Бүгінгі күннің Ыбырайы кім эссесі, байқауға арналған үлгі

Бүгінгі күннің Ы.Алтынсарины кім деп ойлайсыз?

(эссе)

Ұстаздық эссе жазып, ой толғайын

Айтылған пікірімді мен қорғайын.

Бүгінгінің «Алтынсарины» кім?

Ұстаз,ұлылық жайлы ой қозғайын.

Ғалым да кенші де бас иетін қасиетті мамандықтың иесі болғанымның өзі бір бақыт. «Ұстаз-ұлылық,шәкірт-мәңгілік» -деген ұлағатты сөзде мол ғибрат сақталған.Ұстазға арналып қаншама жыр санамызда жатталған.Ыбырай Алтынсаринның қазақ даласында алғаш соғылған «дала қоңырауы»

«Бір Аллаға сиынып,

Кел,балалар,оқылық»-деген жыр шашуымен балаларды алғаш ашылған мектебіне шақырды.«Мұғалім-мектептің жүрегі.Сондықтан да мен жақсы оқытушыны дүниедегі заттың бәрінен қымбат көремін»-деді.

Иә, қырық жыл еңбегінде өзгенің баласын өз баласындай көріп,жетістігіне қуана білген әкем Еңсебаев Шакордың ұстаздық жолын ұлылықпен қатар еске аламын.Бүгінгі күннің Алтынсарины –әкемнің шәкірттері:Самал Сабырова мен Майра Құсайынова.33жыл шәкірттерге білім мен өнегелі тәрбие берген ұстаздар «Білім беру ісінің үздігі»,бірнеше медаль иегерлері. 8 баланы өсірген «Алтын алқалы»асыл аналар, даналық пен аналықты қатар алып жүрген парасат биігінен көрінген еңбек ардагерлері.Майра Құсайынқызы 9 рет ұшырған түлектеріне білім беру мен эстетикалық тәрбие беруді мақсат етті. Самал Сабырқызы ауданымызда жаңадан ашылған бастауыш мектепте 20 жыл оқу ісінің меңгерушісі мен мектеп директоры қызметін атқарғанда, Ы.Алтынсарин медалін алған Баян Қасенғазинаны мақтанышпен еске алады.Ардагер ұстаздың ұстанымы- баланы тәрбиелей жүріп, жақсы мінезін қалыптастыру.Мұғалім баланы жақсы көргенде ғана ұстаз бола алатынын қайталап айтады.

Біріншіден, Ыбырайдың педагогтік көзқарасымен айтқанда,білімнен шырақ жаққан Медицина саласының маманы «Қазақстанның Еңбек Ері» Мұхтар Төлеутаев,профессор Ермек Әбілмәжиновтардай шәкірттері «білмегенді білуге есті бала тырысқанның» дәлелі болды.Екіншіден,оқығанды бала көңіліне ықыласпен тоқытуда ыждағатпен,қарапайым болды.Үшіншіден,ұстаздық еткен жалықпай, бүгінгі күннің Алтынсаринына лайықты қадірлі ұстаздар еліміздің жас ұрпақ тәрбиесінен қол үзбей үлес қосып келеді.

Қорытындылай келе, бүгінгі күннің Алтынсарины болатын мұғалім мейірімді, бағдар беруші,кеңесші,коррекция(түзету)жасаушы, көшбасшы.Ұстаз-күн,жарық, нұр құяды,оқушы биіктерге ұмтылады. Білім мен іскерлікті шәкіртіне деген сүйіспеншілік-пен біріктіріп,өздігінен білім алуға,шығармашылыққа тәрбиелеуде оқушылармен бірлескен оқу ортасын құруды мақсат еткен білікті әріптесім Сарқытбекқызы Нұрзияны жазамын.Ұлы педагог Алтынсаринның мақсаттарын жалғастыратын,«Әке мен бала»әңгімесі және «әкеден-ақыл»топтамасындағы оқыту мен тәрбиеге қажетті аса бағалы ұлттық құндылықтарымызды шәкірттерімізге дарытайық.