Бұлбұлдың әні тақырыбындағы ашық сабақ, 3 сынып

Пәні: әдебиеттік оқу

Сабақтың тақырыбы: Бұлбұлдың әні. Мәдіхат Төрежанов

Сабақтың мақсаты

*Мәтіннің мазмұнын меңгертіп, бұлбұл құсы туралы түсініктерін тереңдету;

*Тіл байлығын, сөздік қорын, көркем сөйлеу дағдысын дамыту

* Табиғатты аялауға, құстарды қорғауға, жауапкершілікті сезінуге тәрбиелеу

Бағалау критерийі

*Мәтіндегі негізгі ойды түсінеді, бұлбұл құсы туралы мәлімет алады.

*Мәнерлеп оқиды, сөздік қоры артады.

* Өзіндік ойын, пікірін айтады.

Тілдік мақсаттар

Пәндік лексика мен терминолдогия

Диалогқа/ жазылымға қажетті тіркестер

Пәнаралық байланыс

Қазақ тілі, өзін-өзі тану, дүниетану пәндерімен пәнаралық байланыстар жүзеге асырылады.

Алдыңғы білім

«Жаңбыр» Б. Майлин.

Сабақ барысы

Сабақтың жоспарланған кезеңдері

Ресурстар

Сабақтың басы

Өткен тақырыптарды қайталауға уақыт беріледі.

10 минут

Сабақтың ортасы

20 мин

«Жаңбыр» даусын тыңдаудан басталады.

- Көз алдарыңа не елестейді?

- Егер көктемді «тіршілік басы» десек, осы тіршілікке, өлкенің, жер әлемнің құлпыруына үлкен әсер ететін не?

- Жаңбыр.

- Жаңбыр — тіршілік көзі.

Топпен жұмыс

І - топ - Жаңбырдың қандай түрлерін білесіңдер?

- Нөсер жаңбыр, ақ жаңбыр, өткінші және соқыр жаңбыр.

«Жаңбыр» өлеңін жатқа айтып, салған суреттерімізді, жазған эсселерімізді оқып көрейік.

Табиғат- шебер суретші. Суретшілер табиғатқа тамсанып сурет салса, ақындар шабыттанып өлең жазған, жазушылар табиғатты сипаттап шығармалар жазудан ешқашан шаршаған емес. Табиғатқа жақын болсақ, оған зейін салсақ бізге де берері мол.

«Жаңбыр» өлеңін жатқа оқу.

Жас ақындардың жаңбыр туралы өлеңдері.

Жас суретшілердің еңбектері.

Жас жазушылардың шығармалары.

Сендер көрермен ретінде зейін салып тыңдаңдар, ұнаған жұмыстарға шапалақ ұрып мадақтап отырайық.

«Көрсетілім» бұлбұлдың әні

- Өте жақсы балалар, көктем сәні жаңбырмен де кіреді екен, сонымен бірге құстардың әсем дауыстарымен де

ерекшеленеді екен.

-Бүгінгі сабағымыздың тақырыбы қандай құсқа байланысты болады деп ойлайсыңдар?

-Бұлбұлдың қандай ерекшелігі бар?

-Қандай адамдарды бұлбұлға теңеп жатады? Бұлбұл әнші құс екен. Сондықтан да үлкендер бұлбұлдай әнші бол деп бата беріп жатады.

Абдақым Темірхан: /оқушы/ автор туралы мәлімет береді. Мәдіхат. Төрежановтың „Бұлбұлдың әні" атты мәтінімен танысамыз. Төрежанов Мәдіхат Сейітхожаұлы - (1921жылы 30-сәуірде, Ақмола облысы Ақкөл ауданы Еңбек ауылында дүниеге келген) – балалар жазушы, КСРО Жазушылар одағының мүшесі (1986). Семей мұғалімдер институтын бітірген (1941). Ұзақ жылдар бойы мұғалім болып жұмыс істеді.

*Әр шығарманың тәрбиелік мәні бар, автор өз оқырмандарына шығармасы арқылы бір негізгі ойды айтқысы келіп тұратындай.

*Мәтінмен жұмыс: Түсініп оқу, іштей түсініп оқуға уақыт беріледі. Автордың осы әңгіме жазудағы мақсаты қандай? Мәтінді оқып, мәтін мазмұнын ашатын 5 сөз жазып алыңдар.

Сұрақ: Әңгімеден қандай әсер алдыңдар?

Топтық жұмыс

Әр бөлімге тақырып қойылады. /5 минут./

1 «кіріспе» 1 топ

2 «негізгі ой» 2 топ

3 «қорытынды» 3 топ