Жастар жарқын болашақтың кепілі 11 сынып

Жастар – жарқын болашақ кепілі

Ахметова Айша Жарқынқызы

Қай кезеңде болмасын, жастар – қоғамның ең белсенді, қуатты әрі жаңашыл бөлігі. Бүгінгі Қазақстанның келешегі де білімді, жігерлі, отансүйгіш жастардың қолында. Сол себепті де «Болашақ – жастардың қолында» деген тұжырым – заман талабы мен шынайы ақиқаттың көрінісі.

Бүгінгі жас буын – саналы таңдау жасай алатын, заманауи технологияны еркін меңгерген,жаңа бастамалардың иесі. Олар – ғылымда, өндірісте, кәсіпкерлікте, мәдениет пен спортта жетістікке жетіп, еліміздің абыройын асқақтатып жүрген азаматтар. Әсіресе, жастардың мемлекеттік бағдарламаларға белсенді қатысуы, волонтерлік, экологиялық, әлеуметтік жобаларға араласуы олардың азаматтық жауапкершілігін айқындайды.М.Жұмабаевтың жастарға үндеуінде

Арыстандай айбатты,

Жолбарыстай қайратты

Қырандай күшті қанатты.

Мен жастарға сенемін !

деген өлең шумақтары көпті жеткізеді.М.Жұмабаев сеніп кеткен жастарымыздың бойында бүгінгі таңда қандай қасиеттер бар?

Бүгінгінің жастары - үміт пен жарқын болашақтың символы мен ошағы болып табылады.

Жастарға сенім артқан ел – болашағына сенген ел. Жастардың жалындаған рухы мен биік арманын қолдап, бағыт-бағдар беру – әрбір қоғам мүшесінің борышы. Ұлттық дәстүрді,әдет-ғұрыпты бүлдіршін

кезімізден ақ,тәрбиемен біріктіре отырып бойымызға сіңіру үлкен міндет.Себеі жастар шынайы қолдау мен сенімді қажет етеді. Тәрбиелі, білімді, мәдениетті әрі белсенді жастарды қалыптастыру – ұлттың стратегиялық мақсаты.

Елдің өркендеуі мен тұрақтылығы жастардың көзқарасы мен әрекетіне байланысты. Осы ретте мемлекет тарапынан жастарға жағдай жасау, сапалы біліммен қамту, жұмыспен қамту, шығармашылыққа ынталандыру сынды қадамдар жүйелі түрде жүзеге асырылуы басты міндет.

Жалынды жастар – ел болашағының шамшырағы. Олардың бойындағы жігер мен намыс, білім мен мәдениет – мемлекетіміздің алға басуының негізі. Олай болса, жастарды қолдау – жарқын болашақты қолдаумен тең. Әрбір жастың арманы мен мақсаты жүзеге асқан күні – елдің де арманы орындалады деп білемін.

Иә менің арманым журналист болу және менің бойымнан дәл осы қасиеттерді көре аласыздар: білімділік пен сауаттылық,зейінділік пен жауапкершілік.Өзімнің еліме,жеріме деген адал қызмет ететін тұлға болып,өз отанымның өркендеуіне үлесімді қосатын азаматшалардың қатарынан табылу.Осы орайда менің басты мақсатым халқыма адал қызмет ету.

С.Сейфуллин кенті

Жарық тірек мектебі”(РО)КММ