Халық әнімен жұмыс ашық сабағы музыка пәнінен 3 сынып

Қазанғап Тілепбергенұлы атындағы Шалқар ауданының саз мектебі

Ашық сабақ

«Халық әнімен жұмыс»

(мектепішілік апталықта өткізілген сабақ)

Өткізген: Жұмалина Н.Ж.

2018-2019 оқу жылы

Сабақтың тақырыбы: «Халық әнімен жұмыс».

2 сынып Олжаева Көзайым

Сабақтың мақсаты:

Білімділік: Оқушыға халық әні туралы түсінік бере отрып, әнді аспапта ойнау шеберлігін арттыру. Әннің аспапта орындау шеберлігін түсіндіру, үйрету.

Дамытушылық: Халық әнін талдау арқылы оқушының ой-өрісін ноталық сауатын, нотаны бірден оқып үйрену қабілетін дамыту.

Тәрбиелік: Қобыз аспабында ән үйрете отырып, музыка өнерін құрметтеуге тәрбиелеу.

Сабақтың көрнекілігі: кеспе қағаздар, үнтаспа

Сабақтың барысы:

Ұйымдастыру кезеңі

Оқушының сабаққа әзірлігін тексеру, назарын сабаққа аудару.

Үй тапсырмасын тексеру:

Қол жүргізу мақсатында D – dur гаммасын штрихтарымен ойнату.

Мұғалім сөзі: Өткен сабақтарда шағын әндер, этюдтер ойнап үйрендік. Қобыз аспабына лайықталған халық әндеріде бар. Енді қазір жазылған сөздерден түсіп қалған әріптерді орынына қоюымыз керек. Сол әріптерді орынына қойған кезде халық әндерінің атаулары шығады.

«...аусымжан», «Ақ...ариға», «А...хау Керім», «Ақ...айнақ», «Қама...жай», «Ел...гай», «Сәул...ем – ай».

Бұл аталған әндердің барлығы халық әндері. Осы халық әндерінің ішінен «Сәулем – ай» әнін бүгінгі сабағымызда үйренетін боламыз.

Жаңа сабақ: «Халық әнімен жұмыс».

Халық әндері сонау заманнан бері ұрпақтан – ұрпаққа ұласып келе жатқан халқымыздың қазынасы. Халық әндері деп аталуының себебі, ол бір адамның айтқан әнін келесі адам сол сәтте жаттап алып, халық арасында кең таралып кеткен әндер. Дегенімен оны шығарған авторы болады. Орындаушылар арқылы ауызша дамып кеткендіктен негізгі авторы ұмытылып халық әні болып кетеді. Осындай халық әндерінің бірі «Сәулем – айды» үйренетін боламыз. «Сәулем – ай» әні аты айтып тұрғандай қызға арналған ән. Қазақ халқы қыз баланы ерекше құрметтеп, «қыз бала қонақ» , - деп төрден орын беріп сыйлаған. Бұл әнде қазақ халқының салт-дәстүрін берік ұстаған инабатты, ибалы, сұлу қазақ қызының мінезін суреттеген.

Ән D – dur тональностінде 3/4 өлшемде әндете көңілді орындалады. Әнде лига, фермато штрихтары кездеседі. Фермато дегеніміз нотаны орындаушының қалауы бойынша созуды айтамыз. Алдымен өзім ойнап көрсетемін.…