Болашақтың кепілі жалынды жастар туралы мақала

ОҚМПУ-нің “Психология” кафедрасының магистр- оқытушысы: Жарылқасын Әдемі Ғалымжанқызы

Болашақтың кепілі – жалынды жастар

Келешегіміздің келбетті, болашағымыздың баянды болуы бүгінгі жастарымызға тікелей байланысты – деп елбасымыз Н.Ә.Назарбаев айтып өткендей еліміздің болашағы – жастар. Жастарымыз таусылмас күш пен сарқылмас қайраттың нышаны. Қоғамымыздағы жастардың тәрбие мәселесі қоғам үшін әрқашан өзекті мәселелердің бірі.

Жастарымызды тәрбиелеу міндетін мемлекеттің ұлттық қауіпсіздігін қамтамасыз етудегі маңызды істердің бірі ретінде ұғынуымыз қажет. Студент жастарды тәрбиелеуде рухани, патриоттық сезімдерін, шығармашылық пен еңбекке деген қабілеттілігін, жан –жақтылығын, көшбасшылық қасиеттерін , әрбірінің бойындағы асыл қасиеттерін, құндылықтарын ашуға көмек қолын созу. Қазіргі студент жастарымыз еліміздің ертеңі екендіктерін , болашақтың ірге тасын қалаушылардың бірі екендіктерін сезінулері қажет. Осы мәселеге орай біздің еліміздің әрбір Жоғарғы Оқу Орындары болашағы зор, патриот,алдарына үлкен мақсат қоя білетін жастарымызды тәрбиелеп және білікті мамандар даярлап шығаруда. Еліміздің әрбір Жоғарғы Оқу Орындарында оқитын студент жастарымыз “Ел ертеңі жастар” яғни мына біздер екендігімізді ұғынулары қажет. Бұл үшін ең алдымен тәрбиелеуге көп көңіл бөлуіміз қажет.

Ұлы бабамыз Әбу Насыр Әл – Фараби “ Тәрбиесіз берілген білім – адамзаттың қас жауы”деп сонау ерте заманда айтып көрсеткендей , осы бір ұлы сөздің мәні өте тереңде жатыр. Бұл дегеніміз жастарымыздың бойына білім нәрін сіңірмей тұрып, тәрбиесіне үлкен мән беруіміз қажет. Қазіргі таңда әр адамның жеке ойы болғандықтан бұл ұғымды әр қилы ұғынады. Тәрбие – жеке адамның тұлғалық қасиеттерін қалыптастыру үшін, мақсатты түрде жүргізілетін қоғамдық өмірдегі ең басты әрекеті болып саналады. Қазіргі таңда сонымен қатар ұлттық тәрбиеге көп көңіл бөлінуде. Тәуелсіздік алған 22 жылда, бәсекеге қабілетті, өркениетті ел болып қанатымызды кеңге жайғанда адамгершілігі мол, патриот, ұлтжанды, сауатты да салауатты ұрпақ тәрбиелеуде халықтық тәрбиенің алатын орны ерекше. Қазіргі Жоғарға Оқу Орындарында ұлттық тәрбие жалпы тәрбие мәселесіне айрықша мән берілуде. Болашақтың кепілі – жалынды жастар дейтін болсақ жастарымызды отан сүйгіш патриот, адамгершілігі жоғары,өмірді сүйетін, рухы биік, білімді,парасатты жастарымызды тәрбиелеу үшін ұлттық тәрбиемізді баса назарға алып , ұлттық тәрбиенің керек екендігін ұғындыруымыз қажет.

Ұлттық тәрбиеміздің негізі: ертегіде, ауыз әдебиеттерде, шешендік өнерде, мақал – мәтелдерімізде, ұлыларымыздың ұлағатты сөздерінде және әдеби шығармаларында жатқанын көруімізге болады. Ұлттық тәрбиеміз ол – ұлттық сана сезімімі жоғары, тәрбиелі болашақ жастарды тәрбиелеудегі басты құрал және тәрбиенің негізі.

Ұлттық тәрбие - біздің асыл мұрамыз. Қай заманда болмасын тәрбиелі өскелен ұрпақты тәрбиелейім деген елдің тілі, тарихы, діні, мәдениеті мен салт – дәстүрі мықты болуы керек. Ұлттық тәрбиеміздің ұлағатты жастарды биікке шығаратын, жаңа биіктерге жетелейтін, болашаққа сеніммен қарайтын жастар тәрбиелеп шығарары анық.

Жастардың бойына тәрбиені дарытуда, тәрбиелі ұрпақ тәбиелеуде отбасының немесе Жоғарғы Оқу Орнын болмасын негізгі мақсаттары, жастардың бойына ізгілікті, инабаттылық – ибалылық, адамгершілік сияқты қасиеттерді қалыптастыру. Әрине, қоғам болғандықтан барлық жастарымызды тәрбиелі деп айта алмаймыз.…