Жаңашыл педагог туралы эссе жазуға арналған үлгі, 2 бет

Мен - жаңашыл педагог

Тілектесова Аягөз Әсетқызы

(Ойыл ауданы, Саға мектеп-балабақшасы)

Ұстаздық жол, ұстаздық қызмет... Менің ойымдағы ұстаздық жол, мұғалім бейнесі қандай? Меніңше, Абайша айтсақ үйретуден жалықпайтын, бар уақытын аямайтын, алдындағы баланы адам етуге талпынатын, ата-анадан кейінгі жанашыр жан. Мен де осындай биіктен көрінуге бар ынта мен жігерімді жанып жүрген жаңашыл ұстаз қатарынан көрінемін. Себебі, мен үшін ұстаздық – бұл мамандық емес, хобби емес, жұмыс емес, ұстаздық – өмірім. Олай дейтінім, ұстаздықтың ұлы жолына түсіп, ұрпақ тәрбиелеуге «көлге тамған тамшыдай болса да» өз үлесімді қосуды бала көңіл, періште жүректен армандаған едім.

Мен ұстаз болғаныма мақтанамын. Өйткені ұстаз мақтан тұтар мамандық иесі. Менің ойымша, ұстаз бойындағы білім мен сауаттылықты үйлестіре отырып, әрбір шәкіртіне жеке тұлға деп қарап, адал жүрегін ұсынса, өз ісін жан-тәнімен сүйіп істесе, нағыз ұстаз болмақ. Жас ұрпақтың саналы да сапалы білім алуының бірден-бір шарты – ұстаздың жаңашыл болуы. Себебі еліміздің болашағы бүгінгі жас ұрпақтың білім деңгейімен өлшенеді.

Өзінің тарихын, тілін, мәдениетін білетін, сондай-ақ заманына лайық шет тілдерін меңгерген, озық әрі жаһандық көзқарасы бар қазақстандық біздің қоғамымыздың идеалына айналуға тиіс, - деп елбасымыз өз жолдауында(Қ.Р. Президенті Н.Ә.Назарбаевтың Қазақсатан халқына Жолдауы 2018 жыл 10-қаңтар) атап көрсетті. Осындай жаһандану заманына тұспа-тұс келген біздің шәкірттеріміздің бойында рухымызды сіңіріп, тіл мен дінін берік ұстанған ұрпақ оқыту, тәрбиелеу барысында мұғалімнің мойнына жүктелген міндет зор.

«Бала-болашығымыз» - деген елміз, сондықтан да біздің алдымызда ұлы міндеттер тұр. Ел болашағы болар жас ұрпақты тәрбиелеу жолында біз, ұстаздар баланың жаны мен тәні сау, рухани бай етіп өсірумен бірге алған білімін болашақта қолдана алатын, сандық сауаттылығы артқан, өз ойын еркін жеткізе алатын, бәсекеге қабілетті етіп тәрбиелеуге міндеттіміз.

Бүгінгі қоғамымыз жедел дамып алға басу үрдісінде өскелең ұрпағымызды заман ағымына кешеуілдетпей білім мен адами тәрбиені бойларына егіз сіңіруде Елбасымыз көтеріп отырған үш тілде қатар оқыту жауапкершілігін арттыра түсуде. Өркениетті дамыған елу елдің қатарынан бой көрсете білуде ұстаздарға жүктеліп отырған жауапкершілік өз…