Буллингтің өзекті мәселесі және оны шешу жолдары 11 сынып

БУЛЛИНГТІҢ ЗАРДАПТАРЫ МЕН ШЕШУ ЖОЛДАРЫ

Иә, қазір қоғам өзгерді. Қоғамда жамандық пен жақсылық қатар жүреді. Ұлы Абай атамыз “жақсылық көрсең ғибрәтлі оны ойға жисаңыз, жамандық көрсең нәфрәтлі суытып бойды тисаңыз” демекші жақсылық та, жамандық та адам өміріне маңызды. Қазіргі сәттә алып қарасақ, біз көптеген мектептерде болатын буллингтерге ұшырап жатырмыз.

Буллинг дегеніміз не?

Буллинг адамға психологиялық немесе физикалық түрле жасалатын іс-әрекет. Мысалы, жоғары сынып оқушыларының төмеңгі сынып оқушыларына көрсететін әлімжеттігі. Мұндай іс- әрекеттің оқушыға тигізер зардабы өте көп. Олар қандай десеңіз, буллингке ұшыраған оқушылар, басқа оқушылардан ерекше болады. Олар жалтақтай береді,ешкімге өзінің қарсы пікірін айта алмайды. Жалпы айтқанда психологиялық айырмашылықтары басым болады. Сонымен қатар, буллингке ұшыраған оқушыларда, буллингтің әсерінен үрей пайда болады. Сәйкесіңше өзіне деген сенімділікті жоғалтады. Өзін қабылдай алмау, өзін бағаламау дәл осыдан басталады.

“Бес саусақ бірдей емес”. Дәл сол секілді, жалпы адамдар да, олардың қабылдаулары да әртүрлі. Бірі стресске түсіп, одан шығу жолын іздесе, енді бірі керісінше өз өмірі үшін асығыс шешім қабылдап жатады.

Буллинг бізді шыңға жетелейді ме?

Жоқ, буллинг бізді ешқандай шыңға жетелемейді. Буллинг керісінше бізді көтерілуден құлдырауға әкеледі. Сондықтан біз буллингті болдырмауымыз керек.

Ал, осы буллингті шешу жолдары қандай? Буллингке қарсы тұру үшін не істеу керек?

Буллингті болдырмаудың мен ұсынатын бірнеше жолы бар. Алғашқы ұсынысым, “көмекке жүгіну”, яғни буллингке ұшыраған жағдайда арнайы мамандардан, соның ішінде психолог мамандарынан кеңес алу. Себебі психологтар бұл мәселені шешу жолын біледі. Олар өз тәжірибесінде көмекке мұқтаж жанға көмектескен. Тіпті болмай жатса жақыныңа айту керек. Мысалы ата-анаға айту, олармен сырласу. Себебі, олар қандайда бір шара қолданады.

Келесі ұсынысым, “қызығушылықтарды арттыру”. Жаңа хобби түрлерін табу, жаңа ізденіс жұмыстарын арттыру, мидың сергек болуына және ойымыздың дамуына көмектеседі. Бұл іс- әрекет сені тынышталдырады және бұл сенің ұнататын хоббиін болғандықтан сенің уақытын текке өтпейді. Хобби түрлері өте көп. Мысалы: спорт,би,ән,аспаптарда ойнау т.б. Осы сынды хоббилер жан тыныштығы мен дүниетанымынды өсіреді.

Үшінші ұсынысым, “медитация және тыныс алу” жаттығуларын әдетке айналдыру. Бұл әрекет сіздің эмоцианалды күйінізді реттеуге көмектеседі. Себебі буллингке ұшыраған оқушылар арасында өзін-өзі басқару немесе тежеу қиындық тудыруы мүмкін. Ал мен ұсынған әдіс, көмек тигізері анық.

Буллингті шешу жолындағы ең басты қағида –сіздің сеніміңіз!

ҚОСЫМША БІЛІМ БЕРУ ОҚУ-ӘДІСТЕМЕЛІК ОРТАЛЫҒЫ

ЖАС ТІЛШІ ҮЙІРМЕСІНІҢ ОҚУШЫСЫ ЖҰМАҒҰЛ ГҮЛСЕЗІМ