Болашақ бүгіннен басталады құқық негіздері мақаласы

Болашақ бүгінен басталады

ЖШС «Каспий өңірі «Болашақ» колледжінің «Құқықтану» мамандығының дуалды оқыту жүйесі бойынша білім алатын 3 курс П-17-1 тобының бітіруші түлектері өздерін болашақ заңгер ретінде оқу тәжірибе барысында бір шыңдады. Өздерінің колледж қабырғасында алған білімдерін теория мен практикамен ұштастыра отырып, азаматтық іс жүргізу бойынша сот отырысын тәжірибелік тұрғыда колледждің «Құқықтану» мамандығында білім алатын студенттері мен мұғалімдеріне көрсетті. Сот отырысы барысында азаматтық процесстің - бұл сот пен процеске қатысушылар арасындағы құқықтық қатынастардың күрделі жүйесі, әрқайсысы азаматтық іс жүргізу құқығының белгілі бір нормаларының негізінде пайда болатынғын атап өтті. Азаматтық іс жүргізу құқықтық қатынастарының міндетті субъектілері: бір тараптан - сот, екінші тараптан процеске қатысушылар болып есептелетіндігін көрсетті. Сонымен қатар, азаматтық сот ісін жүргізудің міндеттері мен қағидаларын, соттың құрамын және іске қатысушы өзге де тұлғалардың құқықтары мен міндеттерін сот отырысы барысында айтып өтті.

Азаматтық іс жүргізу 183-бабына сәйкес сот отырысы жүргізілді. Берілген талап арызды қозғау, оны басты сот талқылауына дайындау және сот отырысында қалай қарау керек екендігін үйреніп, арнайы сот актілерін жазды. Аталған сатылар бойынша студенттер соттың ұйғарымының түрлерін өздерінің сот отырысындағы талап арызын басшылыққа ала отырып жазды. Сонымен қатар сот отырысын жүргізе отырып, студенттер сот отырысының хаттамасының жазылу үлгісімен танысты. Және заманауи технологияларда назардан тыс қалмай сот отырысында арнайы аудио және видео жазбалар жүргізілді. Сот отырысы талапкер мен жауапкер бітімгершілікке келіп, азаматтық іс жүргізу кодексінің 177-бабының 3-тармағына сай істі тоқтату туралы ұйғарым шығарды. П-17-1 тобының студенті Жантұрған Диас өзін болашақ судья ретінде көрсетсе, Байбосынов Жарас, Жақып Несібелі, Уразбай Ақмаржан сот отырысына қалай қатысу керек екендігін студенттерге үлгі етті. Ал, Көшкінбай Назерке сот отырысының хатшысы ретінде, Бекниязов Сұлтанәлі сот приставы ретінде жақсы танылды.

«Құқықтану» мамандығында оқитын барлық студенттер оқу тәжірибесі барысында барлық құқық қорғау органдарының оның ішінде Соттың, Прокурордың және өзге де органдардың шығаратын нормативтік актілерімен таныстырылып отырылады.

ЖШС « Каспий өңірі «Болашақ» колледжінің құқықтану пәнінің оқытушысы: Узакбаева Дина Тулепбергеновна