Бөлме тазалығы туралы балаларға арналған тәрбие материалы

«Жеке бас гигиенасы».

Мақсаты: «Тазалық – саулық негізі» мақалының мәнін түсіндіре отырып әр баланың ұқыпты болуына, жеке бас тазалығын, орта тазалығын сақтауына, салауатты өмір салтын ұстануына тәрбиелеу. Балалардың күн тәртібін дұрыс, тиімді пайдалануын қамтамасыз ету.

Көрнекілігі: интерактивті тақта

Өту барысы:

а) Ұйымдастыру

б) Шаш және тырнақ күтімі

в) Денсаулықтың достары мен қастары

г) Киім және аяқ-киім күтімі

д) Ауыз қуысы гигиенасы

е) Қорытындылау

Құрметті балалар бүгінгі бөлме сағатымыздың тақырыбы «Жеке бас гигиенасы» деп аталады. Мен Сара Назарбаеваның мынандай сөзімен бастағым келіп тұр: «Дені сау бала әр отбасының қуанышы, бақыты. Ал денсаулығы мықты бала халықтың болашағы. Отанының сенімді тірегі». Сондықтан да барлығымыздың деніміз сау болсын.

І. Жеке бас гигиенасы дегенді қалай түсінесіңдер?

Дұрыс тамақтану.

Темекі,арақ, нашақорлықтан аулақ болу.

Спортпен айналысу.

Жеке бас тазалығын сақтау

Күн тәртібін дұрыс сақтау.

Табиғи шынығу.

Жұқпалы аурудан сақтана білу .

Қайрымды болу.

Ал, күн тәртібі дегеніміз не?

Күн тәртібі – бұл жұмыс пен тынығу уақытының ауысымын дұрыс бөлуге көмектесетін кесте. Күн тәртібі – бұл уақыт бойынша әрекеттерді тиімді және дәйекті түрде бөлу: тәулік бойы жұмыс пен демалысты кезектестіру.

ІІ. Жағдаяттарды талдау

Айнұр мен Айгүл кеше сабақтан кейін «Денсаулық» жайлы ой бөлісті. Айнұр анасынан естіген әңгімесі бойынша денсаулықты сатып алуға болады деді. Ал Айгүл бұл ойға келіспеді.

Сендер қалай ойлайсыңдар?

Сандуғаш енді өз денсаулығын бақылауға алып, күтім жасау керектігін ойланды. Бірақ, ол неден бастарын білмей қойды. Ойлана келіп, өзінің күн кестесін құрудан бастауды жөн көрді. Уақытты дұрыс және пайдалы өткізудің де денсаулыққа қатысы бар деп шешті.

Сандуғаштың ойы дұрыс па? Сендер Сандуғаштың орнында болсаңдар күн кестесін қалай құрар едіңдер?

Денсаулықтың достары мен қастары

Денсаулыққа кері әсер ететін факторларды атаңдар:

Қоршаған орта ластығы.

Дұрыс тамақтанбау.

Денсаулық сақтау шараларының төменгі сатыда болуы.

Зиянды заттарды қабылдау.

Тазалықты сақтамау.

Отбасындағы кері жағдайлар.

Адамда стресс жағдайы жиі болуы.

Денсаулыққа дұрыс әсерін тигізетін факторлар:

Дұрыс тамақтану.

Қоршаған орта тазалығы.

Дене шынықтыру.