Болашақтың іргесін бірге қалаймыз тәрбие сағаты

Тақырыбы: «Болашақтың іргесін бірге қалаймыз»

Мақсаты :

Оқушылардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру. Ұлттық сана сезімін, саяси сауаттылығын ояту.

Қазақстанның болашақ дамуына өзіндік үлес қосатын жеке тұлға екендерін ұғындыру. Оқушы бойында саналы тәртіп,сапалы білім алуға дұрыс көзқарас қалыптастыру. Қоғамның бір мүшесі ретінде адам өмірі мен жақсы тұрмыстық құндылықтарын ұғындыру, жауапкершілік сезімдерін ояту.

Оқушылардың ізденімпаздық қасиеттерін қалыптастыру, өткен тарихқа деген қызығушылығын ояту.

Көрнекіліктер: газет-журналдар, т.б.

Мазмұны мен өту барысы:

І. Ұйымдастыру кезеңі

Оқушылармен сәлемдесу.

Оқушыларды түгендеу.

Жоспар:

І. Ұйымдастыру. Кіріспе сөз.

ІІ. Негізгі бөлім

ІІІ. Қазақстан қандай мемлекет? (топтастыру)

ІV. Қорытынды

І.Кіріспе сөз

Мұғалім сөзі: Біз бәріміз бір атаның – қазақ халқының ұлымыз. Бәріміздің де туған жеріміз біреу – ол қасиетті қазақ даласы. Бұл дүниеде біздің бір ғана Отанымыз бар, ол – тәуелсіз Қазақстан. Біз болашаққа көз тігіп, тәуелсіз елімізді «Мәңгілік Ел» етуді мұрат қылдық. А) Сөзжұмбақ «Жолдау» сөзі шығу керек. 1. Әлемдік сөзінің синонимі (жаһандық) 2. Отағасының антонимі (отанасы) 3. Ата-ана тәрбиелейді? (бала) 4. «…-біздің табысты болашағымыздың негізі» (Ұлт денсаулығы) 5. Тіл дамуы, сақталуы үшін қандай қаріпке көшпекпіз? (латын) 6. Ел ертеңі жарқын болу үшін не істеу керек? (Білім алу)

Ә)Қызығушылығын ояту

«Сен білесің бе…?»

1.Н.Назарбаев өз халқына ең алғаш жолдауды қай жылы жолдады?(1997 жылы)

2.Саммит қай жылы өтті және оған неше елдің басшылары қатысты?(2011 ж.56 елдің)

3.Тәуелсіздікке неше жыл толып отыр?(20 жыл толды)

4.Ұлттық әл-ауқат деңгейі жөнінен әлем мемлекеттерінің рейтингінде Қазақстан нешінші орында?(50-ші орында)

6.Н.Назарбаев қай жылғы жолдауында «Индустриялық-инновациялық даму бағдарламасын» жасады?(2010 ж.қаңтарында)

7.Қазақстан алғаш рет қандай заң қабылдады?( «Мемлекеттік бақылау мен қадағалау туралы»заң)

8.Осы заңның аясында үкімет немен күрес жүргізіп жатыр?(Сыбайлас жемқорлықпен)

«Қазақстан бизнес мүддесі үшін реформа жүргізуде көшбасшы»- деп қай жылы айтылды?(2010 ж)

10.Елбасымыздың жолдауының басты мақсаты не?(халықтың әл-ауқатын нығайту)

ІІ. Негізгі бөлім

Ендеше, балалар, бүгін Жолдау туралы әңгімелесеміз. 2018 жылдың 5 қазандағы Елбасының Жолдауының негізгі ерекшелігі қазақстандықтардың әл-ауқатының өсуі басты басымдыққа айналуы және оны іске асыру үшін бюджеттен нақты қаражат қарастырылғаны.

Атап айтқанда:

— 2019 жылдың 1 қаңтарынан бастап ең төменгі жалақыны 28 мыңнан 42 мың теңгеге дейін және бюджеттік мекемелерде жұмыс істейтін қызметкердің еңбекақысы орта есеппен 35 пайызға өседі. Осы мақсаттарға республикалық бюджеттен жыл сайын 96 миллиард теңге бөлінеді;

— «Бизнестің жол картасы – 2020» бағдарламасының мерзімін 2025 жылға дейін ұзартылады және осы бағдарламаны жүзеге асыру үшін жыл сайын қосымша кемінде 30 миллиард теңге қарастырылады;

— Өңдеу өнеркәсібі мен шикізаттық емес экспортты қолдау мақсатымен алдағы 3 жылда қосымша 500 миллиард теңге бөлінеді;

— Басымдығы бар жобаларға қолжетімді несие беру міндетін шешу үшін Ұлттық банкі кемінде 600 миллиард теңге көлемінде ұзақ мерзімге қаржы бөледі;

— Агроөнеркәсіп кешенінде еңбек өнімділігін және қайта өңделген ауыл шаруашылығы өнімінің экспортын 2022 жылға қарай 2,5 есе көбейту, заманауи агротехнологияларды ауқымды түрде тарту және ауыл кәсіпкерлеріне шаруашылық жүргізудің жаңа дағдыларын үйрету үшін Үкімет алдағы 3 жыл ішінде осы мақсаттарға жыл сайын қосымша кемінде 100 миллиард…