Болашағынан үміт күттіретін жас дарындар мақаласы

Болашағынан үміт күттіретін жас дарындар

Білім- барлық уақытта жоғары құндылықтардың бірі болған. Тек білімді, сауатты адам ғана келешек тізгінін қолына ала алады. Елбасымыз Нұрсұлтан Назарбаев «Болашақ -білімді жастардың қолында» деп айтуы бекер емес. Яғни, білімге қол созғандардың қашан да бүгіні жарық, ертеңі жарқын болары хақ. Болашаққа көз тігіп, тәуелсіз елімізді «Мәңгілік Ел» етуді мұрат қылған ел Президентінің арманының орындалуын көзбен көретін болашақ иесі - балаларымызды заманына қарай икемдеп,өз заманының озық өнегесін санасына сіңіре білу, шығармашылық бағытта жан-жақты дамыту- бүгінгі күннің басты талабы. Сол мақсатта оқушыларды лицей қабырғасында ұстаздары бәсекеге қабілетті, рухы биік етіп тәрбиелеп, білім нәрімен сусындырады. Ал лицейден тыс әртүрлі үйірмелер мен қосымша орталықтарға барып, білімдерін жетілдіреді. Сондай курстардың бірі- менталды арифметика. Ол жерде бала ойша есептеуді үйренеді. Барынша тез әрі сауатты есептеуге дағдыланады. Менталды арифметика курсына қатысып жүрген біздің лицейдің оқушыларының жетістіктері де ауыз толтырып айтарлықтай. Сондай мақтан тұтатын оқушыларымыз жайлы айтып өтсек. 3 –«Б» сынып оқушысы Макажанов Асанали, 2 «Б» сынып оқушысы Нұрсабитова Рамина және 2 –«В» сынып о

Асанали: Тайланд мемлекетінің астанасы Бангкок қаласында өткен Халықаралық менталды арифметика олимпиадасынан мен 1- орын алдым. 2504 қатысушының тек 232-сі ғана жүлдегер атанды. Менталды арифметиканың маған математика, логика пәндерінен көп көмегі тиеді. Маған сенген ұстаздарым Мөлдір Қадырқызы мен Данара Мусратовнаға айтар алғысым шексіз.

Айым: 10-11 желтоқсан аралығында Малайзияның Гентинг қаласында өткен менталды арифметикадан ХХІІ Халықаралық олимпиадасына қатысып, 3-орынды иелендім. Олимпиадаға барлығы 3500 оқушы қатысты. Мен 4-деңгейдегі есептерді шығардым. 8 минутта 125 есеп шығарып үлгердім. Өз деңгейімдегі қарсыластардың арасынан ең кішкентайы мен болдым. Мен үшін бұл жарыс өте қызық әрі маңызды болды. Жаңа достар таптым, басқа мемлекеттен келген балалармен таныстым, Малайзия астанасы Куала-Лумпур қаласын тамашалап, Ланкави аралында дем алдым. Биылғы олимпиада Иран мемлекетінде өткізілмек. Соған да қатысып, жүлделі орын алу менің арманым!