығын анықтауға бағыттау.

Оқыту нәтижелері: Мұғалімдер Блум таксономиясының критерийлерін сабақта сыни ойлау мақсаттарының критериилерімен ықпалдастырып, қолдана білуді үйренеді. Блумның толық меңгеру теориясы бойынша оқушылардың білім деңгейін қалай қадағалап, жоғарылатып отыру керектігін түсінеді. Оқу мақсаттарын зерделеп және сабақты жоспарлауда қолдануды үйренеді..

Түйінді идеялар: Блум таксономиясын тәжірибеде игеру оқыту әдістемесінің негізі құндылығы екенін түсінеді.Оқу мақсаттарының негізгі категориялары оқушылардың білімін шығармашылық деңгейге жетелеумен ерекшеленетін тиімді тәсіл.Блум таксономиясының критерийлері – оқушылардың өз білім деңгейін қадағалап, өздерін өздері биік сатыларға шығару үшін ынталандырып отырады. Мұғалімдер тәжірибеге таксономияның критерийлерін енгізу арқылы білім сапасының жоғарылауына ықпал ете алады.

Табыс критерийлері;

Блум таксономиясы оқу мақсаттарының тармақтарын ажырата білу.

Блум таксономиясы сұрақтарын қоя білу.

Блум таксономиясын пайдалану үшін толық біліктілікті қалыптастыру.

Фактілер мен анықтамаларды сипаттай алу. Ақпарат көздерін көрсете білу.

Ескіше сабақ үлгісімен жаңаша сабақ үлгісін салыстырып,ұқсастығы мен айырмашылығын табады.Жаңа үлгідегі сабақтардың өміршеңдігінің маңызын түсіндіре алу.

Төменгі,орта,жоғарғы ойлау дағдыларының деңгейлік тапсырмаларын талдай алу.

Сыни тұрғыдан ойлауды қарастыратын Блум таксономиясының оқу мақсаттарының қызметіне баға беру.

Сабақта қоданылатын материалдар: Флипчарттар, маркерлер, стикерлер(түрлі түсті), тапсырма орындайтын қағаздар, экран.

Негізгі бөлім:

«Білу, түсіну, қолдану, талдау, жинақтау, бағалау» деген оқушының білім алудағы әрекетіне қойылатын критерийлердің әрқайсысына тоқталып, осындай алты нәтижеге төменнен бастап кезек-кезек жеткен оқушы ғана тақырыпты толық түсініп, алған білімін тәжірибеде қолдана алатындығын түсіндіру.

Осы қадамдардың әрқайсысында оқушы қандай әрекет жасауы керек? (слайдтағы таблица бойынша түсіндіру)

Блум таксономиясы тақырыбына әріптестерге арнап құрастырылған тапсырмалар үлгісін ұсыну:

Семинар барысы:

Сәлем достым! \ қол алысады\

Сен қалайсың? \арқа қағады\

Қайда болдың? \алақан жаяды\

Мен сені сағындым!\жүрегін ұстайды\

Сен келдің. \құшағын жаяды\

Жақсы болды! \құшақтасады\

Танысу сәті

Мен гүлдей жайқалған Гулжанмын...

Топтарға бөлу:

«А»тобы; \Білу, түсіну\

«В»тобы; \Қолдану, талдау\

«С»тобы; \Жинақтау\

«Д»тобы \Бағала\

Топ ережесін құру.

Әріптестер міндеттерді бөліседі.

Психологиялық ахуал:

«БББ»кестесі бойынша жұмыс.Блум таксономиясы туралы бұрыннан не білетіндерін плакатта берілген кестенің бірінші бөлігіне,не білгісі келетіндерін екінші бөлігіне әр топ жазады.Ортақ ойларын оқып,айтады.

Семинар тақырыбы:Сыни тұрғысынан ойлауды дамытуда Блум таксономиясын қолдану

Жоспар:

Кіріспе сөз.

Бенджамин Блум туралы өмірдерек.

Б.Блум таксономиясы бойынша танымдық салада оқу мақсаттарының категориялары.

Б.Блум таксономиясы бойынша сұрақтар мен тапсырмалар үлгісі.

Блум таксономиясы бойынша тапсырмалар орындау.

Теория бөлімі;

Бенджамин Блум туралы өмірдерек.

-«Блум таксономиясы» деген теорияны құрушы автордың (америкалық психолог Бенджамин Блум, 1913 – 1999 жылдар) өмірбаянынан қысқаша мәлімет беру.

-Блум таксономиясының білімді игеруге арналған алты қадамы туралы түсінік беру (суретін көрсету арқылы).

Бенджамин Блум – америкалық оқыту әдістемесінің психологі, Блум таксономиясының авторы. Пенсильванияда Ленсфорд қаласында туылған, 1935 жылы Пенсильван университетін бакалавр және магистр деңгейлерімен бітірген, 1942 жылы Чикаго университетінде докторлық деңгейін қорғады. Блум таксономиясы 1956 жылы Бенджамин Блум тарапынан жасалған. «Блум таксономиясы» атты кітабында өз теориясын дамытқан: адами мінездеменің өзгеруі мен бірқалыптылығы және білім беру мақсаттарын жүйелеу.

Блум таксономиясы

1948: Бенджамин Блум және бірнеше сарапшылар сыныптағы іс әрекеттерді және осы іс әрекеттерді жоспарлаудағы мұғалімнің мақсаттарын зерттеді.

Осы зерттеудің нәтижесінде үш басымдық анықталды:

Когнитивті (танымдық)

Аффективті (эмоционалдық)

Психомоторлы

Танымдық-жақсы игеру үшін оқушы не істеу керектігін анық түсіндіру деген сөз

Когнитивті басымдық ойлау дағдыларының иерархиясына кіреді: білім, түсіну, қолдану, анализ, синтез, бағалау.

Таратпа материал үлестіру.

Блум таксономиясының теориясы.Блум таксономиясы бойынша категориялар мазмұны, сұрақтар мен тапсырмалар үлгісін басшылыққа алу.

Сыни тұрғыдан ойлау ойлау үдерісінің анағұрлым жоғары деңгейімен байланыс - тырылатынына қарамастан, Блум таксономиясына сәйкес, аталған барлық деңгейлер сыни тұрғыдан ойлау үшін қажет деп қаралады.

Оқушылардың сыни тұрғыдан ойлау қабілеттері дамыған сайын,оларға төрт параметрдің көрсеткіші өседі:жекеден-жалпыға,дифференциалдыдан-сенімділікке,интуициядан-логикаға,бір перспективадан-көптеген перспективаға. Сондықтан ойлау деңгейлерін СТО технологиясының элементтерін кіріктіре отырып,тақырып мазмұнын ашамыз.Сыни тұрғыдан…